Dhuteronomi 14

1 Imi muri vana vaJehovha Mwari wenyu. Musazvicheka kana kuzviveura pamberi pomusoro muchiitira vakafa,

Ye are sons of Jehovah your God: ye shall not cut yourselves, nor make any baldness between your eyes for a dead person.

2 nokuti muri rudzi rutsvene kuna Jehovha Mwari wenyu. Jehovha akakutsaurai kubva pakati pendudzi dzose dziri panyika kuti muve rudzi rwake runokosha.

For thou art a holy people unto Jehovah thy God, and thee hath Jehovah chosen for a people of possession unto himself, out of all the peoples that are upon the face of the earth.

3 Musadya chinhu chipi zvacho chinonyangadza.

Thou shalt not eat any abominable thing.

4 Idzi ndidzo mhuka dzamungadya: mombe, hwai, mbudzi,

These are the beasts which ye shall eat: the ox, the sheep, and the goat;

5 nondo, mhara, mhembwe, ngururu, mharapara, nyati nehwai yomugomo.

the hart, and the gazelle, and the stag, and the wild goat, and the dishon and the oryx, and the wild sheep.

6 Mungadya henyu mhuka ipi neipi ina mahwanda akaparadzana kuita maviri uye inodzeya.

And every beast that hath cloven hoofs, and the feet quite split open into double hoofs, [and] which cheweth the cud, among the beasts, that ye shall eat.

7 Zvisinei, pane idzo dzinodzeya kana dzina mahwanda akaparadzana, mahwanda akanyatsoparadzana, hamufaniri kudya ngamera, tsuro kana mbira. Kunyange zvazvo dzichidzeya hadzina mahwanda akaparadzana; hadzina kuchena kwamuri.

Only these ye shall not eat of those that chew the cud, or of those with hoofs cloven and split open: the camel, and the hare, and the rock-badger; for they chew the cud, but have not cloven hoofs — they shall be unclean unto you;

8 Nguruvewo haina kuchena; kunyange zvayo ina mahwanda akaparadzana, haidzeyi. Hamufaniri kudya nyama yadzo kana kubata zvitunha zvadzo.

and the swine, for it hath cloven hoofs, yet cheweth not the cud — it shall be unclean unto you. Of their flesh shall ye not eat, and their carcase shall ye not touch.

9 Pazvipuka zvose zvinogara mumvura, mungadya henyu zvose zvine zvimbi namakwande.

These shall ye eat of all that are in the waters: whatsoever hath fins and scales shall ye eat;

10 Asi chipi nechipi zvacho chisina zvimbi namakwande hamufaniri kudya; nokuti hachina kuchena.

but whatsoever hath not fins and scales ye shall not eat: it shall be unclean unto you.

11 Mungadya henyu shiri ipi neipi yakachena.

All clean birds shall ye eat.

12 Asi dzamusingafaniri kudya ndeidzi: gondo, gora, gora dema,

But these are they of which ye shall not eat: the eagle, and the ossifrage, and the sea-eagle,

13 njerere tsvuku, njerere nhema, rukodzi namarudzi arwo,

and the falcon, and the kite, and the black kite after its kind;

14 gunguo namarudzi aro ose,

and every raven after its kind;

15 zizi renyanga, kazizimbori, shiri yegungwa, namarudzi ose eruvangu,

and the female ostrich, and the male ostrich, and the sea-gull, and the hawk after its kind;

16 zizi duku, zizi guru, zizi jena,

the owl, and the ibis and the swan,

17 zizi romurenje, hukurwizi nekanyururahove,

and the pelican, and the carrion vulture, and the gannet,

18 neshuramurove namarudzi ose ekondo, nemhupupu uye nechiremwaremwa.

and the stork, and the heron after its kind, and the hoopoe, and the bat.

19 Zvipuka zvose zvina mapapiro zvinokambaira hazvina kuchena kwamuri; hamufaniri kuzvidya.

And every winged crawling thing shall be unclean unto you; they shall not be eaten.

20 Asi zvipuka zvose zvina mapapiro zvakachena mungadya henyu.

All clean fowls shall ye eat.

21 Musadya chii zvacho chamunoona chakafa. Mungapa zvenyu kumutorwa agere mune rimwe ramaguta enyu, uye angadya zvake kana kuti mungatengesera zvenyu kumutorwa. Asi imi muri rudzi rutsvene kuna Jehovha Mwari wenyu. Musabika mbudzana mumukaka wamai vayo.

Ye shall eat of no carcase; thou shalt give it unto the stranger that is within thy gates, that he may eat it, or sell it unto a foreigner; for thou art a holy people to Jehovah thy God. Thou shalt not boil a kid in its mother's milk.

22 Chenjera kuti utsaure chegumi chezvinhu zvose zvaunokohwa muminda yako gore negore.

Thou shalt truly tithe all the increase of thy seed, the produce of the field, year by year.

23 Udye chegumi chezviyo, newaini itsva namafuta uye nezvibereko zvokutanga zvemombe dzako nezvamakwai ako pamberi paJehovha Mwari wako panzvimbo yaachasarudza kuti Zita rake rigarepo, kuitira kuti udzidze kutya Jehovha Mwari wako nguva dzose.

And thou shalt eat before Jehovah thy God, in the place which he will choose to cause his name to dwell there, the tithe of thy corn, of thy new wine, and of thine oil, and the firstlings of thy herds and of thy flocks; that thou mayest learn to fear Jehovah thy God continually.

24 Asi kana nzvimbo yacho iri kure uye waropafadzwa naJehovha Mwari wako, uye usingagoni kutakura chegumi chako (nokuti nzvimbo ichasarudzwa naJehovha kuti Zita rake rigarepo iri kure),

And if the way be too long for thee, so that thou art not able to carry it, because the place is too far from thee, which Jehovah thy God will choose to set his name there, when Jehovah thy God blesseth thee;

25 ipapo unofanira kutsinhanisa chegumi chako nesirivha, ugotora sirivha ugoenda nayo kunzvimbo ichasarudzwa naJehovha Mwari wako.

then shalt thou give it for money, and bind the money together in thy hand, and go to the place which Jehovah thy God will choose,

26 Shandisa sirivha yacho kutenga zvaungada, zvakadai sezvizvi: mombe, makwai, waini kana zvimwe zvokunwa zvinobata, kana chinhu chipi zvacho chaunoda. Ipapo iwe neimba yako muchadya pamberi paJehovha Mwari wenyu mugofara.

and thou shalt give the money for whatever thy soul desireth, for oxen, or for sheep, or for wine, or for strong drink, or for whatever thy soul asketh of thee; and thou shalt eat there before Jehovah thy God, and thou shalt rejoice, thou, and thy house.

27 Uye musazokanganwa vaRevhi vagere mumaguta enyu, nokuti havana mugove kana nhaka yavowo.

And thou shalt not forsake the Levite that is within thy gates; for he hath no portion nor inheritance with thee.

28 Panopera makore matatu oga oga, munofanira kuuya nezvegumi zvegore iroro uye mugozvichengetera mumaguta enyu,

At the end of three years thou shalt bring forth all the tithe of thine increase the same year, and shalt lay it up within thy gates;

29 kuitira kuti vaRevhi (avo vasina mugove kana nhaka yavowo) uye nomweni, nherera nechirikadzi vanogara mumaguta enyu, vauye vagodya vachiguta, uye kuitira kuti Jehovha Mwari wenyu akuropafadzei pamabasa ose amaoko enyu.

and the Levite — for he hath no portion nor inheritance with thee — and the stranger, and the fatherless, and the widow, that are within thy gates, shall come, and shall eat and be satisfied; that Jehovah thy God may bless thee in all the work of thy hand which thou doest.