Psalms 36

1 IET me i men inda jan lol en monion i duen tiak en me japun o: Jota lan Kot mi mon maj a.

2 A kin kotaue o linkapin, pwen pein i dadaurata a dodok jued, ap tataki me tei kan.

3 A lokaia karoj me jued o likam; a pil jota kin duki on padak, pwen wiada me mau.

4 A kin madamadaua pon a loj. A kin weweid nani al me jota mau o jota kin juedeki me japun.

5 Main, omui kalanan me ideda won lan, o omui melel pil lel on tapok kan.

6 Omui pun rajon nana en Kot akan, o omui kadeik kan me rajon iluk ileile kalank; Main, komui me kotin dorela aramaj o man akan.

7 Meid kajampwal omui kalanan Main Kot, pwe aramaj akan kin diar wajan kamaio pan mot en lim omui!

8 Re pan jaliel kila dipijou toto nan tanpaj omui, o kom kotin kanim pil kin irail peren laud rajon pilap pot.

9 Pwe parer on maur mi re omui, o ni omui marain, je kin kilan marain.

10 Kom kotin dadaurata omui kalanan on mo aja komui, o omui pun on me melel jan ni monion arail.

11 Kom der mueid on, i en tiatidi pan me aklapalap akan, o pa en me japun kan ender kapup ia di.

12 A mejued akan en pupedi waja o, pwen ren lokidokila o jolar memaureda.