Faarfannaa 90
1 Kadhannaa Musee Nama Waaqaa Sanaa. Yaa Gooftaa, ati dhaloota hunda keessatti iddoo jireenyaa nuu taateerta.
| תפלה למשה איש האלהים אדני מעון אתה היית לנו בדר ודר׃ |
2 Utuu tulluuwwan hin dhalatin yookaan utuu ati lafaa fi addunyaa hin uumin, baraa baraa hamma bara baraatti ati Waaqa.
| בטרם הרים ילדו ותחולל ארץ ותבל ומעולם עד עולם אתה אל׃ |
3 Atis, “Yaa ilmaan namootaa, biyyootti deebiʼaa” jettee namoota biyyootti deebista.
| תשב אנוש עד דכא ותאמר שובו בני אדם׃ |
4 Fuula kee duratti waggaan kumni tokko, akkuma guyyaa kaleessa darbee ti; yookaan akkuma dabaree eegumsa halkanii tokkoo ti.
| כי אלף שנים בעיניך כיום אתמול כי יעבר ואשמורה בלילה׃ |
5 Ati hirriba duʼaatiin namoota haxooftee balleessita; isaan akkuma marga ganama bayyanatuu ti;
| זרמתם שנה יהיו בבקר כחציר יחלף׃ |
6 margi sun ganama ganama bayyanatu illee galgala galgala garuu coollagee goga.
| בבקר יציץ וחלף לערב ימולל ויבש׃ |
7 Aariin kee nu fixeera; dheekkamsi kees nu naasiseera.
| כי כלינו באפך ובחמתך נבהלנו׃ |
8 Yakka keenya fuula kee dura, cubbuu keenya dhokataa sanas ifa fuula keetii dura keesseerta.
| שת עונתינו לנגדך עלמנו למאור פניך׃ |
9 Barri keenya hundinuu dheekkamsa keetiin dhumeeraatii; umurii keenyas aaduudhaan fixanna.
| כי כל ימינו פנו בעברתך כלינו שנינו כמו הגה׃ |
10 Dheerinni bara keenyaa waggaa torbaatama, yoo jabaanne immoo waggaa saddeettama taʼa; kuni iyyuu garri caalaan isaa dadhabbii fi rakkinaan guutameera; inni dafee darbaatii; nus barrifnee ni sokkina.
| ימי שנותינו בהם שבעים שנה ואם בגבורת שמונים שנה ורהבם עמל ואון כי גז חיש ונעפה׃ |
11 Humna aarii keetii eenyutu beeka? Dheekkamsi kee akkuma sodaa nu siif qabaachuu qabnu sanaa guddaadhaatii.
| מי יודע עז אפך וכיראתך עברתך׃ |
12 Akka nu garaa ogummaadhaan guutame qabaannuuf, bara keenya lakkaaʼuu nu barsiisi.
| למנות ימינו כן הודע ונבא לבב חכמה׃ |
13 Yaa Waaqayyo, deebiʼi! Kun hamma yoomiitti taʼa? Tajaajiltoota keetiifis garaa laafi.
| שובה יהוה עד מתי והנחם על עבדיך׃ |
14 Akka nu bara keenya guutuu gammannee ililchinuuf, ganama ganama araara keetiin nu quufsi.
| שבענו בבקר חסדך ונרננה ונשמחה בכל ימינו׃ |
15 Hamma baayʼina guyyoota ati nu miite sanaa, hamma baayʼina waggoota nu rakkanne sanaas nu gammachiisi.
| שמחנו כימות עניתנו שנות ראינו רעה׃ |
16 Hojiin kee tajaajiltoota keetti, ulfinni kees ijoollee isaaniitti haa mulʼifamu.
| יראה אל עבדיך פעלך והדרך על בניהם׃ |
17 Eebbi Waaqa keenya Gooftichaa nurra haa buʼu; hojii harka keenyaas jabeessii nuu dhaabi; eeyyee, hojii harka keenyaa jabeessii nuu dhaabi.
| ויהי נעם אדני אלהינו עלינו ומעשה ידינו כוננה עלינו ומעשה ידינו כוננהו׃ |
