Faarfannaa 7
1 Shiigaayoonni Daawit kan inni waaʼee Kuushi namicha gosa Beniyaamiif jedhee Waaqayyoof faarfate. Yaa Waaqayyo Waaqa ko, ani kooluu sitti nan gala; warra na ariʼatan hunda jalaa na baasi; na oolchis;
| שגיון לדוד אשר-שר ליהוה--על-דברי-כוש בן-ימיני ב יהוה אלהי בך חסיתי הושיעני מכל-רדפי והצילני |
2 yoo kanaa achii isaan yeroo namni na oolchu hin jirretti, akka leencaa na cicciratu; na kukkutatus.
| פן-יטרף כאריה נפשי פרק ואין מציל |
3 Yaa Waaqayyo Waaqa ko, yoo ani waan kana godhee jiraadhe yoo harka koo keessa yakki jiraate,
| יהוה אלהי אם-עשיתי זאת אם-יש-עול בכפי |
4 yoo ani nama nagaadhaan na wajjin jiraatutti hamaa hojjedhee jiraadhe, yookaan yoo ani sababii malee diina koo saamee jiraadhe,
| אם-גמלתי שולמי רע ואחלצה צוררי ריקם |
5 diinni koo ariʼee na haa qabatu; jireenya koo lafatti haa dhidhiitu; ulfina koos awwaara keessa haa buusu.
| ירדף אויב נפשי וישג--וירמס לארץ חיי וכבודי לעפר ישכן סלה |
6 Yaa Waaqayyo aarii keetiin kaʼi; dheekkamsa diinota kootti kaʼi. Yaa Waaqa koo anaaf dammaqi; murtii qajeelaa labsi.
| קומה יהוה באפך--הנשא בעברות צוררי ועורה אלי משפט צוית |
7 Yaaʼiin namootaa naannoo keetti walitti haa qabamu; atis ol gubbaadhaa isaan bulchi.
| ועדת לאמים תסובבך ועליה למרום שובה |
8 Waaqayyo sabootaaf murtii haa kennu. Yaa Waaqayyo, akka qajeelummaa kootiitti, akka amanamummaa kootiittis naa murteessi.
| יהוה ידין עמים שפטני יהוה כצדקי וכתמי עלי |
9 Yaa Waaqa qajeelaa, kan yaadaa fi garaa namaa qortu, fincila hamootaa balleessi; qajeeltota immoo jabeessii dhaabi.
| יגמר נא רע רשעים-- ותכונן צדיק ובחן לבות וכליות-- אלהים צדיק |
10 Gaachanni koo Waaqa; inni gara toleeyyii ni oolcha.
| מגני על-אלהים מושיע ישרי-לב |
11 Waaqni abbaa murtii qajeelaa dha; inni Waaqa guyyaa hunda dheekkamsa isaa mulʼisuu dha.
| אלהים שופט צדיק ואל זעם בכל-יום |
12 Yoo namni qalbii jijjiirrachuu baate, inni goraadee isaa ni qarata; iddaa isaas dabsee qopheeffata.
| אם-לא ישוב חרבו ילטוש קשתו דרך ויכוננה |
13 Inni meeshaa nama ajjeesu qopheeffateera; xiyya bobaʼus ni qopheeffata.
| ולו הכין כלי מות חציו לדלקים יפעל |
14 Kunoo, namni hamaan hammina ulfaaʼa; jalʼina garaatti baata; soba dhala.
| הנה יחבל-און והרה עמל וילד שקר |
15 Inni gad fageessee boolla qota; boolla qopheesse sana keessas ni buʼa.
| בור כרה ויחפרהו ויפל בשחת יפעל |
16 Dabni isaa matuma isaatti deebiʼa; jalʼinni isaas gubbee mataa isaa irra buʼa.
| ישוב עמלו בראשו ועל קדקדו חמסו ירד |
17 Qajeelummaa isaatiif Waaqayyoon nan galateeffadha; maqaa Waaqayyoo Waaqa Waan Hundaa Oliis faarfannaadhaan nan jajadha.
| אודה יהוה כצדקו ואזמרה שם-יהוה עליון |
