Faarfannaa 61

1 Dura buʼaa faarfattootaatiif. Faarfannaa Daawit kan miʼa ribuutiin faarfatame. Yaa Waaqi, iyyata koo dhagaʼi; kadhannaa koos dhaggeeffadhu.

To the chief Musician upon Neginah, [A Psalm] of David. Hear my cry, O God; attend unto my prayer.

2 Yeroo garaan koo citetti, ani handaara lafaatii sin waammadha; ati gara kattaa na caalaa ol dheeratuutti na geessi.

From the end of the earth will I cry unto thee, when my heart is overwhelmed: lead me to the rock [that] is higher than I.

3 Ati iddoo ani itti kooluu galuudhaatii; fuula diina koo durattis gamoo jabaa dha.

For thou hast been a shelter for me, [and] a strong tower from the enemy.

4 Ani bara baraan dunkaana kee keessa jiraachuu, gaaddisa qoochoo keetii jalattis kooluu galuu nan hawwa.

I will abide in thy tabernacle for ever: I will trust in the covert of thy wings. (Selah)

5 Yaa Waaqi, ati wareega koo dhageesseertaatii; dhaala warri maqaa kee sodaatan argatanis naa kenniteerta.

For thou, O God, hast heard my vows: thou hast given [me] the heritage of those that fear thy name.

6 Bara jireenya mootii, umurii isaa illee dhalootaa gara dhalootaatti dheeressi.

Thou wilt prolong the king’s life: [and] his years as many generations.

7 Innis fuula Waaqaa duratti bara baraan haa moʼu; akka jaalalli keetii fi amanamummaan kee isa eeganis godhi.

He shall abide before God for ever: O prepare mercy and truth, [which] may preserve him.

8 Anis faarfannaa galataa maqaa keetiif nan faarfadha; guyyuma guyyaanis wareega koo nan guuttadha.

So will I sing praise unto thy name for ever, that I may daily perform my vows.