Faarfannaa 45
1 Dura buʼaa faarfattootaatiif. Yeedaloo ilmaan Qooraahi kan “Daraaraa” jedhamu. Maskiil. Faarfannaa cidhaa. Yommuu ani mootiidhaaf faarfadhutti, yaadni gaariin garaa koo guutee irra dhangalaʼa; arrabni koos akkuma biirii barreessaa ogeessa tokkoo ti.
| למנצח על-ששנים לבני-קרח משכיל שיר ידידת ב רחש לבי דבר טוב-- אמר אני מעשי למלך לשוני עט סופר מהיר |
2 Ati nama hundumaa caalaa miidhagaa dha; hidhii kee irra surraatu dhangalaʼa; kanaafuu Waaqni bara baraan si eebbiseera.
| יפיפית מבני אדם-- הוצק חן בשפתותיך על-כן ברכך אלהים לעולם |
3 Yaa gooticha, goraadee kee luqqeettuutti hidhadhu; ulfinaa fi surraa uffadhu.
| חגור-חרבך על-ירך גבור-- הודך והדרך |
4 Sababii dubbii dhugaatiif, gad of qabiisaa fi qajeelummaatiif, miidhagina keetiin moʼannaadhaan fuula duratti gulufi; harki kee mirgaas hojii sodaachisaa haa hojjetu.
| והדרך צלח רכב-- על-דבר-אמת וענוה-צדק ותורך נוראות ימינך |
5 Xiyyawwan kee qara qabeeyyiin sun onnee diinota mootii haa waraanan; saboonnis miilla kee jalatti haa jijjiganii.
| חציך שנונים עמים תחתיך יפלו בלב אויבי המלך |
6 Yaa Waaqayyo, teessoon kee bara baraa hamma bara baraatti ni jiraata; bokkuun qajeelummaas bokkuu mootummaa keetii ni taʼa.
| כסאך אלהים עולם ועד שבט מישר שבט מלכותך |
7 Ati qajeelummaa jaallatta; jalʼina immoo ni jibbita; kanaafuu Waaqayyo, Waaqni kee hiriyoota kee caalaatti, zayitiidhaan gammachuu si dibeera.
| אהבת צדק ותשנא-רשע על-כן משחך אלהים אלהיך שמן ששון-- מחברך |
8 Uffanni kee hundinuu qumbiidhaan, argeessaa fi qundhiidhaan ni urgaaʼa; masaraawwan ilka arbaatiin miidhagfaman keessattis muuziiqaan miʼa ribuu si gammachiisa.
| מר-ואהלות קציעות כל-בגדתיך מן-היכלי שן מני שמחוך |
9 Intallan moototaa dubartoota kee warra kabajamoo keessa jiru; mootittiinis warqee Oofiiriitiin miidhagfamtee karaa harka mirga keetii dhaabatti.
| בנות מלכים ביקרותיך נצבה שגל לימינך בכתם אופיר |
10 Yaa intalaa dhagaʼi; hubadhu; gurra kees as qabi; saba keetii fi mana abbaa keetii irraanfadhu.
| שמעי-בת וראי והטי אזנך ושכחי עמך ובית אביך |
11 Mootiin miidhagina kee hawwa; waan inni gooftaa kee taʼeef isa kabaji.
| ויתאו המלך יפיך כי-הוא אדניך והשתחוי-לו |
12 Intalli Xiiroos kennaa fiddee dhufti; sooreyyiinis garaa si laafifachuu barbaadu.
| ובת-צר במנחה פניך יחלו--עשירי עם |
13 Intalli mootii ulfina guddaadhaan diinqa ishee jirti; uffanni ishees warqeedhaan dhaʼame.
| כל-כבודה בת-מלך פנימה ממשבצות זהב לבושה |
14 Isheenis uffata halluu garaa garaa qabu uffattee gara mootiitti geeffamti; durboonni waaʼelli ishees ishee duukaa buʼanii gara keetti fidamu.
| לרקמות תובל למלך בתולות אחריה רעותיה--מובאות לך |
15 Isaanis gammachuu fi ililleedhaan ol galfamu; masaraa mootichaas ni seenu.
| תובלנה בשמחת וגיל תבאינה בהיכל מלך |
16 Ilmaan kee iddoo abbootii keetii buʼan; atis lafa hunda irratti isaan ni moosifta.
| תחת אבתיך יהיו בניך תשיתמו לשרים בכל-הארץ |
17 Ani akka maqaan kee dhaloota hunda keessatti yaadatamu nan godha; kanaafuu saboonni bara baraa hamma bara baraatti si jajatu.
| אזכירה שמך בכל-דר ודר על-כן עמים יהודוך לעלם ועד |
