Faarfannaa 13

1 Dura buʼaa faarfattootaatiif. Faarfannaa Daawit. Yaa Waaqayyo, hamma yoomiitti? Ati hamma bara baraatti na irraanfattaa? Hamma yoomiittis fuula kee na duraa dhoksita?

למנצח מזמור לדוד עד אנה יהוה תשכחני נצח עד אנה תסתיר את פניך ממני׃

2 Ani hamma yoomiittin rakkina obsee guyyaa guutuu garaa koo keessatti gadda? Hamma yoomiitti diinni koo narra aana?

עד אנה אשית עצות בנפשי יגון בלבבי יומם עד אנה ירום איבי עלי׃

3 Yaa Waaqayyo Waaqa ko, na ilaali; deebii illee naa kenni. Akka ani hirriba duʼaa hin rafneefis ija kootiif ifa kenni;

הביטה ענני יהוה אלהי האירה עיני פן אישן המות׃

4 diinni koo, “Ani isa moʼadheera” jedha; amajaajiiwwan koos kufaatii kootti gammadu.

פן יאמר איבי יכלתיו צרי יגילו כי אמוט׃

5 Ani garuu araara kee nan amanadha; garaan koos fayyisuu keetti ni gammada.

ואני בחסדך בטחתי יגל לבי בישועתך׃

6 Ani Waaqayyoof nan faarfadha; arjummaan isaa naa baayʼateeraatii.

אשירה ליהוה כי גמל עלי׃