Faarfannaa 107
1 Waaqayyoof galata galchaa; inni gaariidhaatii; jaalalli isaa bara baraan jiraata.
| הדו ליהוה כי טוב כי לעולם חסדו׃ |
2 Warri Waaqayyo isaan fure, warri inni harka diinaatii baase,
| יאמרו גאולי יהוה אשר גאלם מיד צר׃ |
3 warri inni biyya gara garaatii, baʼaa fi lixa biiftuutii, kaabaa fi kibbaa walitti qabe waan kana haa dubbatan.
| ומארצות קבצם ממזרח וממערב מצפון ומים׃ |
4 Isaan keessaa tokko tokko gammoojjii goggogaa keessa jooran; magaalaa keessa jiraachuu dandaʼanis hin arganne.
| תעו במדבר בישימון דרך עיר מושב לא מצאו׃ |
5 Isaan ni beelaʼan; ni dheebotanis; lubbuun isaaniis isaan keessatti gaggabde.
| רעבים גם צמאים נפשם בהם תתעטף׃ |
6 Isaan rakkina isaanii keessatti Waaqayyotti iyyatan; innis dhiphina isaanii keessaa isaan baase.
| ויצעקו אל יהוה בצר להם ממצוקותיהם יצילם׃ |
7 Inni hamma isaan magaalaa keessa jiraachuu dandaʼan gaʼanitti karaa qajeelaa irra isaan qajeelche.
| וידריכם בדרך ישרה ללכת אל עיר מושב׃ |
8 Isaan sababii jaalala isaa kan hin geeddaramne sanaatii fi hojii dinqii kan inni ilmaan namaatiif hojjete sanaatiif Waaqayyoon haa galateeffatan;
| יודו ליהוה חסדו ונפלאותיו לבני אדם׃ |
9 inni warra dheebotan dheebuu baasee warra beelaʼan illee waan gaariidhaan quufsaatii.
| כי השביע נפש שקקה ונפש רעבה מלא טוב׃ |
10 Isaan keessaas tokko tokko sibiilaan hidhamanii rakkachaa, dukkanaa fi dimimmisa keessa jiraatan;
| ישבי חשך וצלמות אסירי עני וברזל׃ |
11 isaan dubbii Waaqaatti fincilanii gorsa Waaqa Waan Hundaa Oliis tuffataniiruutii.
| כי המרו אמרי אל ועצת עליון נאצו׃ |
12 Kanaafuu inni dabarsee hojii dadhabsiisaatti isaan kenne; isaanis ni gufatan; namni isaan gargaaru tokko iyyuu hin argamne.
| ויכנע בעמל לבם כשלו ואין עזר׃ |
13 Isaan rakkina isaanii keessatti Waaqayyotti iyyatan; innis dhiphina isaanii keessaa isaan baase.
| ויזעקו אל יהוה בצר להם ממצקותיהם יושיעם׃ |
14 Inni dukkanaa fi dimimmisa keessaa isaan baase; foncaa isaanis gargar kukkute.
| יוציאם מחשך וצלמות ומוסרותיהם ינתק׃ |
15 Isaan sababii jaalala isaa kan hin geeddaramne sanaatii fi hojii dinqii kan inni ilmaan namaatiif hojjete sanaatiif Waaqayyoon haa galateeffatan;
| יודו ליהוה חסדו ונפלאותיו לבני אדם׃ |
16 inni balbalawwan naasii caccabsee danqaraawwan sibiilaa illee kukkutaatii.
| כי שבר דלתות נחשת ובריחי ברזל גדע׃ |
17 Isaan keessaa tokko tokko cubbuu mataa isaaniitiin gowwooman; sababii balleessaa isaaniitiifis gadadoo keessa seenan.
| אולים מדרך פשעם ומעונתיהם יתענו׃ |
18 Isaan nyaata gosa kamii iyyuu balfanii afaan boolla duʼaa gaʼan.
| כל אכל תתעב נפשם ויגיעו עד שערי מות׃ |
19 Rakkina isaanii keessatti Waaqayyotti iyyatan; innis dhiphina isaanii keessaa isaan baase.
| ויזעקו אל יהוה בצר להם ממצקותיהם יושיעם׃ |
20 Inni dubbii isaa ergee isaan fayyise; awwaala keessaas isaan baase.
| ישלח דברו וירפאם וימלט משחיתותם׃ |
21 Isaan sababii jaalala isaa kan hin geeddaramne sanaatii fi hojii dinqii kan inni ilmaan namaatiif hojjete sanaatiif, Waaqayyoon haa galateeffatan!
| יודו ליהוה חסדו ונפלאותיו לבני אדם׃ |
22 Aarsaa galataa haa dhiʼeessan; faarfannaa gammachuutiinis hojii isaa haa himan.
| ויזבחו זבחי תודה ויספרו מעשיו ברנה׃ |
23 Isaan keessaa tokko tokko dooniidhaan galaana irra deemanii bishaanota gurguddaa irratti daldalan.
| יורדי הים באניות עשי מלאכה במים רבים׃ |
24 Isaanis hojii Waaqayyootii fi hojii isaa dinqisiisaa sana tuujuba keessatti argan.
| המה ראו מעשי יהוה ונפלאותיו במצולה׃ |
25 Inni dubbatee bubbee jabaa dambalii galaanaa ol fuudhu tokko kaaseeraatii.
| ויאמר ויעמד רוח סערה ותרומם גליו׃ |
26 Isaan samiitti ol baʼanii tuujubatti gad buʼan; rakkina isaanii keessattis abdii kutatan.
| יעלו שמים ירדו תהומות נפשם ברעה תתמוגג׃ |
27 Akka nama machaaʼee daddarbatamanii gatantaran ogummaan isaanis faayidaa dhabe.
| יחוגו וינועו כשכור וכל חכמתם תתבלע׃ |
28 Isaan rakkina isaanii keessatti Waaqayyotti iyyatan; innis dhiphina isaanii keessaa isaan baase.
| ויצעקו אל יהוה בצר להם וממצוקתיהם יוציאם׃ |
29 Inni akka dambaliin sun qabbanaaʼuuf dhaʼaa galaanaa calʼisiise.
| יקם סערה לדממה ויחשו גליהם׃ |
30 Isaan waan dambalii fi dhaʼaan galaanaa sun calʼisaniif ni gammadan; haala kanaanis gara qubata doonii barbaadaniitti isaan geesse.
| וישמחו כי ישתקו וינחם אל מחוז חפצם׃ |
31 Isaan sababii jaalala isaa kan hin geeddaramne sanaatii fi hojii dinqii kan inni ilmaan namaatiif hojjete sanaatiif Waaqayyoon haa galateeffatan.
| יודו ליהוה חסדו ונפלאותיו לבני אדם׃ |
32 Waldaa namootaa keessatti isa haa leellisan; wal gaʼii maanguddootaa keessattis isa haa jajan.
| וירממוהו בקהל עם ובמושב זקנים יהללוהו׃ |
33 Innis lagoota gammoojjii taasisee burqaawwan bishaanis gara lafa goggogaatti geeddare;
| ישם נהרות למדבר ומצאי מים לצמאון׃ |
34 sababii hammina warra achi jiraataniitiif, biyya midhaan baasu lafa soogiddaa taasise.
| ארץ פרי למלחה מרעת ישבי בה׃ |
35 Gammoojjii kuusaa bishaaniitti, lafa goggogaa immoo burqaa bishaaniitti geeddare;
| ישם מדבר לאגם מים וארץ ציה למצאי מים׃ |
36 inni akka warri beelaʼan achi jiraatan godhe; isaanis magaalaa keessa jiraatan ijaarratan.
| ויושב שם רעבים ויכוננו עיר מושב׃ |
37 Lafa qotiisaa isaanii facaafatanii wayiniis ni dhaabbatan; midhaan gaariis argatan.
| ויזרעו שדות ויטעו כרמים ויעשו פרי תבואה׃ |
38 Inni isaan eebbise; baayʼina isaaniis akka malee dabale; akka loon isaanii lakkoobsaan yarachaa deeman hin goone.
| ויברכם וירבו מאד ובהמתם לא ימעיט׃ |
39 Yeroo isaan cunqursaadhaan, rakkinaa fi gaddaan xinnaatanii gad deebiʼanitti,
| וימעטו וישחו מעצר רעה ויגון׃ |
40 inni namoota bebeekamoo irratti tuffii roobsee akka isaan gammoojjii karaa hin qabne keessa jooran godhe.
| שפך בוז על נדיבים ויתעם בתהו לא דרך׃ |
41 Inni garuu rakkattoota dhiphina isaanii keessaa baase; maatii isaanis akkuma bushaayee baayʼise.
| וישגב אביון מעוני וישם כצאן משפחות׃ |
42 Qajeeltonni waan kana arganii ililchu; hamoonni hundinuu garuu afaan qabatu.
| יראו ישרים וישמחו וכל עולה קפצה פיה׃ |
43 Ogeessi kam iyyuu waan kana yaadatti haa qabatu; jaalala Waaqayyoo kan dhuma hin qabne sana illee haa hubatu.
| מי חכם וישמר אלה ויתבוננו חסדי יהוה׃ |
