Faarfannaa 1

1 Namni gorsa hamootaatiin hin deddeebine, yookaan karaa cubbamootaa irra hin dhaabanne, yookaan barcuma qoostotaa irra hin teenye, eebbifamaa dha.

Blessed is the one who doesn't follow the advice of the wicked, or take the path of sinners, or join in with scoffers.

2 Garuu inni seera Waaqayyootti gammada; seera isaas halkanii guyyaa irra deddeebiʼee itti yaada.

But his delight is in the law of the LORD, and on his law he meditates day and night.

3 Inni akkuma muka qarqara bishaan yaaʼuu dhaabamee yeroo isaatti ija isaa kennu, kan baalli isaas hin coollagnee ti; wanni inni hojjetu hundinuus ni tolaaf.

He will be like a tree planted by the streams of water, that brings forth its fruit in its season, whose leaf also does not wither, and whatever he does shall prosper.

4 Hamoonni garuu akkana miti; isaan akka habaqii qilleensi fudhatee balleessuu ti.

Not so with the wicked; instead, they are like the chaff which the wind drives away.

5 Kanaafuu hamoonni murtii dura, yookaan cubbamoonni waldaa qajeeltotaa keessa hin dhaabatan.

Therefore the wicked shall not stand in the judgment, nor sinners in the congregation of the righteous.

6 Waaqayyo karaa qajeeltotaa ni beekaatii; karaan hamootaa garuu gara badiitti geessa.

For the LORD knows the way of the righteous, but the way of the wicked shall perish.