Fakkeenya 22
1 Maqaan gaariin badhaadhummaa guddaa caalaa filatamaa dha; kabajamuunis meetii fi warqee caala.
| נבחר שם מעשר רב מכסף ומזהב חן טוב׃ |
2 Wanni sooressaa fi hiyyeessa wal fakkeessu kanaa dha: Uumaan hunda isaanii Waaqayyoo dha.
| עשיר ורש נפגשו עשה כלם יהוה׃ |
3 Namni hubataan balaa argee jalaa dhokata; wallaalaan immoo ittuma deemee adabama.
| ערום ראה רעה ויסתר ופתיים עברו ונענשו׃ |
4 Gad of qabiisnii fi Waaqayyoon sodaachuun, qabeenya, ulfinaa fi jireenya namaa kennu.
| עקב ענוה יראת יהוה עשר וכבוד וחיים׃ |
5 Karaa hamootaa irra qoraattii fi kiyyootu jira; namni lubbuu isaa eeggatu garuu waan kana irraa fagaatee jiraata.
| צנים פחים בדרך עקש שומר נפשו ירחק מהם׃ |
6 Daaʼima tokko karaa inni irra deemuu qabu barsiisi; inni gaafa dulloome iyyuu karaa sana irraa hin jalʼatu.
| חנך לנער על פי דרכו גם כי יזקין לא יסור ממנה׃ |
7 Sooressi hiyyeessa bulcha; liqeeffataan garbicha liqeessituu ti.
| עשיר ברשים ימשול ועבד לוה לאיש מלוה׃ |
8 Namni hammina facaasu rakkina haammata; uleen aarii isaas ni hurraaʼaa.
| זורע עולה יקצור און ושבט עברתו יכלה׃ |
9 Namni arjaan waan nyaata isaa hiyyeeyyiif qooduuf ofii isaatii ni eebbifama.
| טוב עין הוא יברך כי נתן מלחמו לדל׃ |
10 Qoostuu of biraa ariʼi; lolli ni qabbanaaʼaa; wal diddaa fi arrabsoonis hin jiraatu.
| גרש לץ ויצא מדון וישבת דין וקלון׃ |
11 Nama qulqullina garaa jaallatuu fi dubbiin isaa namatti tolu mootiin michuu isaaf taʼa.
| אהב טהור לב חן שפתיו רעהו מלך׃ |
12 Iji Waaqayyoo xiyyeeffatee beekumsa ilaala; inni garuu dubbii nama hin amanamnee ni busheessa.
| עיני יהוה נצרו דעת ויסלף דברי בגד׃ |
13 Dhibaaʼaan, “Leenci ala jira! Ani karaa gubbaatti nan ajjeefama!” jedha.
| אמר עצל ארי בחוץ בתוך רחבות ארצח׃ |
14 Afaan ejjituu boolla gad fagoo dha; namni dheekkamsa Waaqayyoo jala jiru achi keessa buʼa.
| שוחה עמקה פי זרות זעום יהוה יפול שם׃ |
15 Gowwummaan yaada daaʼimaa keessatti hidhameera; uleen ittiin adaban garuu irraa fageessa.
| אולת קשורה בלב נער שבט מוסר ירחיקנה ממנו׃ |
16 Namni qabeenya isaa guddifachuuf jedhee hiyyeessa hacuucuu fi kan sooressaaf kennaa kennu ni deega.
| עשק דל להרבות לו נתן לעשיר אך למחסור׃ |
17 Qalbeeffadhuutii waan namni ogeessi jedhu dhaggeeffadhu; yaada kees gara waan ani barsiisuutti deebifadhu;
| הט אזנך ושמע דברי חכמים ולבך תשית לדעתי׃ |
18 yoo ati qalbiitti qabattee hunduma isaa hidhii kee irratti qopheeffatte wanni kun nama gammachiisaatii.
| כי נעים כי תשמרם בבטנך יכנו יחדו על שפתיך׃ |
19 Akka abdiin kee Waaqayyo taʼuuf ani harʼa suma mataa kee iyyuu nan barsiisa.
| להיות ביהוה מבטחך הודעתיך היום אף אתה׃ |
20 Ani jecha soddoma, jecha gorsaatii fi beekumsaa siif hin barreessinee?
| הלא כתבתי לך שלשום במועצות ודעת׃ |
21 Kanas ani akka ati warra si erganiif deebii dhugaa kennituuf waan qajeelaa fi dhugaa si argisiisuufin barreesse mitii?
| להודיעך קשט אמרי אמת להשיב אמרים אמת לשלחיך׃ |
22 Ati sababii inni hiyyeessa taʼeef jettee hiyyeessa hin saamin; rakkataas mana murtiitti hin cunqursin;
| אל תגזל דל כי דל הוא ואל תדכא עני בשער׃ |
23 Waaqayyo dubbii isaanii ni ilaalaaf; jireenya warra isaan saamaniis ni saamaatii.
| כי יהוה יריב ריבם וקבע את קבעיהם נפש׃ |
24 Nama dafee aaru michuu hin godhatin; nama akka salphaatti dheekkamu wajjinis tokkummaa hin qabaatin;
| אל תתרע את בעל אף ואת איש חמות לא תבוא׃ |
25 yoo kana goote karaa isaa baratta; ofii kees kiyyootti galchita.
| פן תאלף ארחתו ולקחת מוקש לנפשך׃ |
26 Nama harka dhaʼee waadaa galu yookaan nama liqii namaatiif wabii taʼu hin taʼin;
| אל תהי בתקעי כף בערבים משאות׃ |
27 yoo ati waan baaftu dhabde, sireen kee iyyuu si jalaa fudhatama.
| אם אין לך לשלם למה יקח משכבך מתחתיך׃ |
28 Dhagaa daarii durii, kan abbootiin kee dhaaban hin dhiibin.
| אל תסג גבול עולם אשר עשו אבותיך׃ |
29 Nama hojii isaa keessatti ogummaa qabu argitee? Inni fuula moototaa dura dhaabata; fuula namoota kaanii dura garuu hin dhaabatu.
| חזית איש מהיר במלאכתו לפני מלכים יתיצב בל יתיצב לפני חשכים׃ |
