Amahubo 29

1 Inikeni iNkosi, lina madodana abalamandla, inikeni iNkosi udumo lamandla.

Ihubo likaDavida. Mupheni uThixo, lina ziphakanyiswa, mupheni uThixo ubukhosi lamandla.

2 Inikeni iNkosi udumo lwebizo layo, likhothame eNkosini ebuhleni bobungcwele.

Mupheni uThixo ubukhosi obufanele ibizo lakhe; mkhonzeni uThixo ekukhazimuleni kobungcwele bakhe.

3 Ilizwi leNkosi liphezu kwamanzi; uNkulunkulu wenkazimulo uyaduma; iNkosi iphezu kwamanzi amanengi.

Ilizwi likaThixo liyazulazula phezu kwamanzi; uNkulunkulu wenkazimulo uyandindiza, uThixo uyandindiza phezu kwamanzi amanengi.

4 Ilizwi leNkosi lilamandla, ilizwi leNkosi lilobukhosi.

Ilizwi likaThixo lilamandla; ilizwi likaThixo lilobukhosi.

5 Ilizwi leNkosi lephula imisedari, yebo, iNkosi yephula imisedari yeLebhanoni.

Ilizwi likaThixo lephula imisedari; uThixo uyiqamula ibe yizicucu imisedari yaseLebhanoni.

6 Yenza yona-ke iqolotshe njengethole, iLebhanoni leSiriyoni njengethole lenyathi.

Wenza iLebhanoni itshakale njengethole, iSiriyoni njengeguqa lenyathi.

7 Ilizwi leNkosi lidabula amalangabi omlilo.

Ilizwi likaThixo litshaya ngezikhatha zombane.

8 Ilizwi leNkosi lizamazamisa inkangala, iNkosi izamazamisa inkangala yeKadeshi.

Ilizwi likaThixo liyayizamazamisa inkangala; uThixo uyayizamazamisa iNkangala yaseKhadeshi.

9 Ilizwi leNkosi lizalisa izimpala, lihlubule amahlathi; lethempelini layo konke kuthi: Udumo.

Ilizwi likaThixo liyayitshila imikusu likhwebule izihlahla amagusu asale eze. Njalo ethempelini lakhe bonke bazamemeza bathi, “Inkazimulo!”

10 UJehova uhlezi phezu kukazamcolo, yebo, uJehova uhlezi eyiNkosi kuze kube nininini.

UThixo uhlezi ebukhosini phezu kwesikhukhula; uThixo unguMbusi lanininini.

11 INkosi izanika abantu bayo amandla; iNkosi ibusise abantu bayo ngokuthula.

UThixo unika amandla ebantwini bakhe; uThixo ubusisa abantu bakhe ngokuthula.