Amahubo 129

1 Kanengi bangihluphile kusukela ebutsheni bami, katsho-ke uIsrayeli,

Ingoma yemiqanso. Sebengihluphe kakhulu kusukela ebutsheni bami katsho njalo u-Israyeli,

2 kanengi bangihluphile kusukela ebutsheni bami, kanti kabangehlulanga.

sebengihluphe kakhulu kusukela ebutsheni bami, kodwa kabangehlulanga.

3 Abalimi balima emhlana wami, bayenza yaba mide imifolo yabo.

Abalimi bawulimile umhlane wami benza imifolo emide.

4 INkosi ilungile, iqumile intambo zababi.

Kodwa uThixo ulungile; ungikhulule ezintanjeni zababi.

5 Kabayangeke babuyiselwe emuva bonke abazonda iZiyoni.

Akuthi bonke abayizondayo iZiyoni babuyiselwe emuva beyangekile.

6 Kababe njengotshani ephahleni, obubuna bungakakhuli,

Sengathi bangaba njengotshani obukhula ephahleni obubuna bungakakhuli;

7 ovunayo angagcwalisi ngabo isandla sakhe, lalowo obopha izithungo isifuba sakhe.

umvuni angeke agcwalisa isandla sakhe ngabo, loba lowo obuthayo agcwalise izingalo zakhe.

8 Labadlulayo bangatsho ukuthi: Isibusiso seNkosi kasibe phezu kwenu; siyalibusisa ebizweni leNkosi.

Sengathi labo abadlulayo bangabokuthi, “Izibusiso zikaThixo mazibe kuwe; siyakubusisa ngegama likaThixo.”