Waiata 61

1 Ki te tino kaiwhakatangi. Nekina. Na Rawiri. Whakarongo, e te Atua, ki taku karanga: tahuri mai ki taku inoi.

Hear my cry, O God; attend unto my prayer.

2 Ka karanga ahau ki a koe i te pito o te whenua, ina pehia toku ngakau: arahina ahau ki te kohatu e tiketike ake ana i ahau.

From the end of the earth will I cry unto you, when my heart is overwhelmed: lead me to the rock that is higher than I.

3 He piringa hoki koe moku: he pa kaha i te hoariri.

For you have been a shelter for me, and a strong tower from the enemy.

4 Ka noho ahau ki tou tapenakara ake ake, ka okioki ki ou pakau hei piringa. (Hera)

I will abide in your tabernacle for ever: I will trust in the covert of your wings. (Selah)

5 Kua rongo nei hoki koe, e te Atua, i aku kupu tauranga kua homai e koe te wahi o te hunga e wehi ana ki tou ingoa.

For you, O God, have heard my vows: you have given me the heritage of those that fear your name.

6 Ka whakaraneatia e koe nga ra o te kingi; ona tau ki nga whakatupuranga katoa.

You will prolong the king's life: and his years as many generations.

7 E noho ia i te aroaro o te Atua ake ake: whakaritea mai he aroha, he pono, hei tiaki i a ia.

He shall abide before God for ever: O prepare mercy and truth, which may preserve him.

8 Penei ka himene ahau ki tou ingoa ake ake: ka whakamana e ahau aku kupu taurangi i tenei ra, i tenei ra.

So will I sing praise unto your name for ever, that I may daily perform my vows.