Whakatauki 17

1 Ko te maramara kai, ko te mea maroke me te ata noho hei kinaki, pai atu i te whare ki i nga hakari a te nganagare.

טוב פת חרבה ושלוה-בה-- מבית מלא זבחי-ריב

2 Hei rangatira te pononga mahara mo te tama i whakama ai; ka whai wahi ano ia i roto i to nga teina.

עבד-משכיל--ימשל בבן מביש ובתוך אחים יחלק נחלה

3 Ko te oko tahu para mo te hiriwa, ko te oumu mo te koura; ko Ihowa ia hei whakamatau mo nga ngakau.

מצרף לכסף וכור לזהב ובחן לבות יהוה

4 Ko te kaimahi i te he ka tahuri ki ta te ngutu kino; a ka whai taringa te teka ki ta te arero whanoke.

מרע מקשיב על-שפת-און שקר מזין על-לשון הות

5 Ko te taunu ki te rawakore he tawai ki tona Kaihanga: ko te tangata e koa ana ki nga aitua, e kore e kore te whiua.

לעג לרש חרף עשהו שמח לאיד לא ינקה

6 Hei karauna mo nga koroheke nga tamariki a nga tamariki: na, ko te kororia o nga tamariki ko o ratou matua.

עטרת זקנים בני בנים ותפארת בנים אבותם

7 E kore te reo rangatira e tau ki te kuware: hore rawa ano hoki te ngutu teka ki te rangatira.

לא-נאוה לנבל שפת-יתר אף כי-לנדיב שפת-שקר

8 Ko te tangata i te mea homai noa, he kohatu whakapaipai tera ki tana titiro; tona tahuritanga ake ki hea, ki hea, ka whiwhi ki te pai.

אבן-חן השחד בעיני בעליו אל-כל-אשר יפנה ישכיל

9 Ko te tangata e hipoki ana i te he, e whai ana i te aroha; tena ko te tangata korerorero, e wehewehe ana i nga hoa tupu.

מכסה-פשע מבקש אהבה ושנה בדבר מפריד אלוף

10 Ko te ngotonga o te kupu riri ki roto ki te tangata matau, nui atu i to nga whiu kotahi rau ki roto ki te whakaarokore.

תחת גערה במבין-- מהכות כסיל מאה

11 He whakakeke kau ta te tangata kino e whai ai; no reira ka tukua atu he karere nanakia ki a ia.

אך-מרי יבקש-רע ומלאך אכזרי ישלח-בו

12 Kia tutaki ki te tangata te pea kua tangohia ana kuao; pai atu i te whakaarokore i a ia e wairangi ana.

פגוש דב שכול באיש ואל-כסיל באולתו

13 Ko te tangata e homai ana i te kino hei utu mo te pai, e kore te kino e neke atu i tona whare.

משיב רעה תחת טובה-- לא-תמיש (תמוש) רעה מביתו

14 Ko te timatanga o te totohe i rite ki te tangata e tuku ana i te wai kia rere: na reira waiho atu te totohe i te mea kiano i oho te ngangare.

פוטר מים ראשית מדון ולפני התגלע הריב נטוש

15 Ko te tangata e whakatika ana i ta te tangata kino, me ia e whakahe ana i ta te tangata tika, he rite tahi taua rua, he mea whakarihariha ki a Ihowa.

מצדיק רשע ומרשיע צדיק-- תועבת יהוה גם-שניהם

16 Hei aha te utu i te ringa o te kuware, hei hoko i te whakaaro nui, kahore nei hoki ona matauranga?

למה-זה מחיר ביד-כסיל-- לקנות חכמה ולב-אין

17 E aroha ana te hoa i nga wa katoa; na, ko te teina, ko te tuakana, i whanau tera mo nga aitua.

בכל-עת אהב הרע ואח לצרה יולד

18 Ko ta te tangata ngakaukore he papaki ringa; kua waiho hei whakakapi turanga i te aroaro o tona hoa.

אדם חסר-לב תוקע כף ערב ערבה לפני רעהו

19 Ko te tangata e aroha ana ki te nganagare e aroha ana ki te kino; ko te tangata e whakarewa ana i tona kuwaha e rapu ana i te whakangaromanga.

אהב פשע אהב מצה מגביה פתחו מבקש-שבר

20 Ko te ngakau parori ke e kore e kite i te pai; ko te tangata he whanoke tona arero ka taka ki te kino.

עקש-לב לא ימצא-טוב ונהפך בלשונו יפול ברעה

21 Ka whanau he whakaarokore ma tetahi tangata, hei whakapouri tera mona: e kore ano hoki e koa te papa o te poauau.

ילד כסיל לתוגה לו ולא-ישמח אבי נבל

22 He rongoa pai te ngakau koa; ki te maru ia te wairua, ka maroke nga wheua.

לב שמח ייטיב גהה ורוח נכאה תיבש-גרם

23 E tango ana te tangata kino i te mea whakapati i te uma, hei whakapeau ke i nga ara o te whakarite whakawa.

שחד מחק רשע יקח-- להטות ארחות משפט

24 Kei te aroaro o te tangata matau nga whakaaro nui; kei nga pito ia o te whenua nga kanohi o te whakaarokore.

את-פני מבין חכמה ועיני כסיל בקצה-ארץ

25 Ko te tamaiti whakaarokore he mea whakapouri i tona papa, he mea whakakawa i te ngakau o tona whaea.

כעס לאביו בן כסיל וממר ליולדתו

26 Ehara ano hoki i te mea pai kia whiua te tangata tika, kia patua ranei nga rangatira mo te tika.

גם ענוש לצדיק לא-טוב-- להכות נדיבים על-ישר

27 He matauranga to te tangata e tohu ana i ana kupu: a he whakaaro to te tangata i te wairua manawanui.

חושך אמריו יודע דעת וקר- (יקר-) רוח איש תבונה

28 Ko te wairangi nei ano, ki te whakarongo puku, ka kiia he whakaaro nui: ki te kokopi ona ngutu, ka kiia ia he tupato.

גם אויל מחריש חכם יחשב אטם שפתיו נבון