Hopa 5
1 Tena ra, karanga; ka whakao ranei tetahi ki a koe? a ka anga atu koe ki a wai o te hunga tapu?
Call now; is there any that will answer thee? and to which of the holy ones wilt thou turn?
2 E patua ana hoki te kuware e te aritarita, e whakamatea ana te whakaarokore e te hae.
For vexation killeth the foolish man, and jealousy slayeth the silly one.
3 I kite ahau i te kuware e hou ana ona pakiaka; kitea rawatia ake kua kanga e ahau tona nohoanga.
I have seen the foolish taking root: but suddenly I cursed his habitation.
4 Kei tawhiti atu ana tama i te ora, mongamonga noa ratou i te kuwaha, kahore hoki he kaiwhakaora.
His children are far from safety, and they are crushed in the gate, neither is there any to deliver them.
5 Ko ana hua ka kainga e te tangata matekai, ka riro i a ia ahakoa i roto i te tataramoa, a ka hamama te mahanga ki o ratou rawa.
Whose harvest the hungry eateth up, and taketh it even out of the thorns, and the snare gapeth for their substance.
6 Na e kore te he e puta ake i te puehu, e kore ano te raruraru e tupu ake i te oneone;
For affliction cometh not forth of the dust, neither doth trouble spring out of the ground;
7 I whanau te tangata ki te raruraru, tona rite kei nga korakora e rere nei whakarunga.
But man is born unto trouble, as the sparks fly upward.
8 Ko ahau ia ka rapu i ta te Atua; me tuku atu taku korero ki te Atua,
But as for me, I would seek unto God, and unto God would I commit my cause:
9 E mahi nei i nga mea nunui e kore nei e taea te rapu atu, i nga mea whakamiharo e kore nei e taea te tatau;
Which doeth great things and unsearchable; marvelous things without number:
10 E homai nei i te ua ki te mata o te whenua, e unga nei i te wai ki te mata o nga parae;
Who giveth rain upon the earth, and sendeth waters upon the fields:
11 E whakanoho nei i te hunga iti ki te wahi tiketike, a whakanekehia ake ana te hunga pouri ki te ora.
So that he setteth up on high those that be low; and those which mourn are exalted to safety.
12 E haukoti nei i nga whakaaro o te hunga tinihanga, te taea e o ratou ringa ta ratou i mea ai.
He frustrateth the devices of the crafty, so that their hands cannot perform their enterprise.
13 Mau ake i a ia te hunga whakaaro i to ratou tinihanga: pororaru iho nga whakaaro o te hunga kotiti ke.
He taketh the wise in their own craftiness: and the counsel of the froward is carried headlong.
14 I te awatea nei, tutaki ana ratou ki te pouri; whawha ana ratou i te poutumarotanga, ano ko te po.
They meet with darkness in the daytime, and grope at noonday as in the night.
15 Otiia e whakaorangia ana e ia te rawakore i te hoari, i to ratou mangai, i te ringa ano o te tangata kaha.
But he saveth from the sword of their mouth, even the needy from the hand of the mighty.
16 Ka ai ano he tumanakohanga atu mo te ware; kokopi tonu ia te mangai o te kino.
So the poor hath hope, and iniquity stoppeth her mouth.
17 Nana, ka hari te tangata e akona ana e te Atua: na kaua e whakahawea ki te papaki a te Kaha Rawa.
Behold, happy is the man whom God correcteth: therefore despise not thou the chastening of the Almighty.
18 He whakamamae hoki tana, he takai ano; e patu ana ia, a ko ona ringa ano hei whakaora.
For he maketh sore, and bindeth up; he woundeth, and his hands make whole.
19 E ono nga matenga e whakaora ai ia i a koe; ahakoa e whitu, e kore te he e pa ki a koe.
He shall deliver thee in six troubles; yea, in seven there shall no evil touch thee.
20 I te matekai ka hokona koe e ia kei mate; i te tatauranga ano, kei pangia e te hoari.
In famine he shall redeem thee from death; and in war from the power of the sword.
21 Ka huna koe i te whiu a te arero, e kore ano koe e wehi i te whakangaromanga ina tae mai.
Thou shalt be hid from the scourge of the tongue; neither shalt thou be afraid of destruction when it cometh.
22 E kata ano koe ki te whakangaromanga raua ko te hemokai; e kore hoki koe e wehi i nga kirehe o te whenua.
At destruction and dearth thou shalt laugh; neither shalt thou be afraid of the beasts of the earth.
23 No te mea ka takoto tau kawenata ki nga kohatu o te parae; ka mau ano ta koutou rongo ko nga kirehe o te parae.
For thou shalt be in league with the stones of the field; and the beasts of the field shall be at peace with thee.
24 Ka mohio ano koe e tu ana tou teneti i te aionuku, ka haereere ano koe ki tou nohoanga, te ai he hara.
And thou shalt know that thy tent is in peace; and thou shalt visit thy fold, and shalt miss nothing.
25 Ka mohio ano koe he nui ou uri, he pera ano tou whanau me te tarutaru o te whenua.
Thou shalt know also that thy seed shall be great, and thine offspring as the grass of the earth.
26 Ka ata rite ou tau ina tae koe ki te urupa, ka pera ano me te puranga witi e hikitia ake ana i tona wa e rite ai.
Thou shalt come to thy grave in a full age, like as a shock of corn cometh in in its season.
27 Nana, tenei, he mea rapu na matou ko te mea tika hoki ia; whakarangona mai, ka mohio iho hei pai mou.
Lo this, we have searched it, so it is; hear it, and know thou it for thy good.
