Hopa 22
1 Ano ra ko Eripata Temani; i mea ia,
Then answered Eliphaz the Temanite, and said,
2 E whai pai ano ranei te Atua i te tangata? He pono e whai pai te tangata i a ia ano ki te mea he ngakau mohio tona.
Can a man be profitable unto God? surely he that is wise is profitable unto himself.
3 He oranga ngakau ranei ki te Kaha Rawa tou tika? Hei taonga ranei ki a ia, ki te meinga e koe ou ara kia tino tika?
Is it any pleasure to the Almighty, that thou art righteous? or is it gain [to him], that thou makest thy ways perfect?
4 He wehi ranei nou i a ia i whakahe ai ia i a koe, i whakawa ai i a koe?
Is it for thy fear [of him] that he reproveth thee, that he entereth with thee into judgment?
5 He teka ianei he nui tou he? Kahore hoki he pito whakamutunga o ou kino.
Is not thy wickedness great? neither is there any end to thine iniquities.
6 I tangohia noatia hoki e koe nga mea a tou teina hei taunaha, huia ana e koe nga kakahu o te hunga e noho tahanga ana.
For thou hast taken pledges of thy brother for nought, and stripped the naked of their clothing.
7 Kihai i whakainumia e koe ki te wai te hunga ngenge; kaiponuhia ana e koe he taro ki te hunga e matekai ana.
Thou hast not given water to the weary to drink, and thou hast withholden bread from the hungry.
8 Ko te tangata marohirohi, i a ia te whenua; ko te tangata honore, noho ana ia i reira.
But as for the mighty man, he had the earth; and the honourable man, he dwelt in it.
9 Ko nga pouaru, unga rawakoretia atu ana e koe, whatiwhatiia ana nga ringa o nga pani.
Thou hast sent widows away empty, and the arms of the fatherless have been broken.
10 Na reira karapotia putia ana koe e nga mahanga, raruraru ana koe i te wehi pa whakarere;
Therefore snares are round about thee, and sudden fear troubleth thee,
11 I te pouri ranei, e kore ai koe e kite; a nui atu te wai e taupoki na i a koe.
Or darkness, that thou canst not see, and abundance of waters cover thee.
12 He teka ianei kei te wahi tiketike o te rangi te Atua? Tirohia atu ano hoki a runga o nga whetu, to ratou teitei!
Is not God in the height of heaven? and behold the height of the stars, how high they are!
13 A e mea na koe, He aha ta te Atua e mohio ai? E puta mai ranei tana whakawa i roto i te kapua pouri?
And thou sayest, What doth God know? can he judge through the thick darkness?
14 Ko tona wahi ngaro ko nga kapua matotoru, te kite ia; kei te taiawhio ano ia i nga rangi.
Thick clouds are a covering to him, that he seeth not; and he walketh in the circuit of heaven.
15 Ka mau tonu ranei koe ki te ara o mua, i haerea ra e nga tangata kikino?
Wilt thou keep the old way which wicked men have trodden?
16 I kapohia atu nei i te mea kahore ano i rite o ratou ra; tahoroa ana to ratou turanga ano he awa:
Who were snatched away before their time, whose foundation was poured out as a stream:
17 I mea nei ki te Atua, Mawehe atu i a matou; a, He aha e taea e te Kaha Rawa mo matou?
Who said unto God, Depart from us; and, What can the Almighty do for us?
18 Heoi i whakakiia e ia o ratou whare ki nga mea papai: ko te whakaaro ia o te hunga kino e matara atu ana i ahau.
Yet he fired their houses with good things: but the counsel of the wicked is far from me.
19 E kite ana te hunga tika, a koa ana: kataina iho ratou e te hunga harakore:
The righteous see it, and are glad; and the innocent laugh them to scorn:
20 Me te ki, He pono kua haukotia te hunga i tahuri mai ki a tatou, pau ake i te ahi te toenga o ratou.
[Saying], Surely they that did rise up against us are cut off, and the remnant of them the fire hath consumed.
21 Waiho ia hei hoa mou, katahi koe ka ata noho; ma reira ka tae mai ai te pai ki a koe.
Acquaint now thyself with him, and be at peace: thereby good shall come unto thee.
22 Tahuri mai ra ki te ture a tona mangai, rongoatia hoki ana kupu ki roto ki tou ngakau.
Receive, I pray thee, the law from his mouth, and lay up his words in thine heart.
23 Ki te hoki koe ki te Kaha Rawa, tera koe e hanga; ki te nekehia atu e koe te kino kia mamao i ou teneti.
If thou return to the Almighty, thou shalt be built up; if thou put away unrighteousness far from thy tents.
24 A ka whakapuranga koe i tau taonga ki te puehu, te koura o Opira ki waenga i nga kohatu o nga awa;
And lay thou [thy] treasure in the dust, and [the gold of] Ophir among the stones of the brooks;
25 A ko te Kaha Rawa hei taonga mou, hei hiriwa utu nui ki a koe.
And the Almighty shall be thy treasure, and precious silver unto thee.
26 Ko reira hoki koe ahuareka ai ki te Kaha Rawa, a ka ara ake tou mata ki te Atua.
For then shalt thou delight thyself in the Almighty, and shalt lift up thy face unto God.
27 Ka inoi ano koe ki a ia, a ka whakarongo mai ia ki a koe; ka whakamana ano e koe au kupu taurangi.
Thou shalt make thy prayer unto him, and he shall hear thee; and thou shalt pay thy vows.
28 Ka whakatakotoria hoki e koe he tikanga, a ka whakapumautia ki a koe; ka whiti ano te marama ki runga ki ou ara.
Thou shalt also decree a thing, and it shall be established unto thee; and light shall shine upon thy ways.
29 Ki te maka koe e ratou ki raro, ka ki koe, Tenei ano he whakaarahanga ake; ka whakaorangia ano e ia te ngakau whakaiti.
When they cast [thee] down, thou shalt say, [There is] lifting up; and the humble person he shall save.
30 Ka whakaorangia e ia te tangata ahakoa ehara i te harakore: ae ra, ka whakaorangia ia e te ma o ou ringa.
He shall deliver [even] him that is not innocent: yea, he shall be delivered through the cleanness of thine hands.
