Salamo 85

1 Ho an’ ny mpiventy hira. Salamo nataon’ ny Koraïta. Jehovah ô, efa naneho fitia tamin’ ny taninao Hianao, Efa nampodinao Jakoba avy tamin’ ny fahababoany.

Au maître-chantre. — Des enfants de Coré. — Psaume. Éternel, tu avais accordé ta faveur à ton pays; Tu avais ramené les captifs de Jacob;

2 Voaisotrao ny heloky ny olonao, Voasaronao ny fahotany rehetra. (Sela)

Tu avais pardonné l'iniquité de ton peuple; Tu avais effacé tous leurs péchés. (Pause)

3 Efa nampijanona ny fahatezeranao rehetra Hianao, Ary niala tamin’ ny fahatezeranao mirehitra.

Tu avais entièrement apaisé ton courroux; Tu étais revenu de l'ardeur de ta colère.

4 Miverena aminay, ry Andriamanitry ny famonjena anay ô, Ary ampitsaharo ny fahatezeranao aminay.

Relève-nous, ô Dieu de notre salut, Et fais cesser ton indignation contre nous!

5 Ho tezitra aminay mandrakizay va Hianao? Hampaharetinao hahatratra ny taranaka fara mandimby va ny fahatezeranao?

Seras-tu toujours courroucé contre nous? Feras-tu durer ta colère éternellement?

6 Tsy hovelominao indray va izahay, Mba hifalian’ ny olonao aminao?

Ne reviendras-tu pas nous rendre la vie. Afin que ton peuple se réjouisse en toi?

7 Asehoy anay ny famindram-ponao, Jehovah ô, Ka omeo anay ny famonjenao.

Fais-nous contempler ta grâce, ô Éternel, Et accorde-nous ton salut!

8 Hihaino izay holazain’ i Jehovah Andriamanitra aho; Fa hilaza fiadanana amin’ ny olony Izy, dia amin’ ny olony masìna; Koa aoka tsy hiverina ho ao amin’ ny fahadalana ireo.

J'écouterai ce que dit le Dieu fort, l'Éternel; Car il parle de paix à son peuple et à ses bien-aimés. Toutefois, qu'ils ne retombent plus dans leur égarement!

9 Eny tokoa, akaikin’ izay matahotra Azy ny famonjeny, Mba hitoeran’ ny voninahitra eo amin’ ny tanintsika.

Oui, son salut est près de ceux qui le craignent, Et la gloire de notre pays va refleurir.

10 Mihaona ny famindram-po sy ny fahamarinana; Mifanoroka ny rariny sy ny fihavanana.

La bonté et la vérité se sont rencontrées; La justice et la paix se sont embrassées.

11 Ny fahamarinana mitsimoka amin’ ny tany; Ary ny rariny mitsinjo eny an-danitra.

La vérité germera de la terre, Et la justice regardera du haut des cieux.

12 Eny, Jehovah hanome ny tsara Ary ny tanintsika hahavoka-javatra.

L'Éternel donnera ses biens. Et notre terre produira ses fruits.

13 Ny rariny no hialoha Azy, Sady hizotra hanaraka ny diany eny an-dalana.

La justice marchera devant lui, Et elle suivra la trace de ses pas.