Salamo 60

1 Ho an’ ny mpiventy hira Al-sho-shanedoth. Miktama nataon’ i Davida hampianarana, fony izy nanafika an’ i Mesopotamia sy Arama-zoba tamin’ ny niverenan’ i Joaba ka namelezany ny Edomita roa arivo amby iray alin-dahy teo amin’ ny lohasahan-tsira. Andriamanitra ô, efa nanary sy nampihahaka anay Hianao; efa tezitra Hianao, velombelomy izahay.

For the chief musician; set to Shushan Eduth. A michtam of David, for teaching. When he fought with Aram Naharaim and with Aram Zobah, and Joab returned and killed twelve thousand Edomites in the Valley of Salt. God, you have cast us off; you have broken through our defenses; you have been angry; restore us again.

2 Efa nampihorohoro ny tany Hianao ka namaky azy; amboary izay rava aminy, fa mihozongozona izy.

You have made the land tremble; you have torn it apart; heal its fissures, for it is shaking.

3 Efa nampahita ny olonao zava-tsarotra Hianao, ary efa nampisotro anay divay mampiraikiraiky.

You have made your people see difficult things; you have made us drink the wine of staggering.

4 Efa notoloranao faneva ny matahotra Anao, hatsangany noho ny fahamarinana. (Sela)

For those who honor you, you have set up a banner to be displayed against those who carry the bow. (Selah)

5 Mba hahafahan’ ny malalanao, dia vonjeo amin’ ny tananao ankavanana aho, ka valio.

So that those you love may be rescued, rescue us with your right hand and answer me.

6 Andriamanitra niteny tamin’ ny fahamasinany hoe: hifaly Aho ka hizara an’ i Sekema; ary ny lohasahan’ i Sokota horefesiko;

God has spoken in his holiness, “I will rejoice; I will divide Shechem and apportion out the Valley of Succoth.

7 Ahy Gileada, Ahy koa Manase; ary aron’ ny lohako Efraima tehim-panjakako Joda;

Gilead is mine, and Manasseh is mine; Ephraim also is my helmet; Judah is my scepter.

8 Tavin-dranoko fanasana Moaba; Edoma no anipazako ny kapako; mihobia noho ny amiko, ry Filistia.

Moab is my washbasin; over Edom I will throw my shoe; I will shout in triumph because of Philistia.”

9 Iza no hitondra ahy ho any an-tanàna mafy? iza no hitarika ahy ho any Edoma?

Who will bring me into the strong city? Who will lead me to Edom?

10 Tsy Hianao va, Izay efa nanary anay, Andriamanitra ô. Sady tsy nivoaka niaraka tamin’ ny antokon’ ny miaramilanay, Andriamanitra ô?

But you, God, have you not rejected us? You do not go into battle with our army.

11 Vonjeo amin’ ny mpandrafy izahay; fa zava-poana ny famonjena ataon’ ny olona.

Give us help against the enemy, for man's help is futile.

12 Andriamanitra no haherezantsika; fa Izy no hanitsakitsaka ny fahavalontsika.

We will triumph with God's help; he will trample down our enemies.