Salamo 135
1 Haleloia. Miderà ny anaran’ i Jehovah; Miderà, ianareo mpanompon’ i Jehovah,
Praise Yahweh. Praise the name of Yahweh. Praise him, you servants of Yahweh,
2 Hianareo izay mpitoetra ao an-tranon’ i Jehovah, Eo anatin’ ny kianjan’ ny tranon’ Andriamanitsika.
you who stand in Yahweh's house, in the courtyards of the house of our God.
3 Miderà an’ i Jehovah, fa tsara Izy; Mankalazà ny anarany, fa mahafinaritra izany.
Praise Yahweh, for he is good; sing praises to his name, for it is pleasant to do so.
4 Fa Jakoba nofidin’ i Jehovah ho Azy, Ary Isiraely ho rakitra soa ho Azy,
For Yahweh has chosen Jacob for himself, Israel as his possession.
5 Fa fantatro fa lehibe Jehovah, Ary ambonin’ ny andriamanitra rehetra ny Tompontsika.
I know that Yahweh is great, that our Lord is above all gods.
6 Manao izay sitrapony rehetra Jehovah, Na any amin’ ny lanitra, na etỳ ambonin’ ny tany, Na any amin’ ny ranomasina sy ny rano lalina rehetra.
Whatever Yahweh desires, he does in heaven, on earth, in the seas and all the ocean depths.
7 Mampiakatra zavona avy amin’ ny faran’ ny tany Izy; Manao helatra arahin-dranonorana Izy; Mamoaka ny rivotra avy ao an-trano fitehirizany Izy,
He brings the clouds from far away, making lightning bolts accompany the rain and bringing the wind out of his storehouse.
8 Dia Ilay namely ny voalohan-terak’ i Egypta, Na olona, na biby.
He killed the firstborn of Egypt, both of man and animals.
9 Nanatitra famantarana sy fahagagana teo aminao Izy, ry Egypta ô, Eny, tamin’ i Farao sy ny mpanompony rehetra,
He sent signs and wonders into your midst, Egypt, against Pharaoh and all his servants.
10 Dia Ilay namely ny jentilisa maro Ka nahafaty mpanjaka mahery,
He attacked many nations and killed mighty kings,
11 Dia Sihona, mpanjakan’ ny Amorita, Sy Oga, mpanjakan’ i Basana, Ary ny fanjakan’ i Kanana rehetra;
Sihon king of the Amorites and Og king of Bashan and all the kingdoms of Canaan.
12 Ary ny taniny nomeny ho lova, Eny, ho lovan’ ny Isiraely olony.
He gave us their land as an inheritance, an inheritance to Israel his people.
13 Jehovah ô, mandrakizay ny anaranao; Jehovah ô, hihatra amin’ ny taranaka fara mandimby ny fahatsiarovana Anao.
Your name, Yahweh, endures forever; your renown, Yahweh, endures throughout all generations.
14 Fa hanome rariny ny olony Izy Ary hanenina ny amin’ ny mpanompony.
For Yahweh defends his people and has compassion on his servants.
15 Ny sampin’ ny jentilisa dia volafotsy sy volamena, Asan’ ny tànan’ olona;
The nations' idols are silver and gold, the work of men's hands.
16 Manam-bava izy, fa tsy miteny; Mana-maso izy, fa tsy mahita;
Those idols have mouths, but they do not speak; they have eyes, but they do not see;
17 Manan-tsofina izy, fa tsy mandre; Ary tsy misy fofonaina ao am-bavany.
they have ears, but they do not hear, nor is there breath in their mouths.
18 Ho tahaka azy izay manao azy Sy izay rehetra matoky azy.
Those who make them are like them, as is everyone who trusts in them.
19 Misaora an’ i Jehovah, ry taranak’ Isiraely; Misaora an’ i Jehovah, ry taranak’ i Arona;
Descendants of Israel, bless Yahweh; descendants of Aaron, bless Yahweh.
20 Misaora an’ i Jehovah, ry taranak’ i Levy; Hianareo izay matahotra an’ i Jehovah, misaora an’ i Jehovah.
Descendants of Levi, bless Yahweh; you who honor Yahweh, bless Yahweh.
21 Isaorana avy any Ziona anie Jehovah, Izay mitoetra any Jerosalema. Haleloia.
Blessed be Yahweh in Zion, he who lives in Jerusalem. Praise Yahweh.
