Ohabolana 3
1 Anaka, aza manadino ny lalàko; Fa aoka ny fonao hitandrina ny didiko;
| בני תורתי אל תשכח ומצותי יצר לבך׃ |
2 Fa andro maro sy taona ela iainana Ary fiadanana no hanampiny ho anao.
| כי ארך ימים ושנות חיים ושלום יוסיפו לך׃ |
3 Aoka tsy handao anao ny famindram-po sy ny fahamarinana; Afehezo eo am-bozonao izany, Ary soraty ao amin’ ny fonao tahaka ny amin’ ny vato fisaka,
| חסד ואמת אל יעזבך קשרם על גרגרותיך כתבם על לוח לבך׃ |
4 Ka dia hahazo fitia sy fahalalana tsara Eo anatrehan’ Andriamanitra sy ny olona ianao.
| ומצא חן ושכל טוב בעיני אלהים ואדם׃ |
5 Matokia an’ i Jehovah amin’ ny fonao rehetra, Fa aza miankina amin’ ny fahalalanao;
| בטח אל יהוה בכל לבך ואל בינתך אל תשען׃ |
6 Maneke Azy amin’ ny alehanao rehetra, Fa Izy handamina ny lalanao,
| בכל דרכיך דעהו והוא יישר ארחתיך׃ |
7 Aza manao anao ho hendry; Matahora an’ i Jehovah, ka mifadia ny ratsy.
| אל תהי חכם בעיניך ירא את יהוה וסור מרע׃ |
8 Dia ho famelombelomana ny nofonao izany Sy ho fanamandoana ny taolanao.
| רפאות תהי לשרך ושקוי לעצמותיך׃ |
9 Mankalazà an’ i Jehovah amin’ ny fanananao Sy amin’ izay voaloham-bokatrao rehetra;
| כבד את יהוה מהונך ומראשית כל תבואתך׃ |
10 Ka dia ho feno mitafotafo ny fitoeram-barinao, Ary hihoatra ny ranom-boaloboka eo amin’ ny vata fanantazanao.
| וימלאו אסמיך שבע ותירוש יקביך יפרצו׃ |
11 Anaka, aza manamavo ny famaizan’ i Jehovah, Ary aza tofoka amin’ ny fananarany;
| מוסר יהוה בני אל תמאס ואל תקץ בתוכחתו׃ |
12 Fa izay tian’ i Jehovah no anariny, Dia tahaka ny ataon’ ny ray amin’ ny zanaka tiany.
| כי את אשר יאהב יהוה יוכיח וכאב את בן ירצה׃ |
13 Sambatra izay olona mahita fahendrena Sy izay olona mahazo fahalalana.
| אשרי אדם מצא חכמה ואדם יפיק תבונה׃ |
14 Fa ny fandrantoana azy dia tsara noho ny fandrantoana volafotsy, Ary ny tombom-barotra aminy dia mihoatra noho ny volamena tsara.
| כי טוב סחרה מסחר כסף ומחרוץ תבואתה׃ |
15 Sarobidy noho ny voahangy izy; Ary izay rehetra irinao tsy misy azo ampitahaina aminy.
| יקרה היא מפניים וכל חפציך לא ישוו בה׃ |
16 Fa andro maro no eo an-tànany ankavanana; Ary harena sy voninahitra no eo an-tànany ankavia.
| ארך ימים בימינה בשמאולה עשר וכבוד׃ |
17 Làlana mahafinaritra ny lalany, Ary fiadanana ny alehany rehetra.
| דרכיה דרכי נעם וכל נתיבותיה שלום׃ |
18 Hazon’ aina ho an’ izay rehetra mifikitra aminy izy; Ary izay rehetra mitana azy no hatao hoe sambatra.
| עץ חיים היא למחזיקים בה ותמכיה מאשר׃ |
19 Fahendrena no nanorenan’ i Jehovah ny tany, Ary fahalalana no nampitoerany ny lanitra.
| יהוה בחכמה יסד ארץ כונן שמים בתבונה׃ |
20 Ny fahalalany no entiny mampiboiboika ny rano any amin’ ny lalina Sy ampitetevany ando avy amin’ ny rahona.
| בדעתו תהומות נבקעו ושחקים ירעפו טל׃ |
21 Anaka, aoka tsy hiala amin’ ny masonao izany; Raketo ny tena fahendrena sy ny fisainana mazava,
| בני אל ילזו מעיניך נצר תשיה ומזמה׃ |
22 Ka dia ho ain’ ny fanahinao izany Ary ho firavaky ny vozonao,
| ויהיו חיים לנפשך וחן לגרגרתיך׃ |
23 Dia handroso aman-toky ianao, Ka tsy ho tafintohina ny tongotrao.
| אז תלך לבטח דרכך ורגלך לא תגוף׃ |
24 Tsy hatahotra ianao, raha mandry; Eny, handry ianao, ary ho mamy ny torimasonao.
| אם תשכב לא תפחד ושכבת וערבה שנתך׃ |
25 Aza manahy ny tahotra avy tampoka, Na ny rivo-doza mamely ny ratsy fanahy, raha avy izany;
| אל תירא מפחד פתאם ומשאת רשעים כי תבא׃ |
26 Fa Jehovah no ho tokinao Ka hiambina ny tongotrao tsy ho voafandrika.
| כי יהוה יהיה בכסלך ושמר רגלך מלכד׃ |
27 Aza mamihina ny soa amin’ izay tokony homena azy, Raha azon’ ny tananao atao ihany;
| אל תמנע טוב מבעליו בהיות לאל ידיך לעשות׃ |
28 Aza manao amin’ ny namanao hoe: Mandehana, ka avia indray, fa rahampitso no homeko; Kanefa manana ihany ianao.
| אל תאמר לרעיך לך ושוב ומחר אתן ויש אתך׃ |
29 Aza mamorona sain-dratsy ho enti-mamely ny namanao, Saingy mitoetra matoky eo aminao izy.
| אל תחרש על רעך רעה והוא יושב לבטח אתך׃ |
30 Aza miady amin’ olona foana, Raha tsy mbola nanisy ratsy anao izy.
| אל תרוב עם אדם חנם אם לא גמלך רעה׃ |
31 Aza mialona ny olon-dozabe, Na mifidy izay lalany akory,
| אל תקנא באיש חמס ואל תבחר בכל דרכיו׃ |
32 Satria fahavetavetana eo imason’ i Jehovah ny maniasia, Fa ao amin’ ny marina kosa ny fisakaizany.
| כי תועבת יהוה נלוז ואת ישרים סודו׃ |
33 Ny ozon’ i Jehovah dia ao an-tranon’ ny ratsy fanahy; Fa ny fonenan’ ny marina dia tahìny kosa.
| מארת יהוה בבית רשע ונוה צדיקים יברך׃ |
34 Na dia tsiratsirainy aza ny mpaniratsira, Dia omeny fahasoavana kosa ny mpandefitra.
| אם ללצים הוא יליץ ולעניים יתן חן׃ |
35 Ny hendry handova voninahitra; Fa henatra kosa no ho anjaran’ ny adala.
| כבוד חכמים ינחלו וכסילים מרים קלון׃ |
