Ohabolana 15
1 Ny famaliana mora dia mampianina ny fahatezerana mafy; Fa ny teny maharary mahatonga fahasosorana.
| מענה רך ישיב חמה ודבר עצב יעלה אף׃ |
2 Ny lelan’ ny hendry mampiseho fahalalana tsara; Fa ny vavan’ ny adala miboiboika fahadalana.
| לשון חכמים תיטיב דעת ופי כסילים יביע אולת׃ |
3 Ny mason’ i Jehovah amin’ izao rehetra izao, Mijery ny ratsy fanahy sy ny tsara fanahy.
| בכל מקום עיני יהוה צפות רעים וטובים׃ |
4 Ny teny malemy dia hazon’ aina; Fa ny vava ratsy mandratra ny fanahy.
| מרפא לשון עץ חיים וסלף בה שבר ברוח׃ |
5 Ny adala maniratsira ny famaizan-drainy; Fa izay mitandrina ny fananarana no hita ho hendry.
| אויל ינאץ מוסר אביו ושמר תוכחת יערם׃ |
6 Ao an-tranon’ ny marina misy harena be; Fa ny fitomboan’ ny haren’ ny ratsy fanahy dia misy loza.
| בית צדיק חסן רב ובתבואת רשע נעכרת׃ |
7 Ny molotry ny hendry mampiely fahendrena; Fa tsy mba toy izany ny fon’ ny adala.
| שפתי חכמים יזרו דעת ולב כסילים לא כן׃ |
8 Ny fanatitry ny ratsy fanahy dia fahavetavetana eo imason’ i Jehovah; Fa ny fivavaky ny marina no sitrany.
| זבח רשעים תועבת יהוה ותפלת ישרים רצונו׃ |
9 Fahavetavetana eo imason’ i Jehovah ny lalan’ ny ratsy fanahy; Fa izay fatra-panaraka ny fahamarinana no tiany.
| תועבת יהוה דרך רשע ומרדף צדקה יאהב׃ |
10 Famaizana mafy no hihatra amin’ izay mivily lalana. Eny, izay mankahala anatra dia ho faty.
| מוסר רע לעזב ארח שונא תוכחת ימות׃ |
11 Ny fiainan-tsi-hita sy ny fandringanana aza dia miharihary eo anatrehan’ i Jehovah, Koa mainka ny fon’ ny zanak’ olombelona! (Sheol h7585)
| שאול ואבדון נגד יהוה אף כי לבות בני אדם׃ (Sheol h7585) |
12 Tsy tian’ ny mpaniratsira izay mananatra azy, Ary tsy mety manatona ny hendry izy.
| לא יאהב לץ הוכח לו אל חכמים לא ילך׃ |
13 Ny fo ravoravo mahamiramirana ny tarehy; Fa ny alahelon’ ny fo mahareraka ny fanahy.
| לב שמח ייטב פנים ובעצבת לב רוח נכאה׃ |
14 Ny fon’ ny manan-tsaina mitady fahendrena; Fa ny vavan’ ny adala mankamamy ny fahadalana.
| לב נבון יבקש דעת ופני כסילים ירעה אולת׃ |
15 Ratsy avokoa ny andron’ ny ory; Fa ny faharavoravoam-po dia fanasana mandrakariva.
| כל ימי עני רעים וטוב לב משתה תמיד׃ |
16 Aleo ny kely misy ny fahatahorana an’ i Jehovah Toy izay harena be misy ahiahy.
| טוב מעט ביראת יהוה מאוצר רב ומהומה בו׃ |
17 Aleo sakafo anana ampian-tsetsetra Toy izay omby mifahy asian-dromoromo.
| טוב ארחת ירק ואהבה שם משור אבוס ושנאה בו׃ |
18 Izay malaky tezitra manetsika ady; Fa izay mahatsindry fo mampitsahatra fifandirana.
| איש חמה יגרה מדון וארך אפים ישקיט ריב׃ |
19 Ny lalan’ ny malaina dia toy ny fefy tsilo Fa ny lalamben’ ny marina dia voalamina tsara.
| דרך עצל כמשכת חדק וארח ישרים סללה׃ |
20 Ny zanaka hendry mahafaly ny rainy; Fa ny adala manao tsinontsinona an-dreniny.
| בן חכם ישמח אב וכסיל אדם בוזה אמו׃ |
21 Ny fahadalana dia fifalian’ ny tsy ampy saina; Fa ny manan-tsaina kosa mizotra mahitsy
| אולת שמחה לחסר לב ואיש תבונה יישר לכת׃ |
22 Ho foana ny fikasana, raha tsy misy mpisaina; Fa raha maro ny mpanolo-tsaina, dia tanteraka izany.
| הפר מחשבות באין סוד וברב יועצים תקום׃ |
23 Faly ny olona, raha mahavaly tsara ny vavany, Ary endrey ny hatsaran’ ny teny atao amin’ izay andro mahamety azy!
| שמחה לאיש במענה פיו ודבר בעתו מה טוב׃ |
24 Làlan’ aina ho any ambony no alehan’ ny hendry, Hanalavirany ny fiainan-tsi-hita any ambany, (Sheol h7585)
| ארח חיים למעלה למשכיל למען סור משאול מטה׃ (Sheol h7585) |
25 Ravan’ i Jehovah ny tranon’ ny mpiavonavona; Fa ny fari-tanin’ ny mpitondra-tena aoriny mafy.
| בית גאים יסח יהוה ויצב גבול אלמנה׃ |
26 Fahavetavetana eo imason’ i Jehovah ny hevi-dratsy; Fa madio ny teny mahafinaritra.
| תועבת יהוה מחשבות רע וטהרים אמרי נעם׃ |
27 Izay fatra-pila harena dia mampidi-doza amin’ ny ankohonany; Fa izay mankahala kolikoly no ho velona.
| עכר ביתו בוצע בצע ושונא מתנת יחיה׃ |
28 Ny fon’ ny marina mihevitra vao mamaly; Fa ny vavan’ ny ratsy fanahy kosa miboiboika faharatsiana.
| לב צדיק יהגה לענות ופי רשעים יביע רעות׃ |
29 Jehovah dia lavitra ny ratsy fanahy; Fa ny fivavaky ny marina no henoiny.
| רחוק יהוה מרשעים ותפלת צדיקים ישמע׃ |
30 Ny tarehy miramirana mahafaly ny fo; Ary ny filazan-tsoa mamelombelona ny taolana.
| מאור עינים ישמח לב שמועה טובה תדשן עצם׃ |
31 Ny sofina izay mihaino anatra mahavelona Dia miara-mitoetra amin’ ny hendry.
| אזן שמעת תוכחת חיים בקרב חכמים תלין׃ |
32 Izay mandà anatra dia manary tena; Fa izay mihaino ny fananarana no mahazo fahalalana.
| פורע מוסר מואס נפשו ושומע תוכחת קונה לב׃ |
33 Ny fahatahorana an’ i Jehovah dia fananarana mampahahendry; Ary ny fanetren-tena mialoha ny fisandratana.
| יראת יהוה מוסר חכמה ולפני כבוד ענוה׃ |
