Banzembo 148
1 Bokumisa Yawe! Bokumisa Yawe wuta na likolo, bokumisa Ye na bisika oyo eleki likolo.
Praise the Lord from the heavens, praise him in the heights.
2 Bokumisa Ye, bino ba-anjelu na Ye nyonso; bokumisa Ye, bino mampinga na Ye nyonso;
Praise him, all his angels; praise him, all his hosts.
3 bokumisa Ye, bino moyi mpe sanza; bokumisa Ye, bino minzoto nyonso oyo engengaka;
Praise him, sun and moon; praise him, all stars of light.
4 bokumisa Ye, bino oyo boleki likolo kati na likolo, mpe bino mayi oyo bozali na likolo!
Praise him, you highest heavens, and you waters above the heavens.
5 Tika ete ekumisa Kombo ya Yawe! Pamba te apesaki mitindo, mpe ekelamaki.
Let them praise the name of the Lord, for at his command they were made.
6 Atiaki yango mpo na libela; apesaki mibeko oyo ekobongwana te.
And he fixed them for ever and ever by a law which they dare not transgress.
7 Bokumisa Yawe wuta na mokili, ezala bilima ya mayi to mozindo nyonso,
Praise the Lord from the earth: you depths, with your monsters, all.
8 ezala moto to mvula ya mabanga, ezala mvula ya pembe to londende, ezala mopepe makasi oyo ekokisaka liloba na Ye;
Fire, hail, snow and ice, and stormy wind doing his word.
9 ezala bangomba milayi to bangomba mikuse, ezala banzete oyo ebotaka bambuma to banzete ya sedele,
All you mountains and hills, all you fruit trees and cedars,
10 ezala banyama ya zamba to bibwele nyonso, ezala bikelamu oyo etambolaka na libumu to bandeke,
all you wild beasts and tame, creeping things, birds on the wing.
11 ezala bakonzi ya mabele to bikolo nyonso, ezala bakambi to batambolisi nyonso ya mokili,
All you kings and nations of earth; all you princes and judges of earth:
12 ezala bilenge mibali to bilenge basi, ezala bampaka to bana mike!
young men and maidens together, old men and children together.
13 Tika ete bakumisa Kombo ya Yawe! Pamba te Ye moko kaka nde aleki likolo; nkembo na Ye eleki mabele mpe likolo.
Let them praise the name of the Lord, for his name alone is exalted. Over heaven and earth is his glory.
14 Abongisi elombe mokangoli mpo na bato na Ye! Ezali likambo oyo bayengebene na Ye nyonso, bana nyonso ya Isalaele, bato oyo balingaka Ye, basengeli kokumisa Yawe mpo na yango. Bokumisa Yawe!
He has lifted his people to honor. Wherefore this chorus of praise from his saints, from Israel, the people who stand in his fellowship. Hallelujah.
