Banzembo 1

1 Esengo na moto oyo alandaka te toli ya bato mabe, atelemaka te na nzela ya bato ya masumu, mpe avandaka te esika moko na batioli,

Happy are those who do not follow the counsel of the wicked, not halting in ways frequented by sinners, nor taking a seat in a gathering of scoffers.

2 kasi asepelaka na mibeko ya Yawe mpe akanisaka yango butu mpe moyi.

But the law of the Lord is their joy, they study it day and night.

3 Azali lokola nzete oyo balona pene ya mayi, oyo ebotaka mbuma na eleko na yango, mpe makasa na yango ekawukaka te; misala na ye nyonso etambolaka malamu.

They are like trees planted by runlets of water, yielding fruit in due season, leaves never fading. In all that they do, they prosper.

4 Kasi ezali bongo te mpo na bato mabe! Bazali lokola matiti ya kokawuka oyo mopepe epanzaka.

Not so fare the wicked, not so; like chaff are they, blown by the wind.

5 Yango wana bato mabe bakolonga te kotelema na kosambisama, mpe bato ya masumu bakowumelaka te kati na lisanga ya bato ya sembo.

So the wicked will not stand firm in the judgment, nor sinners appear, when the righteous are gathered.

6 Solo, Yawe ayebi nzela ya bato ya sembo, kasi nzela ya bato mabe ememaka na libebi.

For the way of the righteous is dear to the Lord, but the way of the wicked will end in ruin.