Yobo 5
1 Ganga na yo, soki olingi! Nani akoyanola yo? Okotombokela mosantu nini?
| קרא נא היש עונך ואל מי מקדשים תפנה׃ |
2 Kotomboka ebomaka moto oyo azangi mayele, zuwa ebomaka zoba.
| כי לאויל יהרג כעש ופתה תמית קנאה׃ |
3 Solo, namonaki zoba kozwa misisa; kasi, mbala moko, nalakelaki ndako na ye mabe:
| אני ראיתי אויל משריש ואקוב נוהו פתאם׃ |
4 ‹ Tika ete bana na ye ya mibali bazanga lisungi, balonga te na kosambisama mpe bazangela moto oyo akobundela bango!
| ירחקו בניו מישע וידכאו בשער ואין מציל׃ |
5 Tika ete moto oyo azali na nzala asilisa mbuma ya elanga na ye, akamata yango kino kati na basende; mpe tika ete moto ya lokoso asilisa bomengo na ye! ›
| אשר קצירו רעב יאכל ואל מצנים יקחהו ושאף צמים חילם׃ |
6 Pamba te pasi ewutaka na putulu te, mpe minyoko ewutaka na mabele te;
| כי לא יצא מעפר און ומאדמה לא יצמח עמל׃ |
7 moto abotamaka mpo na komona pasi, ndenge kaka mikalikali ebimaka mpo na kopanzana na likolo.
| כי אדם לעמל יולד ובני רשף יגביהו עוף׃ |
8 Kasi soki ezalaki ngai, nalingaki komimonisa liboso ya Nzambe, nalingaki kotalisa Ye likambo na ngai.
| אולם אני אדרש אל אל ואל אלהים אשים דברתי׃ |
9 Nzambe asalaka makambo minene oyo bato bakokaka kososola te, mpe bikamwa oyo bato bakokaka kotanga te;
| עשה גדלות ואין חקר נפלאות עד אין מספר׃ |
10 anokisaka mvula na mokili, mpe atindaka mayi na bilanga;
| הנתן מטר על פני ארץ ושלח מים על פני חוצות׃ |
11 atombolaka bato oyo babwakama, mpe apesaka esengo na bato oyo bazali kolela;
| לשום שפלים למרום וקדרים שגבו ישע׃ |
12 abebisaka mabongisi ya bato oyo bazalaka na mayele mabe, mpe maboko na bango ekokisaka te mikano na bango;
| מפר מחשבות ערומים ולא תעשינה ידיהם תושיה׃ |
13 akangaka bato ya bwanya kati na mitambo ya mayele mabe na bango, mpe abebisaka mabongisi ya bakosi.
| לכד חכמים בערמם ועצת נפתלים נמהרה׃ |
14 Molili eyelaka bango na moyi; na moyi makasi, batambolaka na kotepatepa lokola na butu.
| יומם יפגשו חשך וכלילה ימששו בצהרים׃ |
15 Nzambe abikisaka mobola na mopanga ya monoko na bango, akangolaka moto akelela na loboko ya moto ya makasi.
| וישע מחרב מפיהם ומיד חזק אביון׃ |
16 Boye, mobola asengeli kozala na elikya, mpe moto oyo atambolaka na bosembo te asengeli kokanga monoko.
| ותהי לדל תקוה ועלתה קפצה פיה׃ |
17 Esengo na moto oyo Nzambe apameli! Kotiolaka te pamela ya Nkolo-Na-Nguya-Nyonso.
| הנה אשרי אנוש יוכחנו אלוה ומוסר שדי אל תמאס׃ |
18 Pamba te azokisaka pota, kasi atiaka yango mpe kisi; abetaka, kasi loboko na Ye ebikisaka.
| כי הוא יכאיב ויחבש ימחץ וידו תרפינה׃ |
19 Mbala motoba, akobikisa yo na pasi; mpe na mbala ya sambo, mabe ekokomela yo te.
| בשש צרות יצילך ובשבע לא יגע בך רע׃ |
20 Akokangola yo na kufa, na tango ya nzala makasi; mpe akobikisa yo na nguya ya mopanga, kati na bitumba.
| ברעב פדך ממות ובמלחמה מידי חרב׃ |
21 Okobatelama liboso ya fimbu ya lolemo, okobanga kobebisama te tango ekoya;
| בשוט לשון תחבא ולא תירא משד כי יבוא׃ |
22 okoseka kobebisama mpe nzala makasi, mpe okobanga te banyama ya mokili;
| לשד ולכפן תשחק ומחית הארץ אל תירא׃ |
23 pamba te okozala na boyokani elongo na mabanga ya bilanga, mpe banyama ya zamba ekozala na kimia elongo na yo.
| כי עם אבני השדה בריתך וחית השדה השלמה לך׃ |
24 Okososola ete ndako na yo ezali na kimia; tango okotala bibwele kati na lopango na yo, okomona ete ata moko te ezangi.
| וידעת כי שלום אהלך ופקדת נוך ולא תחטא׃ |
25 Okososola ete bana na yo bakozala ebele, mpe bakitani na yo, lokola matiti ya mabele.
| וידעת כי רב זרעך וצאצאיך כעשב הארץ׃ |
26 Okokita na kunda na kimobange makasi, ndenge batelemisaka maboke ya matiti na tango na yango.
| תבוא בכלח אלי קבר כעלות גדיש בעתו׃ |
27 Toyekolaki likambo yango malamu: ezali penza bongo. Boye, yoka yango mpe salela yango mpo na bolamu na yo! »
| הנה זאת חקרנוה כן היא שמענה ואתה דע לך׃ |
