Psalmorum 149

1 alleluia cantate Domino canticum novum laus eius in ecclesia sanctorum

Alleluja. [Cantate Domino canticum novum; laus ejus in ecclesia sanctorum.

2 laetetur Israhel in eo qui fecit eum et filii Sion exultent in rege suo

Lætetur Israël in eo qui fecit eum, et filii Sion exsultent in rege suo.

3 laudent nomen eius in choro in tympano et psalterio psallant ei

Laudent nomen ejus in choro; in tympano et psalterio psallant ei.

4 quia beneplacitum est Domino in populo suo et exaltabit mansuetos in salute

Quia beneplacitum est Domino in populo suo, et exaltabit mansuetos in salutem.

5 exultabunt sancti in gloria laetabuntur in cubilibus suis

Exsultabunt sancti in gloria; lætabuntur in cubilibus suis.

6 exaltationes Dei in gutture eorum et gladii ancipites in manibus eorum

Exaltationes Dei in gutture eorum, et gladii ancipites in manibus eorum:

7 ad faciendam vindictam in nationibus increpationes in populis

ad faciendam vindictam in nationibus, increpationes in populis;

8 ad alligandos reges eorum in conpedibus et nobiles eorum in manicis ferreis

ad alligandos reges eorum in compedibus, et nobiles eorum in manicis ferreis;

9 ut faciant in eis iudicium conscriptum gloria haec est omnibus sanctis eius

ut faciant in eis judicium conscriptum: gloria hæc est omnibus sanctis ejus. Alleluja.]