Psalmorum 25

1 Psalmus David, in finem. Ad te Domine levavi animam meam:

In finem, Psalmus David. Ad te Domine levavi animam meam:

2 Deus meus in te confido, non erubescam:

Deus meus in te confido, non erubescam:

3 Neque irrideant me inimici mei: etenim universi, qui sustinent te, non confundentur.

Neque irrideant me inimici mei: etenim universi, qui sustinent te, non confundentur.

4 Confundantur omnes iniqua agentes supervacue. Vias tuas Domine demonstra mihi: et semitas tuas edoce me.

Confundantur omnes iniqua agentes supervacue. Vias tuas Domine demonstra mihi: et semitas tuas edoce me.

5 Dirige me in veritate tua, et doce me: quia tu es Deus salvator meus, et te sustinui tota die.

Dirige me in veritate tua, et doce me: quia tu es Deus salvator meus, et te sustinui tota die.

6 Reminiscere miserationum tuarum Domine, et misericordiarum tuarum, quae a saeculo sunt.

Reminiscere miserationum tuarum Domine, et misericordiarum tuarum, quæ a sæculo sunt.

7 Delicta iuventutis meae, et ignorantias meas ne memineris. Secundum misericordiam tuam memento mei tu: propter bonitatem tuam Domine.

Delicta iuventutis meæ, et ignorantias meas ne memineris. Secundum misericordiam tuam memento mei tu: propter bonitatem tuam Domine.

8 Dulcis et rectus Dominus: propter hoc legem dabit delinquentibus in via.

Dulcis et rectus Dominus: propter hoc legem dabit delinquentibus in via.

9 Diriget mansuetos in iudicio: docebit mites vias suas.

Diriget mansuetos in iudicio: docebit mites vias suas.

10 Universae viae Domini, misericordia et veritas, requirentibus testamentum eius et testimonia eius.

Universæ viæ Domini, misericordia et veritas, requirentibus testamentum eius et testimonia eius.

11 Propter nomen tuum Domine propitiaberis peccato meo: multum est enim.

Propter nomen tuum Domine propitiaberis peccato meo: multum est enim.

12 Quis est homo qui timet Dominum? legem statuit ei in via, quam elegit.

Quis est homo qui timet Dominum? legem statuit ei in via, quam elegit.

13 Anima eius in bonis demorabitur: et semen eius hereditabit terram.

Anima eius in bonis demorabitur: et semen eius hereditabit terram.

14 Firmamentum est Dominus timentibus eum: et testamentum ipsius ut manifestetur illis.

Firmamentum est Dominus timentibus eum: et testamentum ipsius ut manifestetur illis.

15 Oculi mei semper ad Dominum: quoniam ipse evellet de laqueo pedes meos.

Oculi mei semper ad Dominum: quoniam ipse evellet de laqueo pedes meos.

16 Respice in me, et miserere mei: quia unicus et pauper sum ego.

Respice in me, et miserere mei: quia unicus et pauper sum ego.

17 Tribulationes cordis mei multiplicatae sunt: de necessitatibus meis erue me.

Tribulationes cordis mei multiplicatæ sunt: de necessitatibus meis erue me.

18 Vide humilitatem meam, et laborem meum: et dimitte universa delicta mea.

Vide humilitatem meam, et laborem meum: et dimitte universa delicta mea.

19 Respice inimicos meos quoniam multiplicati sunt, et odio iniquo oderunt me.

Respice inimicos meos quoniam multiplicati sunt, et odio iniquo oderunt me.

20 Custodi animam meam, et erue me: non erubescam, quoniam speravi in te.

Custodi animam meam, et erue me: non erubescam, quoniam speravi in te.

21 Innocentes et recti adhaeserunt mihi: quia sustinui te.

Innocentes et recti adhæserunt mihi: quia sustinui te.

22 Libera Deus Israel ex omnibus tribulationibus suis.

Libera Deus Israel ex omnibus tribulationibus suis.