Psalmorum 55
1 In finem, In carminibus, intellectus David. Exaudi Deus orationem meam, et ne despexeris deprecationem meam:
In finem, in carminibus. Intellectus David. [Exaudi, Deus, orationem meam, et ne despexeris deprecationem meam:
2 intende mihi, et exaudi me. Contristatus sum in exercitatione mea: et conturbatus sum
intende mihi, et exaudi me. Contristatus sum in exercitatione mea, et conturbatus sum
3 a voce inimici, et a tribulatione peccatoris. Quoniam declinaverunt in me iniquitates, et in ira molesti erant mihi.
a voce inimici, et a tribulatione peccatoris. Quoniam declinaverunt in me iniquitates, et in ira molesti erant mihi.
4 Cor meum conturbatum est in me: et formido mortis cecidit super me.
Cor meum conturbatum est in me, et formido mortis cecidit super me.
5 Timor et tremor venerunt super me: et contexerunt me tenebræ:
Timor et tremor venerunt super me, et contexerunt me tenebræ.
6 Et dixi: Quis dabit mihi pennas sicut columbæ, et volabo, et requiescam?
Et dixi: Quis dabit mihi pennas sicut columbæ, et volabo, et requiescam?
7 Ecce elongavi fugiens: et mansi in solitudine.
Ecce elongavi fugiens, et mansi in solitudine.
8 Expectabam eum, qui salvum me fecit a pusillanimitate spiritus, et tempestate.
Exspectabam eum qui salvum me fecit a pusillanimitate spiritus, et tempestate.
9 Præcipita Domine, divide linguas eorum: quoniam vidi iniquitatem, et contradictionem in civitate.
Præcipita, Domine; divide linguas eorum: quoniam vidi iniquitatem et contradictionem in civitate.
10 Die ac nocte circumdabit eam super muros eius iniquitas: et labor in medio eius,
Die ac nocte circumdabit eam super muros ejus iniquitas; et labor in medio ejus,
11 et iniustitia. Et non defecit de plateis eius usura et dolus.
et injustitia: et non defecit de plateis ejus usura et dolus.
12 Quoniam si inimicus meus maledixisset mihi, sustinuissem utique. Et si is, qui oderat me, super me magna locutus fuisset: abscondissem me forsitan ab eo.
Quoniam si inimicus meus maledixisset mihi, sustinuissem utique. Et si is qui oderat me super me magna locutus fuisset, abscondissem me forsitan ab eo.
13 Tu vero homo unanimis: dux meus, et notus meus:
Tu vero homo unanimis, dux meus, et notus meus:
14 Qui simul mecum dulces capiebas cibos: in domo Dei ambulavimus cum consensu.
qui simul mecum dulces capiebas cibos; in domo Dei ambulavimus cum consensu.
15 Veniat mors super illos: et descendant in infernum viventes: Quoniam nequitiæ in habitaculis eorum: in medio eorum. (Sheol h7585)
Veniat mors super illos, et descendant in infernum viventes: quoniam nequitiæ in habitaculis eorum, in medio eorum. (Sheol h7585)
16 Ego autem ad Deum clamavi: et Dominus salvabit me.
Ego autem ad Deum clamavi, et Dominus salvabit me.
17 Vespere, et mane, et meridie narrabo et annuntiabo: et exaudiet vocem meam.
Vespere, et mane, et meridie, narrabo, et annuntiabo; et exaudiet vocem meam.
18 Redimet in pace animam meam ab his, qui appropinquant mihi: quoniam inter multos erant mecum.
Redimet in pace animam meam ab his qui appropinquant mihi: quoniam inter multos erant mecum.
19 Exaudiet Deus, et humiliabit illos, qui est ante sæcula. Non enim est illis commutatio, et non timuerunt Deum:
Exaudiet Deus, et humiliabit illos, qui est ante sæcula. Non enim est illis commutatio, et non timuerunt Deum.
20 extendit manum suam in retribuendo. Contaminaverunt testamentum eius,
Extendit manum suam in retribuendo; contaminaverunt testamentum ejus:
21 divisi sunt ab ira vultus eius: et appropinquavit cor illius. Molliti sunt sermones eius super oleum: et ipsi sunt iacula.
divisi sunt ab ira vultus ejus, et appropinquavit cor illius. Molliti sunt sermones ejus super oleum; et ipsi sunt jacula.
22 Iacta super Dominum curam tuam, et ipse te enutriet: non dabit in æternum fluctuationem iusto.
Jacta super Dominum curam tuam, et ipse te enutriet; non dabit in æternum fluctuationem justo.
23 Tu vero Deus deduces eos, in puteum interitus. Viri sanguinum, et dolosi non dimidiabunt dies suos: ego autem sperabo in te Domine.
Tu vero, Deus, deduces eos in puteum interitus. Viri sanguinum et dolosi non dimidiabunt dies suos; ego autem sperabo in te, Domine.]
