Jeremiah 51
1 LEUM GOD El fahk, “Nga ac oru sie eng upa in tuhyak ac kunausla acn Babylonia ac mwet we.
上主這樣說：「看，我必要興起毀滅的颶風，襲擊巴比倫和加色丁的居民，
2 Nga ac supwala mwetsac in kunausla acn Babylonia, oana ke eng uh okla kulun wheat uh. Ke len in ongoiya sac, un mwet mweun ac tuku yen nukewa me, ac usla koanon acn we.
給巴比倫派簸手來簸揚她，掃空她的國土，因為在禍患之日，人必四面向她進攻。」
3 Nikmet sang pacl lun mwet mweun Babylonia in pisrik mwe pisr natulos, ku in nokomang nuknuk in mweun lalos. Sukela mwet mweun nukewa we — mwet fusr ac mwet matu!
弓手不要放下自己的弓箭，戰士不要卸下自己的鎧甲，不要憐恤她的青年，卻要殲滅她所有的部隊，
4 Elos ac fah kineta ac misa ke inkanek in siti selos.
使他們倒斃在加色丁境內，沿途被人刺殺，
5 Oasr mwatan mwet Israel ac Judah ke elos nukewa tuh orekma koluk lainyu, Nga Su Mutallana lun Israel. Ne ouinge, nga LEUM GOD Kulana tiana som lukelos.
因為他們的國土，充滿了反抗以色列聖者的罪惡；可是以色列和猶大並未成為寡婦，也未喪失自己的天主，萬軍的上主。
6 Kaingla liki Babylonia! Kaing tuh kowos in moul. Nimet oru kowos in misa ke sripen ma koluk lun mwet Babylonia, mweyen nga fah oru foloksak luk inge, ac kalyaelos fal nu ke orekma koluk lalos.
你們逃離巴比倫，各救自己的性命，不要因了她的罪過而自遭喪亡，因為現在是上主復仇的時候，上主要對她報復。
7 Babylonia el tuh oana sie cup gold inpouk, ac oru tuh faclu nufon sruhila. Mutunfacl pus numla wain nimal ac wella.
巴比倫在上主手中，曾是個灌醉大地的金爵，萬民飲了她的酒，萬民纔如此狂亂。
8 Acn Babylonia sa na ikori ac kunausyukla! Kowos in tung kacl, ac suk ono in unwela kinet kacl. Sahp el ac ku in kwela!
霎時間，巴比倫傾覆瓦解，你們為她舉哀，拿香料來醫治她的創傷，也許她會痊癒。
9 Mwetsac su muta we elos fahk, ‘Kut tuh srike in kasru acn Babylonia, tusruktu arulana pahtlac. Tari kut folokla nu yen sesr. God El kalyei Babylonia ke ku lal nufon, ac sukela acn we.”’
我們本願治癒巴比倫，但是她卻不痊癒；我們放下她，各自回歸故鄉，因為她罪惡滔天，直達雲霄。
10 LEUM GOD El fahk, “Mwet luk elos wowoyak ac fahk, ‘LEUM GOD El fahkak lah kut pa suwohs uh. Lela kut in som ac fahk nu sin mwet Jerusalem ma LEUM GOD lasr El orala!”’
上主表彰了我們的正義，來，我們在熙雍稱揚上主我們的天主的偉業。
11 LEUM GOD El purakak tokosra lun Media, mweyen El nunku Elan kunaus acn Babylonia. Pa ingan ma El ac oru in folokin musalla lun Tempul lal. Mwet kol lun un mwet mweun uh sapkin, “Kowos tamla mwe pisr nutuwos an! Akola mwe loang lowos!
磨尖箭矢，裝滿箭囊! 上主已激起瑪待王的銳氣，因為他對巴比倫的計劃，是要將她消滅；是上主報復，為自己的殿宇復仇。
12 Kolak sie flag in akkalemye lah pacl in mweuni pot Babylon. Akpusyela mwet san! Oakiya kais sie u nu yen elos ac karingin. Supwala mwet in wikwik soano mwet lokoalok. LEUM GOD El orala ma El fahk mu El ac oru nu sin mwet Babylonia.
你們向巴比倫城牆樹立旗幟，加緊防衛，派駐防哨，預設埋伏，因為上主怎樣計劃了，就怎樣實踐他對巴比倫居民所下的斷語。
13 Pukanten infacl ac mwe kasrup in facl sac, tusruktu sun pacl in safla lal. Moul lun Babylonia ac wutiyukla na pwaye.
啊，你住在多水之旁，富有寶藏；現在到了你的結局，到了切斷你尺度的時刻。
14 LEUM GOD Kulana El fulahk ke moul lal sifacna mu El fah use mwet puspis in mweuni acn Babylonia oana sie u in locust, ac elos fah sasa ke kutangla lalos.
萬軍的上主指著自己起誓說：「我必用像蝗蟲那麼多的人群填塞你，對你高唱凱歌。」
15 LEUM GOD El orala faclu ke ku lal; El oakiya faclu ke lalmwetmet lal, Ac El asroelik kusrao ke etu lal.
上主以自己的能力創造了大地，自己的智慧奠定了寰宇，以自己的才智展布了諸天。
16 Ke sap lal, kof lucng liki yen engyeng uh ngirngir; El orama pukunyeng uh liki saflaiyen faclu. El oru sarom in sarmelik in af uh Ac supwama eng uh liki nien filma lal.
他一聲號令使天上的水怒號，使雲彩地極上騰，使雷聲霹靂，造成豪雨，使暴風從他的倉庫出發。
17 Ke mwet uh liye ma inge, elos akilen lupan lalfon ac nikin lalos sifacna. Elos su oru ma sruloala elos mwekinla, Mweyen god ma elos orala uh tia pwaye ac wangin moul la.
人都要自覺愚昧無知；每個銀匠必因自己的刻像感到羞慚，因為所鑄的像，只是「虛無」，沒有息；
18 Elos ma lusrongten ac fal in pilesreyuk. Elos ac fah kunausyukla pacl se LEUM GOD El tuku in nununkalos.
是「虛幻」，是愚弄人的作品；懲罰時期一到，必要盡歸滅亡。
19 God lal Jacob El tia oana ma inge. El pa orala ma nukewa, Ac El sulela mwet Israel elos in mwet lal. Inel pa LEUM GOD Kulana.
那位作雅各伯產業的，與它們卻完全不同，因為他是萬物的造主，以色列是作他產業的支派；他的名字叫「萬軍的上主」。
20 LEUM GOD El fahk, “Babylonia, kom hammer nutik, kufwen mwe mweun nutik. Nga orekmakin kom in tuktukya mutunfacl ac tokosrai.
巴比倫! 你曾是我的鎚子，作戰的武器；我曾用你粉碎萬民，用你毀滅邦國，
21 Keim nga kunausla horse ac mwet kasrusr fac, Nga kunausla chariot ac mwet kasrusr fac.
用你粉碎戰馬和騎士，用你粉碎戰車和後夫，
22 Keim nga uniya mukul ac mutan, Nga akmuseya mwet matu ac mwet fusr, Nga uniya tulik mukul ac tulik mutan.
用你粉碎男子和婦女，用你粉碎老翁和幼童，用你粉少男和少女，
23 Keim nga onela mwet shepherd ac un kosro natulos, Nga onela pac mwet ima ac ox natulos. Keim nga tuktukya mwet kol fulat ac mwet pwapa fulat.”
用你粉碎牧人和牲畜，用你粉碎農夫和耕牛，用你粉碎州牧和監督。
24 LEUM GOD El fahk, “Kowos fah liye ke nga ac oru foloksak nu sin Babylonia ac mwet we ke orekma koluk nukewa elos oru nu sin Jerusalem.
但是，如今我要在你們眼前，報復巴比倫和所有的加色丁居民，對熙雍作的一切惡事──上主的斷語──
25 Babylonia, kom oana soko fineol ma kunausla faclu nufon, tusruktu nga, LEUM GOD, lain kom. Nga fah sruokkomi, aktupasrpasryekomla, ac filikomla in oan apatla.
好事毀滅的山嶺! 看，我要攻擊你──上主的斷語──是你毀滅了整個大地，我要向你伸出我的手，使你從崖石上滾下，使你成為烈火焚毀的山嶺。
26 Wangin eot ke mahnum sum fah sifil orekmakinyuk nu ke musa lohm. Kom ac fah oana sie acn mwesis nwe tok. Nga, LEUM GOD, pa fahk ma inge.
人們不再從你那裏鑿取角石或基石，因為你將永遠為荒丘──上主的斷語。
27 “Kolak sie mwe akul ac ukya mwe ukuk tuh mutunfacl uh in lohng lah pacl in mweun! Akoela mutunfacl uh in mweun lain Babylonia! Pangoneni tokosrai lun Ararat, Minni, ac Ashkenaz elos in sroang wi mweun. Srisrngia sie mwet fulat in kol mweun an. Use horse uh in pukanten oana un locust.
你們在地上樹立旗幟，在萬民間吹起號角，祝聖萬民向她進攻，召集阿辣辣特和明尼及阿市革納次王國向她進攻，派遣一員大將向他進攻；衝鋒的馬隊，好像刺毛直豎的蚱蜢。
28 Akola mutunfaclu in mweun lain Babylonia. Sapla nu sin tokosra lun acn Media, wi mwet kol ac mwet fulat lalos, ac un mwet mweun lun facl nukewa elos leumi.
祝聖萬民：瑪待的君王和他的州牧，他所有的監督以及他整個版圖的民眾，向她進攻。
29 Faclu kusrusr ac rarrar mweyen LEUM GOD El akfahsrye pwapa lal in oru Babylonia in sie acn mwesisla, yen wangin mwet fah muta we.
大地戰慄惶悚，因為上主正在進行攻巴比倫的計劃，使巴比倫地成為無人居住的荒野。
30 Mwet mweun watwen lun acn Babylonia elos tia illa in mweun, a elos mutana in pot ku lalos. Wanginla pulaik lalos ac elos sangeng oana mutan uh. Mwet lokoalok elos fukulya mutunpot lun siti uh ac furreak lohm we.
巴比倫的兵士放棄作戰，留在堡壘中，失去了勇氣，有如婦人；她的房屋已為火焚毀，她的門閂已被折斷。
31 Mwet utuk kas uh kasrusr atutafi ke pweng nu sin tokosra lun Babylonia, lah acn nukewa ke siti sel uh musalsalu.
跑差的，傳信的，都相繼跑去通報巴比倫王，京城四周已被佔領，
32 Mwet lokoalok elos sruokya acn in tupalla infacl uh, ac esukak pot ku nukewa lun acn we. Mwet mweun lun Babylonia elos arulana tuninfongla.
口已被攻陷，要塞已遭火焚；戰士都十分恐惶。
33 Ac tia paht mwet lokoalok lalos fah pakelosi ac fotongolosi oana wheat ke acn in kulkul wheat. Nga, LEUM GOD Kulana, God lun Israel, pa fahk ma inge.”
因為萬軍的上主，以色列的天主這樣說：「巴比倫女郎有如到了該踐踏的禾場；還有片刻就到收割她的時期。
34 Tokosra lun Babylonia el sipsipikya Jerusalem Ac kangla. El okoala koanon siti sac oana sufa soko; El okomla acn we oana soko kosro lulap sulallal. El kangla ma el lungse kac Ac filakunla ma ngia.
巴比倫王拿步高把我吞食毀滅，使我變成了空器皿；他彷復一條龍，併吞了我，以我的美味滿足了自己的肚腹，然後將我驅逐。
35 Lela mwet Zion uh in fahk, “Mwatan orekma sulallal ma tuh orek nu sesr In oan fin Babylonia!” Lela mwet Jerusalem in fahk, “Mwatan mwe keok nukewa ma orek nu sesr In oan fin Babylonia!”
熙雍的居民說：「要對巴比倫報復我身受的凌辱! 」耶路撒冷說：「要對加色丁居民報復我的血債! 」
36 Na LEUM GOD El fahk nu sin mwet Jerusalem, “Nga fah aol kowos in kwafe keiwos, ac orek foloksak nu sin mwet lokoalok lowos ke ma elos tuh oru nu suwos. Nga fah oru in wanginla kof in acn Babylonia, ac infacl nukewa we in mihnla.
為此，上主這樣說：「看，我必為你辯護，報復你的冤仇，乾涸她的河川，枯竭她的泉源。
37 Facl sac fah ekla sie yol in kutkut, yen kosro lemnak mukena muta we. Wangin mwet ac fah muta we, ac mwet nukewa su liye facl sac ac fah fwefela ac arulana sangeng.
巴比倫必成為一堆瓦礫，豺狼的巢穴；令人恐怖嘲笑，無人居住。
38 Mwet Babylonia nukewa ngutngut oana lion, ac kou oana lion fusr.
巴比倫人像壯獅一樣，一起怒號，像母獅的幼雛一樣，一起咆哮。
39 Ya elos kainmongo? Nga fah akoo sie kufwa nu selos ac oru elos in sruhila ac engan. Na elos ac motulla ac fah tia sifil ngutalik.
在他們激昂時，我必給他們擺設盛宴，使他們酣醉昏迷，長眠不醒──上主的斷語──
40 Nga fah usalosla in anwuki, oana sheep fusr, nani, ac sheep mukul. Nga, LEUM GOD, pa fahk ma inge.”
我必使他們下到屠場，無異羔羊綿羊和山羊。
41 LEUM GOD El fahk ke acn Babylon: “Siti se ma faclu nufon tuh kaksakin, inge kutangyukla, ac ekla sie acn arulana mwe aksangeng nu sin mutunfaclu in liye.
怎麼，沙客竟陷落了，全地的光榮竟遭受了劫掠﹖怎麼，連巴比倫在萬民中也變得如此悽涼﹖
42 Noa ngirngir meoa uh toki nu fin Babylon ac afunla.
海洋衝擊巴比倫，使她全被驚濤怒浪所淹沒；
43 Inkul ma apkuran nu we sikiyukla acn mwesisla, yen wangin mwet muta we ku forfor we.
她的城市盡化為野，乾旱淒涼之地，再沒有人居住，再沒有過客。
44 Nga fah kael Bel, god lun Babylonia, ac eisla liki inwalul ma nukewa ma el ukumya. Mutunfacl uh ac fah tia sifilpa alu nu sel. “Pot lun acn Babylon mokukla.
我必懲罰巴比倫的貝耳，由他口裏奪出他所吞滅的，萬民必不再向他湧來，因為巴比倫的城牆已倒塌。
45 Mwet Israel, kaing liki acn ingan! Kaing tuh kowos in moulla liki kasrkusrak lulap luk.
我的人民! 你們從她那裏出來，各救自己的性命脫免上主忿怒的烈火。
46 Nimet fuhleak finsrak lowos ku sangeng ke sramsram lusrongten kowos lohng. Yac nukewa oasr sramsram lusrongten ac fwackelik, ke mwet sulallal in facl suwos, ac ke sie tokosra lain sie pac tokosra.
你們不要膽怯，不要害怕地方上流傳的謠言；因為今年傳來這謠言，明年又另有謠言；地方上常有暴亂，暴君互相傾軋。
47 Ke ma inge pacl se ac fah tuku ke nga ac oru ma nga akoo in oru nu ke ma sruloala lun Babylonia. Mutunfacl sac nufon ac fah akmwekinyeyuk, ac mwet we nukewa ac fah anwuki.
看，時日將到，我必懲罰巴比倫的偶像；使她全國飽受恥辱，國內死傷遍地。
48 Ma nukewa fin faclu ac yen engyeng uh fah sasa ke engan pacl se Babylonia putatyang nu inpoun mwet su tuku epang me in kunausulla.
上天下地和其中所有的一切，必對巴比倫吶喊歡呼，因為從北方必有破壞者來向她進襲──上主的斷語──
49 Acn Babylonia ac fah ikori mweyen el uniya mwet puspis fin faclu, ac oayapa uniya mwet puspis sin mwet Israel. Nga, LEUM GOD, pa fahk ma inge.”
為了以色列被剌殺的人，巴比倫也該傾覆，就如全地被刺殺的人，曾為了巴比倫而倒斃。
50 LEUM GOD El fahk nu sin mwet lal in acn Babylonia: “Kowos su kaingla liki misa, kowos som! Nimet soano! Kowos finne muta loesla liki acn suwos, nunku keik, LEUM GOD lowos, ac esam acn Jerusalem.
你們逃脫了刀劍的人! 快走，不要停留；從遠方懷念上主，思戀耶路撒冷。
51 Kowos fahk mu, ‘Kut mwekinla ac tonongla, ac pula mu wangin ma kut ku in oru, mweyen mwet in mutunfacl saya elos utyak ac aktaekyela acn mutal in Tempul.’
我們聽到了侮辱，感到恥辱，滿面羞慚，因為外方人闖進了上主殿宇的聖所。
52 Ke ma inge, nga fahk mu oasr pacl se ac tuku ke nga ac oru ma nga akoo in oru nu ke ma sruloala lun Babylonia, ac mwet kinet uh ac sasao yen nukewa fin facl sac.
為此，看，時日將到──上主斷語──我必懲罰她的偶像，使她國內的人都負傷呻吟；
53 Babylon finne ku in fanyak nu yen engyeng uh ac musai sie pot ku we, nga ac nuna supwala mwet in kunausla. Nga, LEUM GOD, pa fahk ma inge.”
即使巴比倫爬上諸天，即使她盤據高處不可侵犯，我仍要派破壞者來自她進襲──上主的斷語。
54 Na LEUM GOD El fahk, “Lohng pusren tung in Babylon, Pusren mwemelil ke sripen sikiyukla facl sac.
聽從巴比倫發出的喧嚷，從加色丁人地發生的絕大破壞!
55 Inge nga kunausla acn Babylon Ac oru in wanginla pusracl. Fwilin mwet mweun uh sasak nu we oana fwilin noa. Elos sasa ke elos mweuni acn we.
是上主在毀滅巴比倫，消弭其中嘈雜的聲音；敵人洶湧而來，有如汪洋怒濤，揚聲吶喊。
56 Elos tuku in kunausla Babylon. Mwet mweun we sruoh, Ac mwe pisr natulos kotkot uh. Nga sie God su kai mwet su orekma koluk, Ac nga fah folokin nu sin Babylon fal nu ke ma el orala.
果然，破壞者已來到巴比倫，她的勇士都已被擒，她的弓弩盡被折斷，因為上主是報復的天主，他必嚴厲加以報復。
57 Nga fah oru mwet fulat we in sruhila — Mwet lalmwetmet, mwet kol, ac mwet mweun. Elos ac motulla ac tia sifil ngutalik. Nga, tokosra, pa fahk ma inge. Nga LEUM GOD Kulana.
我必使她的諸侯和謀士，州牧和監督以及勇士飲醉，長眠不醒──名為萬軍上主君王的斷語。
58 Pot sralap lun Babylon ac fah rakinyuki nu infohk uh, Ac mutunpot fulat we isisyak. Kemkatu lun mutunfacl puspis wangin sripa; Orekma upa lalos firiryak. Nga, LEUM GOD Kulana, pa fahk ma inge.”
萬軍的上主這樣說：「巴比倫廣闊的城牆要被夷為平地，她高大的城門要被火焚盡：這樣百姓只有白白徒勞，萬民的辛苦，也只有付之一炬。」
59 Seraiah, mwet tutaf lal Tokosra Zedekiah, el wen natul Neriah ac nutin natul Mahseiah. In yac se akakosr ma Zedekiah el tokosra lun Judah, Seraiah el tuh welul som nu Babylonia, ac nga tuh sapkin ma elan oru.
以下是瑪赫色雅的孫子，乃黎雅的兒子色辣雅同猶大王漆德克雅，在他為王第四年，同往巴比倫去時，耶肋米亞先知對他吩咐的話，那時辣雅身為行營總督。
60 Nga simusla in book se ma nukewa ma ac sikyak ke ac kunanula acn Babylonia, oayapa mwe fahkak puspis saya ke acn we.
耶肋米亞在一本書上記錄了要降在巴比倫的一切災禍，所記錄的全是於巴比倫的事。
61 Nga fahk nu sel Seraiah, “Pacl se kom ac sun acn Babylon, aklohya riti ma nukewa simla in book se inge mwet uh in lohng.
耶肋米亞對色辣雅說：「你一到了巴比倫，就應設法宣讀這一切話，
62 Toko kom pre ac fahk, ‘LEUM GOD, kom fahk mu kom ac kunausla acn se inge tuh in wangin kutena ma moul muta fac, tia mwet ku ma orakrak, a ac fah oana sie acn mwesis nwe tok.’
然後說：上主，關於這地你親自說過，要將它消滅，使這地無人居住，成為人和走獸絕跡的荒野。
63 Seraiah, kom fin riti book se inge nu sin mwet uh nwe safla, na kom kapriya nu ke sie eot an, ac sisla nu Infacl Euphrates,
你朗誦完了這本書以後，在書上繫上一塊石頭，把書拋在幼發拉的河中，
64 ac fahk, ‘Pa inge ma ac sikyak nu sin Babylonia — el ac tili ac tia sifil otyak ke sripen kunausten lulap su LEUM GOD El ac oru nu sin acn we.”’ Kas lal Jeremiah safla inse.
然後說：巴比倫也要如此沉沒，再也不能由我給她招來的災禍中復興。」耶肋米亞的話至此為止。
