Lementesen-Zavi Krafa 5
1 Ra Anumzamoka menima tagrite'ma fore'ma nehia knazamo'ma tazeri havizama nehigetama tusi'a tagazema e'nerunana neragenka antahiramio.
耶和華啊，求你記念我們所遭遇的事， 觀看我們所受的凌辱。
2 Onke'nona vahe'mo'za e'za tagri mopa eme enerizage'za, ru moparegati vahe'mo'za e'za tagri nontamina emeri nafa'a hu'za mani'naze.
我們的產業歸與外邦人； 我們的房屋歸與外路人。
3 Tafahe'za omani megusa mofavregna huta tagra nemanunke'za, trerahe'za kento a'nanegna hu'za mani'naze.
我們是無父的孤兒； 我們的母親好像寡婦。
4 Tima nenompi, tevema enerunana zagoretike'za mizaseta eri'none.
我們出錢才得水喝； 我們的柴是人賣給我們的。
5 Ha' vahetimo'za rama'a zampi tazeri haviza huvava nehazageta mani fru huta omani'none.
追趕我們的，到了我們的頸項上； 我們疲乏不得歇息。
6 Tagri'ma ne'zama tamisnageta nesunku huta Isipi vahe'ene, Asiria vahe'mokizmi zmagorga mani'none.
我們投降埃及人和亞述人， 為要得糧吃飽。
7 Tagri tagehe'za kumi hute'za ko fri'za menina omani'naze. Ana hu'nazageta menina zamagri kumi'mofo knazama'a e'nerune.
我們列祖犯罪，而今不在了； 我們擔當他們的罪孽。
8 Tagrira kazokzo eri'za vahe'mo'za kegava hurantazageta mani'nonkeno, mago vahe'mo'e huno ana vahe'mokizmi hankavefintira tagura vazino taza osu'ne.
奴僕轄制我們， 無人救我們脫離他們的手。
9 Hagi nezanku'ma vuta eta huta hakeku'ma hunana, ka'ma kokampina ha' vahe'mo'za bainati kazinteti tahe frinaku kafonte'za mani'naze.
因為曠野的刀劍， 我們冒着險才得糧食。
10 Tusi taga'matea zamo higeno, tavufgamo'a sikonima negraza avenimo'ma teve ha'ma hiaza huno tusi amuho hu'ne.
因飢餓燥熱， 我們的皮膚就黑如爐。
11 Saioni kumapi a'nanea zamagra zamazeri haviza nehu'za, Juda mopafima me'nea ranra kumatamimpima nemaniza vene omase mofa'nea ha' vahe'mo'za eme zamazeri haviza hu'naze.
敵人在錫安玷污婦人， 在猶大的城邑玷污處女。
12 Kva vahetia zamazeri'za zamazante nofi anakite'za, zafare hanti'naze. Ana nehu'za ranra vahetia so'e avu'ava zana hunozmante'za, zamazeri zamagaze hu'naze.
他們吊起首領的手， 也不尊敬老人的面。
13 Hagi nehazave nagara huzmantazage'za witima refuzafunepaza have rezahe nehazage'za, mofavre nagatia tusinasi teverami hare'za kofizmantazage'za, knazamigu nehu'za eri'naze.
少年人扛磨石， 孩童背木柴，都絆跌了。
14 Ranra vahetamimo'za kuma kafante'ma nemaniza zana atre'za nevazage'za, nahezave naga'mo'za zavena ahe'za zagamera osu'naze.
老年人在城門口斷絕； 少年人不再作樂。
15 Muse zagame'ma nehuta avoma nehagona zana atreta, zavi zagame nehuta tasuzampi mani'none.
我們心中的快樂止息， 跳舞變為悲哀。
16 Rantagima e'neruna zamo'ma, tasenire'ma kini fetorikna'ma hu'nea zamo'a mopafi evuramigeta, tasuzampi mani'none. Anama hu'neana tagrama hu'nona kumi'mo higeno anara hu'ne!
冠冕從我們的頭上落下； 我們犯罪了，我們有禍了！
17 Anazama fore'ma nehigeno'a, tarimpamo'a havizantfa nehigeno, zavi'ma atonazamo higeno tavumipamo'a evuno hanintiri higeta, tavua keso'e osu'none.
這些事我們心裏發昏， 我們的眼睛昏花。
18 Saioni ran kumapina vahera omanino atreno vuno eno higeno, ka'ma koka fore higeno anampina afi kraramimozage mani'neza vano hu'naze.
錫安山荒涼， 野狗行在其上。
19 Hianagi Ra Anumzamoka kagrake kinia mani'nenka, henkama fore hu anante nante'ma hu'za vanaza vahetera manivava hunka vugahane.
耶和華啊，你存到永遠； 你的寶座存到萬代。
20 Ra Anumzamoka na'a hu'negenka za'zatera kamefira huneraminka antahi noramine?
你為何永遠忘記我們？ 為何許久離棄我們？
21 Ra Anumzamoka menina ete tazeri knare hananketa knare huta nemanisunkenka, knatia eri kasefa hananketa, ko'ma knare hutama mani'nonaza huta manisnune.
耶和華啊，求你使我們向你回轉， 我們便得回轉。 求你復新我們的日子，像古時一樣。
22 Hifi tagrira tusi karimpa herantenka kamefi huneraminka, kavesra hurante vaganerampi?
你竟全然棄絕我們， 向我們大發烈怒？
