Zosua 18
1 Hanki Israeli vahe'mo'za mago'a mopama omerite'za Sailo kumate omeritru hu'za, atruma hu'za mono'ma hu seli nona ki'naze.
以色列的全會眾都聚集在示羅，把會幕設立在那裏，那地已經被他們制伏了。
2 Hianagi Israeli naga'pintira 7ni'a naga nofi'mo'za mopa erisanti ohare'nazageno,
以色列人中其餘的七個支派還沒有分給他們地業。
3 Josua'a Israeli vahera amanage huno zamasami'ne, Ra Anumzana tamafahe'i Anumzamo mopa ko tami'neanki, na'anku avega anteta mani'neta ufreta mopa e'norize?
約書亞對以色列人說：「耶和華－你們列祖的上帝所賜給你們的地，你們耽延不去得，要到幾時呢？
4 Hanki mago'mago naga nofipintira 3'a vene'ne hu hamprizmantenke'na nagra hu zamantesuge'za vu'za ana mopa inankna mopao ome nege'za, mago mago'mo'ma erisantima haresia avamente avon tafepi krenente'za ete'za nagrite eri'za eho.
你們每支派當選舉三個人，我要打發他們去，他們就要起身走遍那地，按着各支派應得的地業寫明，就回到我這裏來。
5 Hagi tamagra mopa 7ni'afi refko huntenkeno, Juda naga'mo'za sauti kaziga zamagra'a mopafi manisage'za, Josefe naga'mo'za noti kaziga zamagra'a mopafi mani fatgo hugahaze.
他們要將地分做七分；猶大仍在南方，住在他的境內。約瑟家仍在北方，住在他的境內。
6 Anama hutetma ana 7ni'a mopamofo naneke'a avon tafepi kretetma, nagrite eritma enke'na mago mago nagamo'a ina mopa erigahifi, Ra Anumzana tagri Anumzamofo avure satu zokagoreta iza mopa erigahifi kegahune.
你們要將地分做七分，寫明了拿到我這裏來。我要在耶和華－我們上帝面前，為你們拈鬮。
7 Na'ankure Livae naga'mo'za mopa e'ori'nazanki, Anumzamofo eri'zama erisnafinti erisantiharegahaze. Hagi Gati nagaki, Rubeni naga'ene, Manase nagara amu'nompinti refko hazage'za, Jodani timofo kantu zage hanati kaziga, Ra Anumzamofo eri'za ne' Mosese'ma zami'nea mopa eri'naze.
利未人在你們中間沒有分，因為供耶和華祭司的職任就是他們的產業。迦得支派、呂便支派，和瑪拿西半支派已經在約旦河東得了地業，就是耶和華僕人摩西所給他們的。」
8 Hagi mopamofo agema'ama avontafepi krente vahe'mo'za otizageno, Josua'a amanage huno zamasami'ne, ana maka mopafi vutma vararetma ketetma, inankna mopa me'nefi agi agenkea avompi krentetetma ete nagrite Sailo enke'na, Ra Anumzamofo avure satu zokagore'na, ina mopa zamigahifi ka'neno.
劃地勢的人起身去的時候，約書亞囑咐他們說：「你們去走遍那地，劃明地勢，就回到我這裏來。我要在示羅這裏，耶和華面前，為你們拈鬮。」
9 Hige'za zamagra anantetira atre'za vu'za ana mika mopa ome vano hu'za kete'za, ana moparamimofo nanekea avontafepi krente'naze. Ranra kumatmina agateore ana maka 7ni'afima regitagi'naza mopa ke vagarete'za, Josua'ma kuma'ma anteno Sailoma mani'nere ete'za e'naze.
他們就去了，走遍那地，按着城邑分做七分，寫在冊子上，回到示羅營中見約書亞。
10 Anante Sailo kumate Josua'a Ra Anumzamofo avure satu zokago reno keteno, anante Israeli vahe'mokizmia nagate nofite huno mopa refko huno zami'ne.
約書亞就在示羅，耶和華面前，為他們拈鬮。約書亞在那裏，按着以色列人的支派，將地分給他們。
11 Hanki Benzameni naga'mo'zama nagate nofite hu'zama mopama refko hu'za eri'nazana, Juda naga'ene Josefe naga'mokizmi mopamofo amu'nozmifi me'nea mopa erisantihare'naze.
便雅憫支派，按着宗族拈鬮所得之地，是在猶大、約瑟子孫中間。
12 Noti kaziga mopazmimofo agema'amo'a Jodani tinteti agafa huteno vuno, Jeriko noti kaziga me'nea agonaramimofo asoparega vuno, agatereno zage ufre kaziga me'nea agonaramimpi ufreno ka'ma mopafi Bet Aveni uhanati'ne.
他們的北界是從約旦河起，往上貼近耶利哥的北邊；又往西通過山地，直到伯‧亞文的曠野；
13 Anantetira mopamofo agema'amo'a rugitagino fenkamu sauti kaziga Luzi (menina Betelie nehaze) ran kumatega ne'onse agonarami me'nerega uramiteno, vuno sauti kaziga Bet Horon rankuma'mofo fenka kaziga tava'oma'are mago agonamofo agofetu me'nea rankuma Atarot Ada uhanati'ne.
從那裏往南接連到路斯，貼近路斯（路斯就是伯特利），又下到亞他綠‧亞達，靠近下伯‧和崙南邊的山；
14 Hagi anantetira mopamofo agema'amo'a rukrahe huno ana agonamofo zage ufre kaziga Bethoroni vu'ne. Anantetira mopamofo agema'amo'a sauti kaziga vuno Kiriat Ba'al (mago agi'a Kiriat Jearim) rankumate uhanati'ne, ana kumara Juda nagamokizmi ran kumare. E'i zage ufre kaziga ome atre'nea mopamofo agema'e.
從那裏往西，又轉向南，從伯‧和崙南對面的山，直達到猶大人的城基列‧巴力（基列‧巴力就是基列‧耶琳）；這是西界。
15 Hagi sauti kaziga mopamofo agema'amo'ma agafama hu'neana, Kiriat Jearimi tavaonte zage ufre kazigati agafa huteno, eno Neptoa kampu'i tinte uhanati'ne.
南界是從基列‧耶琳的儘邊起，往西達到尼弗多亞的水源；
16 Hagi anantetira mago'ene isagamo'a uramino vuno Refaimi agupomofo noti kaziga Ben Hinomu aguporegama avugosa hunte'nea agonarega uramiteno, anantetira mopamofo agema'amo'a Jebusi vahe rankuma'mofo sauti kaziga agona tava'onte Hinomu agupofi vuvava huno En-Rogel uhanati'ne.
又下到欣嫩子谷對面山的儘邊，就是利乏音谷北邊的山；又下到欣嫩谷，貼近耶布斯的南邊；又下到隱‧羅結；
17 Hanki anantetira mopamofo agema'amo'a rukrahe huno noti kaziga vuno En-Semesi uhanatiteno, vuvava huno Adumimi agonarega avugosama hunte'nere Geliloti kumate uhanatiteno, anantetira vuvava huno Rubeni nemofo Bohani havere urami'ne.
又往北通到隱‧示麥，達到亞都冥坡對面的基利綠；又下到呂便之子波罕的磐石；
18 Anantetira mago'ene mopamofo agema'amo'a vuvava huno noti kaziga Bet Araba me'nea agonarega vuteno, vuno Jodani tima enevia agupofi urami'ne.
又接連到亞拉巴對面，往北下到亞拉巴；
19 Hagi anantetira mopamofo agema'amo'a vuno Bet-Hogla noti kaziga me'nea agonarega vuteno, ugatereno kame kaziga Fri Hagerimofo noti kaziga ankenare Jodani timo'ma unefrere sauti kaziga uhanati'ne.
又接連到伯‧曷拉的北邊，直通到鹽海的北汊，就是約旦河的南頭；這是南界。
20 Hanki zage hanati kaziga omete mopamofo agema'amo'a, Jodani tinte uhanatine. E'i Benjamin naga'ma nagate nofite hu'zama erisantimahare'naza mopa ometre emetrema hu'nea agema'e.
東界是約旦河。這是便雅憫人按着宗族，照他們四圍的交界所得的地業。
21 Hanki ama'i Benjamini naga'mo'zama nagate nofite'ma hu'za eri'naza rankumatamimofo zamagi'e, Jerikogi, Bet-Hoglagi, Emek-Kezizigi,
便雅憫支派按着宗族所得的城邑就是：耶利哥、伯‧曷拉、伊麥‧基悉、
22 Bet-Arabama, Zemaraimima, Betelima,
伯‧亞拉巴、洗瑪臉、伯特利、
23 Avimima, Parama, Oframa,
亞文、巴拉、俄弗拉、
24 Kefar-Amonima, Ofninima Gebane huno me'ne. Higeno ana makara 12fu'a rankumatami megeno, ne'onse kumatamimo megagi zmantetere hu'ne.
基法‧阿摩尼、俄弗尼、迦巴，共十二座城，還有屬城的村莊；
25 Hagi ruga'a Benzameni naga'mo'zama mani'naza rankumatamimofo zamagi'a, Gibionima, Ramama, Birotima,
又有基遍、拉瑪、比錄、
26 Mispama, Kefirama, Mozama,
米斯巴、基非拉、摩撒、
27 Rekemima, Irpelima, Taralama,
利堅、伊利毗勒、他拉拉、
28 Zelama, Jebusi vahe rankuma (menina Jerusalemie nehaze) Ha-Elefima, Gibeane Kiriati rankuma'enene, ana makara 14ni'a rankumatami megeno, ne'onse kumatamimo megagi zamante'tere hu'ne. E'i Benzameni naga'mo'zama nagate nofite'ma hu'zama erisantimahare'naza mopa me'ne.
洗拉、以利弗、耶布斯（耶布斯就是耶路撒冷）、基比亞、基列，共十四座城，還有屬城的村莊。這是便雅憫人按着宗族所得的地業。
