Jovu 19

1 Hagi anante Jopu'a amanage huno Bildatina kenona hunte'ne,

Entonces Job respondió:

2 Kagra zazate nata naminka ane. Kema hana kemo'a zazate nazeri havizantfa hie.

¿Hasta cuándo afligen mi alma y me muelen con palabras?

3 Hago kagra 10ni'a zupa kefintira nazeri haviza nehunka, kefinti'ma nazeri havizama hanazankura kagazegura osane.

Ya me insultaron diez veces. ¿No se avergüenzan de ultrajarme?

4 Hagi nagrama tamagema hu'na kumi'ma hu'nesuana, kagri zana omne'neankinka e'inahu kea eme huonantegahane.

Si en verdad yo erré, mi error recae sobre mí.

5 Kagrama kagesama antahinana, nagra knare hu'noe hunka kavufga rana nehunka, nagrama knafima ufroa zankura kumi hu'nea nona'a knazana e'nerie hunka nagrikura nehane.

Pero si ustedes se engrandecen contra mí, y alegan mi oprobio contra mí,

6 Hianagi Anumzamo Agra'a nazeri haviza nehuno, kukompina navrenente.

sepan que ʼElohim me trastornó y me envolvió en su red.

7 Hanki naza hiho hu'na kezama atuana, mago vahe'mo'a ana kezankeni'a antahi onami'ne. Naza hihogu'ma nanekea huanagi, mago vahe'mo'a antahinamino nagri kaziga anteno nazahu kea osu'ne.

Ciertamente grito: ¡Violencia! Y no se me escucha. Doy voces, y no hay justicia.

8 Hagi kama vunaku'ma huankana Anumzamo maninkanirege'na kama vu'zankura huge'na, akohe'na mani'noe. Ana nehuno kana rehanintiri huno rehiza hige'na novue.

Él bloqueó mi camino para que no pase. Puso oscuridad sobre mi senda.

9 Hanki vahe'mo'zama ra nagima nenamizageno nasenire'ma kini fetori'ma anteanknama hu'neana, hagitenetreno nagaze erinami'ne.

Me despojó de mi honor y quitó la corona de mi cabeza.

10 Hagi Agra maka kaziga hazenkea namino nevige'na ome haviza hugeno, arafu'na aga'ma zafa eri tasagima hiaza huno amuha zani'a eri atrene.

Me destroza por todos lados y perezco. Arrancó mi esperanza como un árbol.

11 Ana nehuno ha' vahe'amofoma hiaza huno nagri'ma arimpa ahenante'nea zamo'a teve rukru hu'ne.

Su ira se encendió contra mí. Me considera su enemigo.

12 Hagi sondia vahe'amo'za eritru hu'za hahunante'naku kana nevarize. Ana nehu'za ana maka sondia vahe'amo'za seli noni'a avazagi kanegize.

Llegaron sus tropas unidas, se atrincheran contra mí y acamparon alrededor de mi vivienda.

13 Anumzamo'a naga'ni'a zamavare afete'are nezmanteno, roneni'aramina zamazeri ha' vahe'ni'a sege'za hara renenantaze.

Alejó a mis hermanos de mí. Mis conocidos, como extraños, se apartaron de mí.

14 Hagi naga'nimo'za nenatrazageno, navate aronenimo'za zamage'akaninantaze.

Me fallaron mis parientes, me olvidan mis amigos.

15 Hagi nagri nompima nemaniza vahe'mo'zane, eri'za a'nemo'zanena kasefa vahe'ma zamagazankna hu'za nenagaze. Nagra zamagri zamavurera ruregati vahekna hue.

Los que viven en mi casa y mis esclavas me miran como extraño. Soy forastero ante ellos.

16 Hanki eri'za vahe'nigu'ma kema nehugeno'a, ke'ni'a antahinonamie. E'ina hige'na eri'za vahe'nimo'ma ke'nima antahinogura mago'ane kea hu agesa nehuanagi, eme onage'ne.

Llamo a mi esclavo, y no responde. Con mi propia boca tengo que rogarle.

17 Nagi'ma aka hu'na kema nehugeno evia himnagura a'nimofona amuti agesa higeno, tusi avresra hunenantegeno, nafuhe'za tusi zamavesra hunantaze.

Mi aliento fue repulsivo a mi esposa y odioso ante mis propios hermanos.

18 Ne'one mofavreramimo'zanena tusi zamavaresra hunante'za huhaviza hunenantaze. Ana nehu'za kema huzmi'zama nehuge'za zamefi hunenamize.

Hasta los niños me desprecian, y al levantarme hablan contra mí.

19 Hanki navate aronenimo'za zamagote'za zamavesra hunenantazageno, nagrama navesi nezmantoa vahe'mo'za zamefi hunenamize.

Todos mis amigos íntimos me aborrecen. Los que yo amaba se volvieron contra mí.

20 Na'ankure navufgamo'a zaferinanire akamarege'na, fri' avamente e'noanagi ofri'noe.

Mi piel y mi carne se pegan a mis huesos, y quedé solo con la piel de mis dientes.

21 Hanki aronenimota tamasunku hunanteho. Na'ankure Anumzamo'a Agra'a azanu knazana namino, nazeri haviza nehie.

Ustedes, amigos míos, tengan compasión de mí. Porque me golpeó la mano de ʼElohim.

22 Hagi tamagra nagafare Anumzamo'ma hiazana huta, nazeri havizana nehaze? Nahigeta nazeri haviza huvava huta nevaze?

¿Por qué me persiguen como ʼElohim, y no se sacian de escarnecerme?

23 Hagi nagrama nagesama antahuana, nanekeni'a avontafepi krentege, mago'a zante'ma hanagati'za krentege,

¡Ojalá mis palabras fueran escritas! ¡Ojalá fueran escritas en un rollo!

24 havere'ma eri vakiki'za krentege'ma hazageno meno viresina knare hisine.

¡Que fueran talladas con cincel de hierro y plomo para siempre en la roca!

25 Hianagi nagra antahi'noe, nagu'vazino ete Navre Nera mani'neankino, magokna nagri kaziga eme anteno keagani'a naza huno eri fatgo hugahie.

Yo sé que mi Redentor vive, y al fin se levantará sobre el polvo,

26 Hanki fri'nugeno navufgamo'a kasrigahianagi, ama ana navufgare mani'ne'na Anumzani'a kegahue.

Después de deshecha mi piel, en mi carne veré a ʼElohim,

27 Nagra navufinti Anumzanimofona kegahue. Nagra navufinti'ma kesua zankura tusiza huno nave'nesie.

a Quien veré por mí mismo. Mis ojos lo verán, y no los de otro. Mi corazón desfallece dentro de mí.

28 Hanki nagafare nazeri havizahu kea hunka, agra hu'nea kefo avu'ava'mo higeno hazenkefina nemanie hunka nehane.

Porque si la raíz de mi situación está en mí mismo, entonces, ¿por qué dicen ustedes: Persigámoslo?

29 Hianagi ana nanekekamo'ma hazenkema avreno'ma kagrite'ma esia zankura korora nosane. Na'ankure bainati kazinteti kagrira hazenkea kaminigenka kagrama kenka antahinka hanana, fatgo huno refko nehie hunka antahigahane.

¡Teman ustedes ante la espada! Porque llenos de ira están los castigos de la espada, para que sepan que hay un juicio.