Izikeli 8
1 Hagi namba 6si kafumofona namba 6si ikantera 5fu knazupa, Juda vahemokizmi ugagota vahe'tmina navuga manizage'na noni'afina mani'nogeno Ra Anumzamofo azamo'a nagrira nazerigeno hanave'amo'a nagrite e'ne.
六年六月五日，當我坐在我屋內，猶大的長老門坐在我面前時，吾主上主的手臨於我。
2 Ana hige'na koana vahe amema'agnaza ke'noe. Hagi ana vahe amema'agna zagamofo afafaretima urami'nefina teve anefakna higeno, afafareti'ma mareri anagamuma atre'nea avufgamo'a, ainireti'ma hiaza huno tusi tampretampare huno masanentake hu'ne.
我觀望，看，有一個形像，形狀如人，在他相似腰部的下面，有一團火，在他腰部的上面好像有一道光輝，像發亮的金屬。
3 Hagi ana vahekna zagamo'a azana rusuteno naseni nazokate nazeritege'na ava'nagnaza kogeno, Avamu'mo'a navresga huno monane mopane amu'nompi vuno, Jerusalemi mono kumapima unefraza kafama noti kazigama avugosama hunte'nerema havi anumzamofo amema'ama tro huntazageno me'neno Anumzamofoma azeri arimpama nehegeno kanivema nerere navareno vu'ne.
他伸出一隻像手的形狀，抓住我的一綹頭髮，有一種神力把我提到天地之間，在神視中將我提往耶路撒冷去，到了內門的北門門口，在那裏供奉著引起上主妒火的偶像。
4 Anante'ma vu'nama koana navuga Israeli vahe Anumzamofo himamu masa'a Kebar timofo tavaonte'ma me'nege'nama ke'noankna huno me'nege'na kogeno,
在那裏出現了以色列天主的光榮，相似我在平原所見的異像。
5 Anumzamo'a nagrikura amanage hu'ne, Vahe'mofo mofavremoka noti kaziga kavua ko. Anage hige'na noti kaziga navua kesga hu'na kogeno, noti kazigama kuma kafa tava'onte'ma kresramna vu itama me'nea tava'ontera havi anumzamofo amema'a me'negeno, Anumzamo'ma arimpagu'ma nehuno kanivema nerea havi anumzamofo amema'a me'negena ke'noe.
他向我說：「人子，舉目向北方看! 」我遂舉目向北方看；看見在靠近祭壇的北門門口，有那引起上主妒火的偶像。
6 Anama negogeno'a Anumzamo'a amanage hu'ne, Vahe'mofo mofavremoka, Israeli vahe'mo'zama kasrino hi'mnagema hu'nea avu'ava'ma nehu'za mono noni'afinti'ma afete'ma nahenati netrazana negampi? Hianagi ete mago'ene tusi'a hi'mnage huno kasri avu'ava zana kegahane.
他又向我說：「人子，你看他們作的是什麼﹖以色列家族在這裏所行的極其醜惡之事，使我非離開我的聖所不可，但你還要看見更為醜惡的事。」
7 Hagi anantetira mono kumamofo kafante navareno vige'na koana, ana kumamofo have keginafina mago kamo hagro hunege'na ke'noe.
以後，他引我到外院的大門口，我看見在牆上有一個洞。
8 Negogeno Anumzamo'a amanage hu'ne, Vahe'mofo mofavremoka, have keginafima hagro hu'negenkama ke'nana kana kafio higena kafina koana mago kafa me'negena ke'noe.
他向我說：「人子，把這牆穿一個洞! 」我遂在牆上穿了一個洞，出現了一道門。
9 Anama negogeno'a Anumzamo'a anage huno nasami'ne, Vunka agu'a ufrenka kasrino hi'mnage'ma hu'nea avu'avazama nehaza zantamina ko!
他又向我說：「你進去看一看他們在那裏所做的窮凶極惡的醜行。」
10 Hige'na anampinkama ufre'na koana, ana nomofo agu'afina rugaraga asoparega ruzahu ruzahu zagama zamasaguregati'ma regrarohe'zama vanoma nehaza zagaramimofo amema'ane, agru osu zagaramimofo amema'aramine, Israeli vahe'moma kaza osu havi anumzama mono'ma hu'nentaza anumzantmimofo amema'aramine tro hunte'za evu'nazage'na ke'noe.
我便進去，看見有各種爬蟲和走獸的像，都是可憎惡的；還有以色列家的各種偶像，都刻畫在四周的牆上。
11 Hagi ana zamofo zamavuga Israeli ranra vahera 70'a otizageno, Safani nemofo Zasania'a amunoznifina oti'nege'na ke'noe. Hagi ana 70'a vahe'mo'za, mananentake'za negraza zuompa zamazampi eritere hu'za oti'nageno tevegumo'a zamasenirega marenerige'na ke'noe.
以色列家族的七十長老，沙番的兒子雅匝尼雅也在他們中間，都站在那些像前，每人手中拿著香爐，燒的香煙如濃雲，正在上騰。
12 Hagi anante Anumzamo'a amanage huno nasami'ne, Vahe'mofo mofavremoka, mago mago Israeli ranra vahe'mo'za'ma hanimpima keonke zagaramimofo amema'ama tro'ma hunte'nazafinkama nehaza avu'ava zana negano? Na'ankure zamagra hu'za Ra Anumzamo'a ama mopa amagena humi'neankino nontage hu'za nehaze!
他對我說：「人子，你看見了以色列的長老在黑暗中，每人在藏神像的暗室中所行的事嗎﹖他們說：上主看不見我們，上主已離棄了此地。」
13 Anage nehuno amanage huno nasmi'ne, Menina mago'ane tusiza huno kasrino havizanfta hu'nea avu'ava nehanagenka zamagegahane.
他又向我說：「你還要看見他們所行的更醜惡的事。」
14 Anage nehuno navareno Ra Anumzamofo mono nomofona noti kaziga kafante vige'na, koana anampinka a'neramimo'za Tamusi havi anumzankura tusi zavi netazage'na ke'noe.
以後，他引我到了上主的聖殿朝北的大門口。看，有些婦女坐在那裏，哀悼塔慕次。
15 Anama negogeno'a Anumzamo'a amanage huno nasami'ne, Vahe'mofo mofavremoka, ama zana negano? Hianagi menina mago'ane kasrino havizanfta hu'nea avu'ava zana kaveri hugahue.
他向我說：「人子，你看見了嗎﹖但你還要看見比這更醜惡的事。」
16 Anage nehuno navareno Ra Anumzamofo nomofona agu'afinka ufrege'nama koana, Ra Anumzamofo mono nomofo kafantera ko noma kinte'naza nomofone, kresramnama vu itamofo amu'nompina 25'a venenemo'za ana mono nona zamefi humiza zage hanati kaziga zamavugosa huntene'za kepri hu'za zagemofonte monora hunentazage'na ke'noe.
以後，他引我到了上主聖殿的內庭院內；看，在上主聖所的門口，在走廊和祭壇中間約有二十五個人，背向上主的聖所，面向東方，他們正在向東方朝拜太陽。
17 Anama negogeno'a Anumzamo'a huno, Vahe'mofo mofavremoka negano? Juda vahe'mo'za kasrino haviza hu'nea kefo avu'ava'ma nehazana, kagrama antahinana osi'za nehazafi? Hagi zamagra ana nehu'za ama mopafi vahe'ma ha'ma omerente emerente nehu'za, ohefri ahefri hu avu'avaza hu'za ama mopa eri antevite'za nazeri narimpa ahe'za nehazo? Ko, zamagra kefo avu'ava'ma nehaza zamo'a, Nagrira antahionami'za zafa azankuna hantagi'za zamagonare antazankna nehaze.
他又向我說：「人子，你看見了嗎﹖在這裏行的這些醜惡之事，為猶大家還不夠嗎﹖他們還將此地充滿了殘暴之事，時時惹我忿怒。看，他們還把枝條舉到自己鼻子上。
18 E'ina hu'negu tusi narimpa ahezmante'na zamazeri haviza hugahue. Hagi nasunkura huzmante'na magomofona otregahue. Antahina zamazama hanuegu'ma ranke hu'za kezankea hugahazanagi, kezankezmia ontahigahue.
我必大發憤怒，我的眼決不憐視，一點也不顧惜；極使他們在我耳旁高聲喊叫，我仍不俯聽他們。」
