Dagiti Salmo 44
1 Nangngegmi babaen kadagiti lapayagmi, O Dios, imbaga dagiti ammami kadakami dagiti trabaho nga inaramidmo kadagidi aldawda, idi un-unana nga aldaw.
For the Chief Musician. By the sons of Korah. A contemplative psalm. We have heard with our ears, God; our fathers have told us what work you did in their days, in the days of old.
2 Pinapanawmo dagiti nasion babaen kadagiti imam ngem inmulam dagiti tattaomi, pinarigatmo dagiti tattao, ngem inwarasmo dagiti tattaomi iti daga.
You drove out the nations with your hand, but you planted them. You afflicted the peoples, but you spread them abroad.
3 Ta saanda a naala ti daga a kas sanikuada babaen iti bukodda a kampilan, wenno insalakan man ida ti bukodda a takkiag; ngem ti makannawan nga imam, ti takkiagmo, ken ti raniag ti rupam, gapu ta immanamongka kadakuada.
For they didn’t get the land in possession by their own sword, neither did their own arm save them; but your right hand, your arm, and the light of your face, because you were favorable to them.
4 O Dios, Sika ti Arik; iyegmo ti balligi kenni Jacob.
God, you are my King. Command victories for Jacob!
5 Babaen kenka ipababami dagiti kabusormi; babaen iti naganmo, ibaddekminto ida, dagiti tumakder a bumusor kadakami.
Through you, we will push down our adversaries. Through your name, we will tread down those who rise up against us.
6 Ta saanakto nga agtalek iti panak, wenno isalakannak man ti kampilanko.
For I will not trust in my bow, neither will my sword save me.
7 Ngem insalakannakami manipud kadagiti kabusormi, ken imbabainmo dagiti manggurgura kadakami.
But you have saved us from our adversaries, and have shamed those who hate us.
8 Iti Dios nagpannakkelkami nga agmalmalem, ken agyamankami iti naganmo iti agnanayon. (Selah)
In God we have made our boast all day long. We will give thanks to your name forever. (Selah)
9 Ngem ita, imbelleng ken imbabainnakami, ken saankan a kumuykuyog kadagiti mannakigubatmi.
But now you rejected us, and brought us to dishonor, and don’t go out with our armies.
10 Inaramidmo nga agsanudkami manipud iti kabusor; ken samsamandakami dagiti manggurgura kadakami.
You make us turn back from the adversary. Those who hate us take plunder for themselves.
11 Pinagbalinnakami a kasla karnero a naisagana a taraon, ket inwarasnakami kadagiti nasion.
You have made us like sheep for food, and have scattered us among the nations.
12 Ilakom dagiti tattaom para iti awan; saanmo a nanayonan ti kinabaknangmo babaen ti panangaramid iti dayta.
You sell your people for nothing, and have gained nothing from their sale.
13 Pinagbalinnakami a tubngar kadagiti kaarrubami, angawen ken laisendakami dagiti adda iti aglawlawmi.
You make us a reproach to our neighbors, a scoffing and a derision to those who are around us.
14 Inaramidnakami a pagkakatawaan dagiti nasion, a pagwingiwingan ti ulo dagiti tattao.
You make us a byword among the nations, a shaking of the head among the peoples.
15 Agmalmalem nga adda iti sangoanak ti pannakaibabainko, inabbongannak ti bain iti rupak
All day long my dishonor is before me, and shame covers my face,
16 gapu iti timekna a mangtubtubngar ken manglalais, gapu iti gumurgura ken ti kabusor.
at the taunt of one who reproaches and verbally abuses, because of the enemy and the avenger.
17 Immay amin daytoy kadakami; nupay kasta, saandaka a nalipatan wenno sinalungasing ti tulagmo.
All this has come on us, yet we haven’t forgotten you. We haven’t been false to your covenant.
18 Saan a timmallikod ti pusomi; saan nga immadayo iti dalanmo dagiti addangmi.
Our heart has not turned back, neither have our steps strayed from your path,
19 Ngem nakaro ti panangburakmo kadakami iti ayan dagiti narungsot nga ayup ken inabbongannakami iti anniniwan ti patay.
though you have crushed us in the haunt of jackals, and covered us with the shadow of death.
20 No nalipatanmi ti nagan ti Diosmi wenno ingatomi dagiti imami iti sabali a dios,
If we have forgotten the name of our God, or spread out our hands to a strange god,
21 saanto kadi a sukimaten ti Dios daytoy? Ta ammona dagiti palimed ti puso.
won’t God search this out? For he knows the secrets of the heart.
22 Kinapudnona, agmalmalem a mapappapataykami gapu iti naganmo; Naibilangkami a kasla karnero a maparti.
Yes, for your sake we are killed all day long. We are regarded as sheep for the slaughter.
23 Agriingka, apay a matmaturogka, O Apo? Bumangonka, saannakami nga ilaksid iti agnanayon.
Wake up! Why do you sleep, Lord? Arise! Don’t reject us forever.
24 Apay nga ilingedmo ti rupam ket lipatem ti pannakaparparigat ken pannakaidadanesmi?
Why do you hide your face, and forget our affliction and our oppression?
25 Ta narunawkami iti katapukan; naiyasideg ti bagimi iti daga.
For our soul is bowed down to the dust. Our body clings to the earth.
26 Bumangonka ta tulongannakami ket subbotennakami maigapu iti kinapudnom iti tulagmo.
Rise up to help us. Redeem us for your loving kindness’ sake.
