Dagiti Salmo 146

1 Idaydayawyo ni Yahweh. O kararuak, idaydayawmo ni Yahweh.

Praise JAH. Praise YHWH, my soul.

2 Idaydayawko ni Yahweh agingga a sibibiagak; Agkantaak kadagiti pammadayaw iti Diosko agingga nga addaak.

While I live, I will praise YHWH. I will sing praises to my God as long as I exist.

3 Dika agtalek kadagiti prinsipe wenno kadagiti tattao, a kadakuada ket awan iti pannakaisalakan.

Do not put your trust in princes, each a son of man in whom there is no help.

4 Inton agsardeng ti anges ti biag ti maysa a tao, agsubli isuna iti daga; iti dayta nga aldaw, aggibusen dagiti panggepna.

His spirit departs, and he returns to the earth. In that very day, his thoughts perish.

5 Nagasat ti tao nga adda kenkuana ti Dios ni Jacob a mangtultulong kenkuana, nga adda kenni Yahweh a Diosna ti namnamana.

Blessed is the one who has the God of Jacob for his help, whose hope is in YHWH his God,

6 Inaramid ni Yahweh ti langit ken daga, ti baybay, ken amin nga adda kadagitoy; salsalimetmetanna ti kinamatalekna iti agnanayon.

who made heaven and earth, the sea, and all that is in them; who keeps truth forever;

7 Ipatpatungpalna ti hustisia kadagiti maidaddadanes ken mangmangted iti taraon kadagiti mabisin. Wayawayaan ni Yahweh dagiti balud;

who executes justice for the oppressed; who gives food to the hungry. YHWH frees the prisoners.

8 Lukluktan ni Yahweh ti mata dagiti bulsek; Itagtag-ay ni Yahweh dagiti maup-upay; Ay-ayaten ni Yahweh dagiti nalinteg a tattao.

YHWH opens the eyes of the blind. YHWH raises up those who are bowed down. YHWH loves the righteous.

9 Salsalakniban ni Yahweh dagiti ganggannaet iti daga; itagtag-ayna dagiti ulila ken balo, ngem laplapdanna dagiti nadangkes.

YHWH preserves the foreigners. He upholds the fatherless and widow, but the way of the wicked he turns upside down.

10 Agturay ni Yahweh iti agnanayon, ti Diosmo, O Sion, kadagiti amin a henerasion. Idaydayawyo ni Yahweh.

YHWH will reign forever; your God, O Zion, to all generations. Praise JAH.