Abụ Ọma 130

1 Abụ nrigo. O Onyenwe anyị, ọ bụ site nʼebe dị omimi ka m na-ebeku gị akwa.

Out of the depths have I cried to you, O LORD.

2 Onyenwe anyị, nụrụ olu m. Ka ntị gị na-aṅakwa ntị nʼolu arịrịọ m, maka amara.

Lord, hear my voice: let your ears be attentive to the voice of my supplications.

3 O Onyenwe anyị, a sị na i detuo mmehie niile, Onyenwe anyị, onye pụrụ iguzo?

If you, LORD, should mark iniquities, O Lord, who shall stand?

4 Ma ọ bụ nʼaka gị ka mgbaghara mmehie dị; ime ka anyị tụọ gị egwu, ma jeere gị ozi.

But there is forgiveness with you, that you may be feared.

5 Ana m echere Onyenwe anyị, mkpụrụobi m na-echekwa ya, ọ bụ nʼokwu ya ka olileanya m dị.

I wait for the LORD, my soul does wait, and in his word do I hope.

6 Mkpụrụobi m na-echere Onyenwe anyị karịa ndị nche abalị na-echere chị ọbụbọ, e, karịa ndị nche abalị na-echere chị ọbụbọ.

My soul waits for the Lord more than they that watch for the morning: I say, more than they that watch for the morning.

7 Ndị Izrel, ka olileanya unu dịrị na Onyenwe anyị, nʼihi na ịhụnanya ya na-adịgide adịgide, nʼaka ya ka nzọpụta zuruoke dịkwa.

Let Israel hope in the LORD: for with the LORD there is mercy, and with him is plenteous redemption.

8 Ya onwe ya, ga-agbapụta Izrel site na mmehie ya niile.

And he shall redeem Israel from all his iniquities.