Maika 7
1 Ahụhụ dịrị m! Adị m ka onye na-achịkọta mkpụrụ osisi vaịnị nʼọkọchị, mgbe a ghọkọtachara mkpụrụ dị nʼubi vaịnị. O nweghị ụyọkọ mkpụrụ vaịnị ọbụla fọdụrụ nke e nwere ike ịta, o nwekwaghị mkpụrụ fiig buru ụzọ chaa nke agụ ya na-agụsị m ike
哀哉！我好像夏天的果子已被收盡， 又像摘了葡萄所剩下的， 沒有一掛可吃的； 我心羨慕初熟的無花果。
2 Ndị ezi omume agwụla nʼụwa, ọ dịkwaghị otu onye na-eme ihe ziri ezi fọdụrụ. Ha niile na-echere oghere ịkwafu ọbara, ha ji ụgbụ na-achụta nta, onye ọbụla na-achụ ụmụnne ya.
地上虔誠人滅盡； 世間沒有正直人； 各人埋伏，要殺人流血， 都用網羅獵取弟兄。
3 Ọrụ nke aka ha abụọ na-arụpụta nke ọma bụ ajọ omume. Onyeisi na-ana onyinye, onye ọkaikpe na-eri ngarị, ndị dị ike na-atụpụta ihe masịrị ha, si otu a na-akpagbu eziokwu.
他們雙手作惡； 君王徇情面，審判官要賄賂； 位分大的吐出惡意， 都彼此結聯行惡。
4 Onye nke kachasị ibe ya ịdị mma nʼime ha dịka uke. Onye nke na-eme ihe ziri ezi nʼime ha jọrọ njọ karịa ogige ogwu. Ma ugbu a, ụbọchị Chineke na-eleta gị abịala, ụbọchị ahụ ndị nche gị na-akụ ekwe ịdọ aka na ntị. Ugbu a bụ oge ihe ịgba gharịị nye ha.
他們最好的，不過是蒺藜； 最正直的，不過是荊棘籬笆。 你守望者說，降罰的日子已經來到。 他們必擾亂不安。
5 Ekwenyerela onye agbataobi gị, atụkwasịla onye bụ ezi enyi gị obi. Kpachara anya gị, nʼihe gbasara okwu ọnụ gị, ọbụla dị nʼebe nwunye gị nọ.
不要倚賴鄰舍； 不要信靠密友。 要守住你的口； 不要向你懷中的妻提說。
6 Nʼihi na nwa na-elelị nna ya anya. Nwa nwanyị na-ebili megide nne ya. Nwunye nwa megidekwa nne di ya, ndị iro mmadụ bụ ndị ezinaụlọ ya.
因為，兒子藐視父親； 女兒抗拒母親； 媳婦抗拒婆婆； 人的仇敵就是自己家裏的人。
7 Ma mụ onwe m, ana m ele Onyenwe anyị anya nʼihi inyeaka ya. Eji m olileanya na-echere Chineke Onye nzọpụta m. Chineke m ga-anụ olu m.
至於我，我要仰望耶和華， 要等候那救我的上帝； 我的上帝必應允我。
8 Achịkwala m ọchị gị onye iro m. Mgbe m dara, aga m ebilitekwa. Mgbe m nọ nʼime ọchịchịrị, Onyenwe anyị nʼonwe ya ga-abụ ihe m.
我的仇敵啊，不要向我誇耀。 我雖跌倒，卻要起來； 我雖坐在黑暗裏， 耶和華卻作我的光。
9 Nʼihi na m emehiela megide ya, aga m anabatara onwe m ahụhụ nke ọnụma Onyenwe anyị, tutu ruo mgbe ọ ga-ekpe ikpe m, mee ka m guzosie ike. Ọ ga-akpọpụta m nʼìhè; aga m elekwasịkwa ezi omume ya anya.
我要忍受耶和華的惱怒； 因我得罪了他， 直等他為我辨屈，為我伸冤。 他必領我到光明中； 我必得見他的公義。
10 Mgbe ahụ, ndị iro m ga-ahụ, ihere ga-ekpuchi onye ahụ sịrị m, “Olee ebe Onyenwe anyị Chineke gị ahụ nọ.” Aga m eji anya m hụ mgbe ọ ga-ada, ọ bụladị dịka e si na-azọ ya ụkwụ, dịka apịtị dị nʼokporoụzọ.
那時我的仇敵， 就是曾對我說「耶和華－你上帝在哪裏」的， 他一看見這事就被羞愧遮蓋。 我必親眼見他遭報； 他必被踐踏，如同街上的泥土。
11 Ụbọchị a ga-ewugharị mgbidi gị niile na-abịa; ụbọchị a ga-eme ka oke ala gị saa mbara.
以色列啊，日子必到， 你的牆垣必重修； 到那日，你的境界必開展。
12 Nʼụbọchị ahụ, ha ga-abịakwute gị, site na Asịrịa ruo na obodo niile nke Ijipt, sitekwa nʼIjipt ruo Yufretis, site nʼosimiri ruo osimiri, sitekwa nʼugwu ruo nʼugwu.
當那日，人必從亞述， 從埃及的城邑， 從埃及到大河， 從這海到那海， 從這山到那山， 都歸到你這裏。
13 Ma ụwa ga-aghọ ebe tọgbọrọ nʼefu nʼihi ndị bi nʼime ya, iji kwụọ ha ụgwọ ihe ọjọọ niile ha mere.
然而，這地因居民的緣故， 又因他們行事的結果，必然荒涼。
14 Were mkpanaka gị zụọ ndị gị, bụ igwe ewu na atụrụ nke ihe nketa gị, ndị bi naanị ha nʼoke ọhịa, nʼebe ịta nri nke ahịhịa ndụ jupụtara. Kwere ka ha taa ahịhịa ndụ nke Bashan, na nke Gilead, dịka na mgbe ochie.
求耶和華在迦密山的樹林中， 用你的杖牧放你獨居的民， 就是你產業的羊群。 求你容他們在巴珊和基列得食物，像古時一樣。
15 “Dịka nʼụbọchị ahụ unu sitere nʼIjipt pụta, aga m egosi ha ọrụ ịtụnanya m niile.”
耶和華說： 我要把奇事顯給他們看， 好像出埃及地的時候一樣。
16 Mba dị iche iche ga-ahụ ya, ihere ga-emekwa ha, nʼime ịdị ike ha niile. Ha ga-ekpuchi aka nʼọnụ ha, ntị ga-echikwa ha.
列國看見這事就必為自己的勢力慚愧； 他們必用手摀口，掩耳不聽。
17 Ha ga-aracha aja dịka agwọ, na dịka anụ dị iche iche, nke na-akpụ akpụ nʼala. Ha ga-eji ịma jijiji si nʼebe ha e wusiri ike pụta. Nʼihi egwu ha, ha ga-abịakwute Onyenwe anyị bụ Chineke anyị. Ha ga-atụkwa egwu gị.
他們必舔土如蛇， 又如土中腹行的物， 戰戰兢兢地出他們的營寨。 他們必戰懼投降耶和華， 也必因我們的上帝而懼怕。
18 Onye bụ chi ahụ dịka gị, nke na-agbaghara ma na-ehichapụ mmehie na njehie nke ndị fọdụrụ afọdụ nʼetiti ihe nketa gị? Ị naghị anọgide na-ewe iwe ruo mgbe ebighị ebi, kama ị bụ onye ọ na-atọ ụtọ inwe obi ebere.
上帝啊，有何神像你，赦免罪孽， 饒恕你產業之餘民的罪過， 不永遠懷怒，喜愛施恩？
19 Ọ ga-emekwara anyị ebere ọzọ. Ọ ga-azọdakwa mmehie anyị nʼokpuru ukwu ya, Ị ga-atụbakwa mmehie anyị niile nʼebe dịkarịsịrị omimi nke oke osimiri.
必再憐憫我們， 將我們的罪孽踏在腳下， 又將我們的一切罪投於深海。
20 Ị ga-egosi Jekọb ntụkwasị obi, gosikwa Ebraham ịhụnanya gị, dịka ị ṅụọrọ nna nna anyị ha nʼiyi, site na mgbe ochie.
你必按古時起誓應許我們列祖的話， 向雅各發誠實， 向亞伯拉罕施慈愛。
