איוב 33

1 ואולם שמע נא איוב מלי וכל דברי האזינה׃

Hianagi menina Jopuga kagesa antenka mani'nenka nagrama maka nanekema hanuana antahio.

2 הנה נא פתחתי פי דברה לשוני בחכי׃

Nagra menina ete nagira reaka hu'na nanekea agafa hu'za hue.

3 ישר לבי אמרי ודעת שפתי ברור מללו׃

Nagrama hanua nanekea fatgo nagu'areti hugahuanki'na, tamage naneke hugahue.

4 רוח אל עשתני ונשמת שדי תחיני׃

Anumzamofo Avamu'mo nagrira tro hunantegeno, Hankavenentake Anumzamo nasimura namige'na kasefara hu'na mani'noe.

5 אם תוכל השיבני ערכה לפני התיצבה׃

Kagra Jopugama knare'ma hu'nesunka, nagrama keagama nehanugenka, kagra kazigatira antahintahia hutenka, nagri kerera kenona hunanto.

6 הן אני כפיך לאל מחמר קרצתי גם אני׃

Kama antahio, kagrane nagranena Anumzamofo suza mani'no'ankino, nagri'enena higo mopa erino tro hunante'ne.

7 הנה אמתי לא תבעתך ואכפי עליך לא יכבד׃

E'ina hu'negu nagrikura korora osuo. Na'ankure nagrama hanua nanekemo'a tusi knazana kamino kazeri korora osugahie.

8 אך אמרת באזני וקול מלין אשמע׃

Nagra nentahugenka maka nanekema hu'nampina hankavetinka kehara re'nane.

9 זך אני בלי פשע חף אנכי ולא עון לי׃

Kagra Jopuga hunka, nagra agru hugeno kumi'ni'ane hazenke'ni'anena omnegena ke'ni'a omne vahe mani'noe hunka hu'nane.

10 הן תנואות עלי ימצא יחשבני לאויב לו׃

Hianagi Anumzamo'a ha' vahe'arema nehiaza hunenanteno, kefo zamavu'ava'zama nehaza vahe'ma zamazeri havizama nehiaza huno nazeri haviza nehie hunka hu'nane.

11 ישם בסד רגלי ישמר כל ארחתי׃

Hagi vahe'ma kinama hunezmantaza zafafi nagia erinteno Anumzamo'a kina hunante'neno, kama vanoma hufina avua anteno nenage hu'nane.

12 הן זאת לא צדקת אענך כי ירבה אלוה מאנוש׃

Hianagi Jopuga havige hu'nananki'na kaveri hugahue. Na'ankure maka ama mopafi vahera Anumzamo'a zamagatere'ne.

13 מדוע אליו ריבות כי כל דבריו לא יענה׃

Ana hu'neanki kagra nagafare Anumzanena kehara renka, na'a higeno vahe'ma zamaza hinogu'ma kema nehazageno'a, kenona'a Anumzamo'a hunozmante hunka nehane.

14 כי באחת ידבר אל ובשתים לא ישורנה׃

Hianagi Anumzamo'a ruzahu ruzahu kampinti vahera keaga huneramianagi, Agri kea tagra keta antahita nosune.

15 בחלום חזיון לילה בנפל תרדמה על אנשים בתנומות עלי משכב׃

Kenage'ma nompi masenonkeno, ava'nafine ava'nagna zampine Anumzamo'a nanekea eme nerasamie.

16 אז יגלה אזן אנשים ובמסרם יחתם׃

Hagi mago'a kenagera zmagesafi sumi huno koro kema zmasamiazamo, zamazeri korora nehie.

17 להסיר אדם מעשה וגוה מגבר יכסה׃

Anumzamo'ma e'inahu'ma nehiana, kefo avu'ava'zane avufgama erisgahu zane atreta tamagu'a rukrahe hiho huno anara nehie.

18 יחשך נפשו מני שחת וחיתו מעבר בשלח׃

Hagi zamagra friza fri vahe kumatega ovanaze huno Anumzamo'a kegava hunezmante.

19 והוכח במכאוב על משכבו וריב עצמיו אתן׃

Hagi mago'a zupa zamagrama hu'naza kumite Anumzamo'a knazana zamige'za kri tafetera mase'nazageno, zaferina zamifintira zamata kri vava nehie.

20 וזהמתו חיתו לחם ונפשו מאכל תאוה׃

Ana hu'neankino ne'zana one agesa higeno, knare'nare ne'zama kre'za e'naza ne'zanena none.

21 יכל בשרו מראי ושפי עצמותיו לא ראו׃

Hanki ana vahe'mofo zamavufagamo'a zaferinare akamaregeno, zaferina zamimo'a amate fore nehie.

22 ותקרב לשחת נפשו וחיתו לממתים׃

Ana vahe'mokizmi fri'zamo'a tavaonte megeno, vahe'ma ahefri ankeromo'a zamavega anteno mani'ne.

23 אם יש עליו מלאך מליץ אחד מני אלף להגיד לאדם ישרו׃

Hianagi 1tauseni'a ankero vahepinti mago ankeromo agri'ma azama hanigu amu'nonte otino mani'neno agri avu'avazama huama huno, agra fatgo hu'ne huno'ma hiresina knare hisine.

24 ויחננו ויאמר פדעהו מרדת שחת מצאתי כפר׃

Hanki ana ankeromo'ma ana vaheku'ma asunku'ma hunenteno'a amanage hiresine. Fri vahe kumapintira agu vazio. Na'ankure ana vahe'ma mizama seno ete zamavare kana ko ke'na erifore hu'noe.

25 רטפש בשרו מנער ישוב לימי עלומיו׃

Hagi ana ne'mofo avufgamo'a knare zantfa huno osi mofavre'mofo avufgamo'ma hiaza nehanigeno, ko'ma kasefa vahe'ma mani'negeno'ma avufgamo'ma knare'ma huno me'neaza hugahie.

26 יעתר אל אלוה וירצהו וירא פניו בתרועה וישב לאנוש צדקתו׃

Ana nehanigeno ana ne'mo'ma Anumzamofonte'ma nunamu hanigeno'a, Anumzamo'a muse huno nevre'nigeno agra Anumzamofo avufi negeno musena hugahie.

27 ישר על אנשים ויאמר חטאתי וישר העויתי ולא שוה לי׃

Ana'ma hanigeno'a ana nemo'a rone'amokizmia huama'ma huno zamasamisniana, nagra tamage kemofona eri rukrahe hu'na havige nehu'na kumi hu'noe. Hianagi Anumzamo'a nahe frigaragi kumini'a atrenanteno nahe ofri'ne.

28 פדה נפשי מעבר בשחת וחיתי באור תראה׃

Ana nehuno fri vahe kumapinti Anumzamo'a ete nagu'vazino navre'ne. Ana hu'negu hu'na menina ofri kasefa hu'na mani'nena masa negoe.

29 הן כל אלה יפעל אל פעמים שלוש עם גבר׃

Tamagerfa huno maka zupa e'inahu avu'ava'zana Anumzamo'a vahe'mokizmia huzmanteneno, anahu avu'avara huno nevie.

30 להשיב נפשו מני שחת לאור באור החיים׃

Fri vahe kumapinti ete zamagu vazino zamavare'negu hu'za, ofri kasefa hu'za mani'ne'za asimu erino mani'zamofo masarera mani'za nevaze.

31 הקשב איוב שמע לי החרש ואנכי אדבר׃

E'ina hu'negu mago'ene keaga kasamigahuanki Jopuga akohenka mani'nenka kagesa antenka antahi so'e huo.

32 אם יש מלין השיבני דבר כי חפצתי צדקך׃

Hianagi kagrama mago'a nanekema hunaku'ma hanunka, amne hananke'na antahigahue. Na'ankure nagri'ma nave'nesiana, vahe'mo'za kagri'ma ke'za antahi'zama hanazana ke'a omne'nea ne' mani'ne hu'za hanazegu nave'nesie.

33 אם אין אתה שמע לי החרש ואאלפך חכמה׃

Hianagi kagripima mago'a nanekema omane'nesiana, kagra akohenka mani'nenka, nagrama knare antahi'zama rempi hugamisuana antahio.