איכה 3
| אני הגבר ראה עני בשבט עברתו | 1 |
Ako ang tawo nga nakakita sa kaalaotan sa bunal sa kapungot ni Yahweh.
| אותי נהג וילך חשך ולא אור | 2 |
Gipahilayo niya ako ug gipalakaw sa kangitngit kay sa kahayag.
| אך בי ישב יהפך ידו כל היום | 3 |
Sigurado gayod nga gihimo niya ako nga kaaway; gidagmalan niya ako sa iyang kamot sa tibuok adlaw.
| בלה בשרי ועורי שבר עצמותי | 4 |
Gikuniskunis niya ang akong kaunoran ug akong panit; gidugmok niya ang akong mga bukog.
| בנה עלי ויקף ראש ותלאה | 5 |
Nagtukod siya ug mga babag alang kanako, ug gipaalirongan ako sa kapaitan ug kalisdanan.
| במחשכים הושיבני כמתי עולם | 6 |
Gipapuyo niya ako sa mangitngit nga mga dapit, sama niadtong dugay na nga nangamatay.
| גדר בעדי ולא אצא הכביד נחשתי | 7 |
Nagtukod siya ug pader libot kanako, ug dili ako makaikyas. Gipabug-atan niya ang akong mga gapos.
| גם כי אזעק ואשוע שתם תפלתי | 8 |
Bisan tuod nagtawag ug nagsinggit ako alang sa pakitabang, wala niya tagda ang akong mga pag-ampo.
| גדר דרכי בגזית נתיבתי עוה | 9 |
Gibabagan niya ang akong agianan sa mga pader sa mga bato nga sinapsapan; baliko ang matag dalan nga akong agian.
| דב ארב הוא לי אריה (ארי) במסתרים | 10 |
Sama siya sa usa ka oso nga naghulat sa paghasmag kanako, usa ka liyon nga nagtago.
| דרכי סורר ויפשחני שמני שמם | 11 |
Gipatipas niya ang akong mga agianan. Gikuniskunis niya ako ug gibiyaan.
| דרך קשתו ויציבני כמטרא לחץ | 12 |
Gibinat niya ang iyang pana ug gitumong niya ako nga ig-onon alang sa udyong.
| הביא בכליתי בני אשפתו | 13 |
Gipana niya ang mga udyong sa iyang baslayan aron mosulod sa akong mga kidni.
| הייתי שחק לכל עמי נגינתם כל היום | 14 |
Nahimo akong kataw-anan sa tanan nakong katawhan, ang ulohan sa ilang biaybiay nga alawiton adlaw-adlaw.
| השביעני במרורים הרוני לענה | 15 |
Gipuno niya ako sa kapait ug gipugos ako pag-inom sa panyawan.
| ויגרס בחצץ שני הכפישני באפר | 16 |
Gigupok niya ang akong mga ngipon sa graba, ug gimu-mo niya ako ngadto sa abog.
| ותזנח משלום נפשי נשיתי טובה | 17 |
Gikuhaan mo ako ug kalinaw sa akong kinabuhi; dili na ako makahinumdom sa bisan unsa nga kalipay.
| ואמר אבד נצחי ותוחלתי מיהוה | 18 |
Busa miingon ako, “Ang akong paglahutay nahanaw na, ug ang akong paglaom diha kang Yahweh nawala na.”
| זכר עניי ומרודי לענה וראש | 19 |
Nahunahunaan ko ang akong kasakitan ug akong pagkahisalaag sa panyawan ug sa kapaitan.
| זכור תזכור ותשיח (ותשוח) עלי נפשי | 20 |
Nahunahunaan ko gayod kini, ug moyukbo ako nga wala nay paglaom.
| זאת אשיב אל לבי על כן אוחיל | 21 |
Apan nahunahunaan ko kini, ug mao kini ang hinungdan nga ako aduna pay paglaom:
| חסדי יהוה כי לא תמנו כי לא כלו רחמיו | 22 |
Pinaagi kini sa matinud-anon nga kasabotan ni Yahweh mao nga wala kita gilaglag, kay ang maluloy-on niya nga mga buhat dili matapos.
| חדשים לבקרים רבה אמונתך | 23 |
Ang iyang maluloy-on nga mga buhat nganhi kanato bag-o matag buntag. Ang imong pagkamatinud-anon hilabihan!
| חלקי יהוה אמרה נפשי על כן אוחיל לו | 24 |
“Si Yahweh mao ang akong panulondon,” miingon ako sa akong kaugalingon, busa molaom ako kaniya.
| טוב יהוה לקוו לנפש תדרשנו | 25 |
Maayo si Yahweh sa magahulat kaniya, sa kinabuhi nga nangita kaniya.
| טוב ויחיל ודומם לתשועת יהוה | 26 |
Maayo gayod nga maghulat nga hilom sa kaluwasan ni Yahweh.
| טוב לגבר כי ישא על בנעוריו | 27 |
Maayo kini alang sa usa ka tawo nga magpas-an ug yugo sa iyang pagkabatan-on.
| ישב בדד וידם כי נטל עליו | 28 |
Palingkora siya nga mag-inusara ug maghilom, tungod kay gibutang kini ni Yahweh nganha kaniya.
| יתן בעפר פיהו אולי יש תקוה | 29 |
Tugoti nga ibutang niya ang iyang baba sa abog, ug tingali mahimong adunay paglaom.
| יתן למכהו לחי ישבע בחרפה | 30 |
Tugoti nga ihatag niya ang iyang aping sa tawo nga nagsagpa kaniya. Tugoti nga mapuno siya sa kaulawan,
| כי לא יזנח לעולם אדני | 31 |
kay ang Ginoo dili mosalikway kaniya hangtod sa kahangtoran!
| כי אם הוגה ורחם כרב חסדיו | 32 |
Kay bisan tuod nagdala siya ug kagul-anan, mopakita usab siya ug kaluoy nga naggikan sa pagkamaayo sa matinud-anon niyang kasabotan.
| כי לא ענה מלבו ויגה בני איש | 33 |
Kay dili siya magdaogdaog gikan sa iyang kasingkasing, o pasakitan ang mga anak sa mga tawo.
| לדכא תחת רגליו כל אסירי ארץ | 34 |
Ang pagdugmok sa tanan nga binihag sa kalibotan ilalom sa iyang tiil,
| להטות משפט גבר נגד פני עליון | 35 |
ang dili pagtagad sa hustisya sa mga tawo atubangan sa Labing Taas,
| לעות אדם בריבו אדני לא ראה | 36 |
ang pagbaliwala sa usa ka tawo sa iyang katungod—wala ba nakakita ang Ginoo?
| מי זה אמר ותהי אדני לא צוה | 37 |
Kinsa man ang nagasulti ug unya kini mahitabo sa dihang ang Ginoo wala nagmando niini?
| מפי עליון לא תצא הרעות והטוב | 38 |
Dili ba ang katalagman ug kalamposan mogawas man sa baba sa Labing Taas?
| מה יתאונן אדם חי גבר על חטאו | 39 |
Nganong magmulo man ang bisan kinsa nga tawo nga buhi? Nganong magmulo man ang bisan kinsa nga tawo mahitungod sa pagsilot alang sa iyang mga sala?
| נחפשה דרכינו ונחקרה ונשובה עד יהוה | 40 |
Sulayan ug susihon nato ang atong mga pamaagi, ug mobalik pag-usab kang Yahweh.
| נשא לבבנו אל כפים אל אל בשמים | 41 |
Ipataas nato ang atong mga kasingkasing ug atong mga kamot ngadto sa Dios sa kalangitan ug mag-ampo:
| נחנו פשענו ומרינו אתה לא סלחת | 42 |
“Nakalapas kami ug misukol batok kanimo, busa wala mo kami pasayloa.
| סכותה באף ותרדפנו הרגת לא חמלת | 43 |
Gitabonan nimo ang imong kaugalingon uban sa kasuko ug nagalutos kanamo. Gipatay mo kami, ug wala mo kami gikaluy-an.
| סכותה בענן לך מעבור תפלה | 44 |
Gitabonan nimo ang imong kaugalingon sa panganod, aron nga walay pag-ampo nga makalahos.
| סחי ומאוס תשימנו בקרב העמים | 45 |
Gisalikway mo kami ug gidumilian sa katawhan.
| פצו עלינו פיהם כל איבינו | 46 |
Ang tanan namong kaaway nagbuka sa ilang mga baba aron sa pagbiay-biay batok kanamo.
| פחד ופחת היה לנו השאת והשבר | 47 |
Ang kahadlok sa bung-aw miabot kanamo, ang pagkabiniyaan ug pagkadugmok.”
| פלגי מים תרד עיני על שבר בת עמי | 48 |
Ang akong mata mihilak sama sa tubig sa suba tungod sa pagkadugmok sa anak nga babaye sa akong katawhan.
| עיני נגרה ולא תדמה מאין הפגות | 49 |
Ang akong mga mata wala naghunong sa pagdagayday, kay wala nay kahumanan niini
| עד ישקיף וירא יהוה משמים | 50 |
hangtod nga si Yahweh modungaw ug makakita gikan sa langit.
| עיני עוללה לנפשי מכל בנות עירי | 51 |
Ang akong mata nagdala ug hilabihan nga kasakit sa akong kinabuhi tungod sa tanang anak nga babaye sa akong siyudad.
| צוד צדוני כצפור איבי חנם | 52 |
Walay hunong ako nga gipangita sa akong mga kaaway sama sa usa ka langgam nga walay kapasikaran.
| צמתו בבור חיי וידו אבן בי | 53 |
Gilaglag nila ang akong kinabuhi sa atabay ug gibutangan ug bato ang akong ulo.
| צפו מים על ראשי אמרתי נגזרתי | 54 |
Milapaw ang mga tubig ibabaw sa akong ulo; Miingon ako, “Mamatay na ako!”
| קראתי שמך יהוה מבור תחתיות | 55 |
Gitawag nako ang imong ngalan, Yahweh, gikan sa kinahiladman sa bung-aw.
| קולי שמעת אל תעלם אזנך לרוחתי לשועתי | 56 |
Nadungog nimo ang akong tingog sa dihang miingon ako, “Ayaw tagoi ang imong igdulongog gikan sa akong tawag sa pagpahupay, gikan sa akong hilak sa pagpakitabang.”
| קרבת ביום אקראך אמרת אל תירא | 57 |
Giduol mo ako sa adlaw nga mitawag ako kanimo; gisultihan mo ako, “Ayaw kahadlok!”
| רבת אדני ריבי נפשי גאלת חיי | 58 |
Ginoo, gipanalipdan mo ako sa dihang nahukman ang akong kinabuhi; giluwas mo ang akong kinabuhi!
| ראיתה יהוה עותתי שפטה משפטי | 59 |
Yahweh, nakita mo ang ilang pagdaogdaog kanako. Hukmi ang akong kahimtang nga makataronganon.
| ראיתה כל נקמתם--כל מחשבתם לי | 60 |
Nakita mo ang tanan nilang mga buhat sa pagpanimalos, ang tanan nilang mga laraw batok kanako.
| שמעת חרפתם יהוה כל מחשבתם עלי | 61 |
Nadungog mo ang ilang pagpanghimaraot, Yahweh, ug ang tanan nilang mga laraw mahitungod kanako.
| שפתי קמי והגיונם עלי כל היום | 62 |
Nadungog nimo ang mga ngabil niadtong nakigbatok kanako; nadungog mo ang halalom nilang mga panghunahuna batok kanako sa tibuok adlaw.
| שבתם וקימתם הביטה אני מנגינתם | 63 |
Sa paglingkod man nila o sa ilang pagtindog, tan-awa, Yahweh! Ako mao ang ilang gibiaybiay sa ilang alawiton.
| תשיב להם גמול יהוה כמעשה ידיהם | 64 |
Balosi sila Yahweh, sama sa kalisod sumala sa nahimo sa ilang mga kamot.
| תתן להם מגנת לב תאלתך להם | 65 |
Ihatag ang pagkamahinadlokon sa ilang mga kasingkasing; ihatag ang tunglo kanila.
| תרדף באף ותשמידם מתחת שמי יהוה | 66 |
Gukda sila sa imong kasuko ug laglaga sila bisan asa ilalom sa kalangitan, Yahweh!
