Zabura 29

1 Zabura ta Dawuda. Ku ba da girma ga Ubangiji, ya ku manya, ku ba da girma ga Ubangiji saboda ɗaukaka da kuma ƙarfinsa.

A Psalm of David. Give to the LORD, O ye mighty, give to the LORD glory and strength.

2 Ku ba da girma ga Ubangiji, ɗaukakar da ta dace da sunansa; ku bauta wa Ubangiji cikin ɗaukakar tsarkinsa.

Give to the LORD the glory due to his name; worship the LORD in the beauty of holiness.

3 Muryar Ubangiji tana a bisa ruwaye; Allah Maɗaukaki ya yi tsawa, Ubangiji ya yi tsawa a bisa manyan ruwaye.

The voice of the LORD is upon the waters: the God of glory thundereth: the LORD is upon many waters.

4 Muryar Ubangiji mai iko ce; muryar Ubangiji da girma take.

The voice of the LORD is powerful; the voice of the LORD is full of majesty.

5 Muryar Ubangiji ta kakkarya itatuwan al’ul na Lebanon. Ubangiji ya kakkarya itatuwan al’ul na Lebanon kucu-kucu.

The voice of the LORD breaketh the cedars; yea, the LORD breaketh the cedars of Lebanon.

6 Ya sa dutsen Lebanon ya yi ta tsalle kamar ɗan maraƙi, Siriyon kuma kamar ɗan jakin jeji.

He maketh them also to skip like a calf; Lebanon and Sirion like a young unicorn.

7 Muryar Ubangiji ta buga da walƙatar walƙiya.

The voice of the LORD divideth the flames of fire.

8 Muryar Ubangiji ta girgiza hamada Ubangiji ya girgiza Hamadan Kadesh.

The voice of the LORD shaketh the wilderness; the LORD shaketh the wilderness of Kadesh.

9 Muryar Ubangiji ta murɗa itatuwan oak ya kakkaɓe itatuwan kurmi. Kuma a cikin haikalinsa kowa ya ce, “Ɗaukaka!”

The voice of the LORD maketh the hinds to calve, and maketh bare the forests: and in his temple doth every one speak of his glory.

10 Ubangiji na zaune yana sarauta a bisa rigyawa; Ubangiji yana sarauta kamar Sarki har abada.

The LORD sitteth upon the flood; yea, the LORD sitteth King for ever.

11 Ubangiji kan ba da ƙarfi ga mutanensa; Ubangiji kan albarkace mutanensa da salama.

The LORD will give strength to his people; the LORD will bless his people with peace.