Sòm 56

1 Pou direktè koral la. Yon powèm David lè Filisten yo te sezi li Gath. Chante pa melodi “Toutrèl San Chanson Nan Peyi Lwen An” Fè m gras, O Bondye, paske lòm fin foule m anba pye; Nan goumen tout lajounen, li vin oprime mwen.

“For the leader of the music. To be sung to the tune of “The dumb dove among strangers.” A psalm of David, when the Philistines took him in Gath.” Have pity upon me, O God! for man panteth for my life; My adversary daily oppresseth me!

2 Lènmi m yo vle vale m tout lajounen. Yo anpil! Tout (sila) ki goumen ak ògèy kont mwen yo.

Mine enemies daily pant for my life, And many are they who war proudly against me.

3 Lè mwen pè, mwen va mete konfyans nan Ou.

When I am in fear, I will put my trust in thee!

4 Nan Bondye, mwen fè lwanj pawòl Li! Nan Bondye, mwen te mete konfyans mwen. Mwen p ap pè. Kisa lòm ka fè m?

Through God shall I praise his word; In God do I put my trust; I will not fear; What can flesh do to me?

5 Tout lajounen, yo tòde pawòl mwen yo. Tout panse yo kont mwen se pou mal.

Every day they wrest my words; All their thoughts are against me for evil.

6 Yo atake, yo kache, yo veye pa mwen yo. Y ap tann pou rache lavi m.

They gather themselves together, they hide themselves, they watch my steps, Lying in wait for my life.

7 Akoz mechanste sa a, jete yo deyò. Nan kòlè Ou, fè desann moun sa yo, O Bondye!

Shall they escape by their iniquity? In thine anger cast down the people, O God!

8 Ou te byen konte tout egare mwen fè. Mete tout gout dlo ki sòti nan zye m yo nan boutèy Ou. Èske yo tout pa ekri nan liv Ou a?

Count thou my wanderings; Put my tears into thy bottle! Are they not recorded in thy book?

9 Konsa, lènmi mwen yo va vire fè bak nan jou ke m rele a. Men sa m byen konnen: Bondye pou mwen.

When I cry to thee, my enemies shall turn back; This I know, that God is for me.

10 Nan Bondye, ma louwe pawòl li. Nan SENYÈ a, ma louwe pawòl li.

Through God shall I praise his word; I shall glory in the promise of Jehovah.

11 Nan Bondye, mwen te mete konfyans mwen. Mwen p ap pè. Kisa lòm ka fè m?

In God do I put my trust; I will not fear: What can man do to me?

12 Ve Ou yo mare sou mwen, O Bondye. Mwen va rann ofrann remèsiman a Ou menm.

Thy vows are upon me, O God! I will render praises to thee!

13 Paske Ou te delivre nanm mwen soti nan lanmò. Ou te anpeche pye mwen glise tonbe, pou m ta kab mache devan Bondye nan limyè a moun vivan yo.

For thou hast delivered me from death, Yea, my feet from falling, That I may walk before God in the light of the living.