Sòm 145

1 Se yon chante David te ekri pou fè lwanj Bondye. Bondye mwen, wa mwen, m'a fè konnen jan ou gen pouvwa. M'ap di ou mèsi tout tan tout tan.

Chant de louange. De David. ALEPH. Je veux t'exalter, mon Dieu, ô Roi, et bénir ton nom à jamais et toujours.

2 Chak jou m'ap di ou mèsi. M'ap fè lwanj ou tout tan tout tan.

BETH. Je veux chaque jour te bénir, et célébrer ton nom toujours et à jamais.

3 Seyè a gen gwo pouvwa, li merite pou yo fè lwanj li vre. Moun p'ap janm fin konprann jan li gen pouvwa!

GHIMEL. Yahweh est grand et digne de toute louange, et sa grandeur est insondable.

4 Papa va fè lwanj ou devan pitit yo pou tou sa ou te fè. Y'a rakonte tout bèl bagay ou fè yo.

DALETH. Chaque âge dira au suivant la louange de tes œuvres, on publiera tes prodiges.

5 M'a rakonte jan ou gen pouvwa, jan ou gen fòs. M'a fè konnen bèl mèvèy ou yo.

HÉ. Je chanterai l'éclat glorieux de ta majesté, et tes œuvres prodigieuses.

6 Y'a di jan ou gen pouvwa kifè moun respekte ou. M'a rakonte jan ou gen fòs.

WAV. Et l'on parlera de ta puissance redoutable, et je raconterai ta grandeur.

7 Y'a fè tout moun chonje jan ou gen bon kè. Y'a chante pou ou, paske ou pa nan patipri.

ZAÏN. On proclamera le souvenir de ton immense bonté, et on célébrera ta justice.

8 Seyè a gen pitye pou nou. Li gen bon kè. Li pa fasil fè kòlè. Li p'ap janm sispann renmen nou!

HETH. Yahweh est miséricordieux et compatissant, lent à la colère et plein de bonté.

9 Seyè a bon pou tout moun san patipri. Li gen pitye pou tou sa li fè.

TETH. Yahweh est bon envers tous, et sa miséricorde s'étend sur toutes ses créatures.

10 Seyè, tou sa ou fè ap fè lwanj ou! Tout moun pa ou yo ap di ou mèsi!

YOD. Toutes tes œuvres te louent, Yahweh, et tes fidèles te bénissent.

11 Y'a di jan ou gouvènen avèk otorite. Y'a fè konnen jan ou gen pouvwa,

CAPH. Ils disent la gloire de ton règne, et proclament ta puissance,

12 pou tout moun ka konnen jan ou gen fòs, jan ou gouvènen avèk otorite.

LAMED. afin de faire connaître aux fils des hommes ses prodiges, et le glorieux éclat de son règne.

13 Gouvènman ou lan la pou tout tan. W'ap dominen pou tout tan. Seyè a ap toujou kenbe pawòl li yo, Li bon nan tou sa li fè.

MEM. Ton règne est un règne éternel, et ta domination subsiste dans tous les âges.

14 L'ap soutni tout moun k'ap tonbe. Li bay tout moun ki nan lafliksyon kouraj.

SAMECH. Yahweh soutient tous ceux qui tombent, il redresse tous ceux qui sont courbés.

15 Seyè, se sou ou tout moun ap gade. Ou ba yo manje lè yo bezwen manje.

AÏN. Les yeux de tous les êtres sont tournés vers toi dans l'attente, et tu leur donnes leur nourriture en son temps.

16 Ou louvri men ou, ou bay ni moun, ni bèt, ni plant tou sa yo bezwen.

PHÉ. Tu ouvres ta main, et tu rassasies de tes biens tout ce qui respire.

17 Seyè a san patipri nan tou sa l'ap fè. Li gen kè sansib nan tou sa l'ap fè.

TSADÉ. Yahweh est juste dans toutes ses voies, et miséricordieux dans toutes ses œuvres.

18 Seyè a kanpe toupre moun k'ap rele l', toupre tout moun k'ap rele l' ak tout kè yo.

QOPH. Yahweh est près de tous ceux qui l'invoquent, de tous ceux qui l'invoquent d'un cœur sincère.

19 L'ap bay tout moun ki gen krentif pou li sa yo ta renmen. Li tande lè y'ap rele l', l'ap delivre yo.

RESCH. Il accomplit les désirs de ceux qui le craignent, il entend leur cri et il les sauve.

20 L'ap pwoteje tout moun ki renmen l'. Men, l'ap detwi tout mechan yo.

SCHIN. Yahweh garde tous ceux qui l'aiment, et il détruit tous les méchants.

21 M'a fè lwanj Seyè a ak bouch mwen. Se pou tout moun fè lwanj Bondye ki yon Bondye apa. Se pou yo fè l' tout tan tout tan.

THAV. Que ma bouche publie la louange de Yahweh, et que toute chair bénisse son saint nom, toujours, à jamais!