Thaburi 29

1 Thaburi ya Daudi Rahai Jehova, inyuĩ ciũmbe cia igũrũ, rahai Jehova tondũ nĩwe ũrĩ riiri na hinya.

A Psalm of David. Give to the LORD, O ye mighty, give to the LORD glory and strength.

2 Rahai Jehova, mũheane ũhoro wa riiri wa rĩĩtwa rĩake; thathaiyai Jehova thĩinĩ wa ũkengi wa ũthingu wake.

Give to the LORD the glory due to his name; worship the LORD in the beauty of holiness.

3 Mũgambo wa Jehova ũragamba na kũu iria-inĩ; Mũrungu ũcio wa riiri nĩararuruma, Jehova araruruma igũrũ rĩa maaĩ maingĩ.

The voice of the LORD is upon the waters: the God of glory thundereth: the LORD is upon many waters.

4 Mũgambo wa Jehova nĩ ũrĩ ũhoti; mũgambo wa Jehova ũiyũrĩte riiri.

The voice of the LORD is powerful; the voice of the LORD is full of majesty.

5 Mũgambo wa Jehova unangaga mĩtarakwa; Jehova oinangaga mĩtarakwa ya Lebanoni ĩgatuĩka tũcunjĩ.

The voice of the LORD breaketh the cedars; yea, the LORD breaketh the cedars of Lebanon.

6 Atũmaga bũrũri wa Lebanoni ũtũũhe ta njaũ, nakĩo Kĩrĩma gĩa Sirioni gĩgatũũha ta njaũ ya mbogo.

He maketh them also to skip like a calf; Lebanon and Sirion like a young unicorn.

7 Mũgambo wa Jehova ũhenũkaga nĩnĩmbĩ cia mwaki.

The voice of the LORD divideth the flames of fire.

8 Mũgambo wa Jehova ũinainagia werũ; Jehova ainainagia Werũ wa Kadeshi.

The voice of the LORD shaketh the wilderness; the LORD shaketh the wilderness of Kadesh.

9 Mũgambo wa Jehova ũthioraga mĩtĩ ya mĩgandi, na ũgatũma mĩtitũ ĩhũrũrũke ĩgatigwo ũtheri. Nakuo hekarũ-inĩ yake arĩa othe marĩ kuo makaanĩrĩra makoiga, “Kaĩ arĩ riiri-ĩ!”

The voice of the LORD maketh the hinds to calve, and maketh bare the forests: and in his temple doth every one speak of his glory.

10 Jehova arĩ igũrũ rĩa mũiyũro wa maaĩ aikarĩire gĩtĩ kĩa ũnene; Jehova egũtũũra aikarĩire gĩtĩ kĩa ũnene arĩ Mũthamaki nginya tene.

The LORD sitteth upon the flood; yea, the LORD sitteth King for ever.

11 Jehova aheaga andũ ake hinya; Jehova arathimaga andũ ake magaikara na thayũ.

The LORD will give strength to his people; the LORD will bless his people with peace.