Thaburi 150

1 Goocai Jehova. Goocai Mũrungu mũrĩ harĩa hake haamũre; mũgoocei mũrĩ kũu igũrũ, o kũu kwa hinya wake.

Halleluyah ·praise Yah·! Praise God in his sanctuary! Praise him in his heavens for his acts of power!

2 Mũgoocei nĩ ũndũ wa ciĩko ciake cia hinya; mũgoocei nĩ ũndũ wa ũnene wake mũingĩ mũno.

Praise him for his mighty acts! Praise him according to his excellent greatness!

3 Mũgoocei mũkĩhuhaga karumbeta, mũmũgooce na kĩnanda kĩa mũgeeto, na gĩa kĩnũbi,

Praise him with the sounding of the shofar ·ram horn·! Praise him with harp and lyre!

4 mũgoocei na tũhembe mũkĩrũgarũgaga, mũmũgooce na inanda cia nga mũkĩhuhaga mĩtũrirũ,

Praise him with tambourine and dancing! Praise him with stringed instruments and flute!

5 mũgoocei mũkĩhũũrithanagia thaani cia rũthuku iria ngʼambi, mũmũgooce na thaani ikũgamba o ta rũgambi.

Praise him with loud cymbals! Praise him with resounding cymbals!

6 Kĩndũ gĩothe kĩrĩ mĩhũmũ nĩkĩgooce Jehova. Goocai Jehova.

Let everything that has breath Halleluyah ·praise Yah·! Halleluyah ·praise Yah·!