Thaburi 149

1 Goocai Jehova. Inĩrai Jehova rwĩmbo rwerũ, mũmũgooce mũrĩ kĩũngano-inĩ kĩa arĩa aamũre.

Louez Yahvé! Chantez à Yahvé un chant nouveau, sa louange dans l'assemblée des saints.

2 Andũ a Isiraeli nĩmakenere ũcio wamombire; andũ a Zayuni nĩmacanjamũke nĩ ũndũ wa Mũthamaki wao.

Qu'Israël se réjouisse de celui qui l'a créé. Que les enfants de Sion soient joyeux dans leur Roi.

3 Nĩmagooce rĩĩtwa rĩake makĩrũgarũgaga, na mamũinĩre na tũhembe, na kĩnanda kĩa mũgeeto.

Qu'ils louent son nom dans la danse! Qu'ils chantent ses louanges avec tambourin et harpe!

4 Nĩgũkorwo Jehova nĩakenagio nĩ andũ ake; andũ arĩa ahooreri amahumbaga thũmbĩ ya ũhonokio.

Car Yahvé prend plaisir à son peuple. Il couronne les humbles par le salut.

5 Andũ arĩa aamũre nĩmakenere gĩtĩĩo kĩu, na maine macanjamũkĩte marĩ o marĩrĩ-inĩ mao.

Que les saints se réjouissent dans l'honneur. Qu'ils chantent de joie sur leurs lits.

6 Ũgooci wa Mũrungu ũrokorwo tũnua-inĩ twao, na rũhiũ rwa njora rũnoore mĩena yeerĩ rũkorwo moko-inĩ mao,

Que les hautes louanges de Dieu soient dans leurs bouches, et une épée à deux tranchants dans leur main,

7 nĩguo meerĩhĩrie harĩ ndũrĩrĩ, na maherithie kĩrĩndĩ gĩa thĩ,

pour exécuter la vengeance sur les nations, et des châtiments sur les peuples;

8 nĩguo moohe athamaki ao na mĩnyororo, na moohe andũ ao arĩa marĩ igweta na bĩngũ cia kĩgera,

pour lier leurs rois avec des chaînes, et leurs nobles avec des entraves de fer;

9 nĩguo mamakinyĩrie ituĩro rĩrĩa mandĩkĩirwo. Ũcio nĩguo riiri wa andũ ake othe arĩa aamũre. Goocai Jehova.

pour exécuter sur eux le jugement écrit. Tous ses saints ont cet honneur. Louez Yah!