Thaburi 13

1 Thaburi ya Daudi Nĩ nginya rĩ, Wee Jehova? Ũgũtũũra ũriganĩirwo nĩ niĩ nginya tene? Nĩ nginya rĩ ũgũtũũra ũũhithĩte ũthiũ waku?

To the Overseer. — A Psalm of David. Till when, O Jehovah, Dost Thou forget me? — for ever? Till when dost Thou hide Thy face from me?

2 Nĩ nginya rĩ ngũtũũra ngianaga na meciiria makwa, na o mũthenya ngoragwo na ihooru ngoro-inĩ yakwa? Nĩ nginya rĩ thũ yakwa ĩgũtũũra ĩĩhootaga?

Till when do I set counsels in my soul? Sorrow in my heart daily? Till when is mine enemy exalted over me?

3 Wee Jehova, Ngai wakwa, ndora na ũnjookerie ũhoro. Tũma maitho makwa mone, nĩguo ndikae gũkoma toro wa gĩkuũ;

Look attentively; Answer me, O Jehovah, my God, Enlighten mine eyes, lest I sleep in death,

4 nĩguo thũ yakwa ndĩkoige atĩrĩ, “Nĩndĩmũhootete,” nao arĩa marĩ muku na niĩ magĩkenere kũgũa gwakwa.

Lest mine enemy say, 'I overcame him,' Mine adversaries joy when I am moved.

5 No niĩ ndĩhokete wendo waku ũrĩa ũtathiraga; ngoro yakwa ĩkenagĩra ũhonokio waku.

And I, in Thy kindness I have trusted, Rejoice doth my heart in Thy salvation.

6 Nĩngũinĩra Jehova, nĩgũkorwo nĩanjĩkĩte wega mũno.

I do sing to Jehovah, For He hath conferred benefits upon me!