Thaburi 121

1 Thaburi ya Agendi Nĩngũtiira maitho makwa ndore irĩma-inĩ: ũteithio wakwa ũngiuma na kũ?

A Song of Degrees. I lifted up mine eyes to the mountains, whence my help shall come.

2 Ũteithio wakwa uumaga kũrĩ Jehova, o we Mũũmbi wa igũrũ na thĩ.

My help [shall come] from the Lord, who made the heaven and the earth.

3 We ndangĩreka kũgũrũ gwaku gũtirũke: ũcio mũmenyereri waku ndarĩ hĩndĩ angĩcũnga;

Let not thy foot be moved; and let not thy keeper slumber.

4 ti-itherũ, ũcio mũmenyereri wa Isiraeli ndarĩ hĩndĩ angĩcũnga, kana ahĩtwo nĩ toro.

Behold, he that keeps Israel shall not slumber nor sleep.

5 Jehova nĩwe ũkũmenyagĩrĩra: Jehova nĩwe kĩĩruru gĩaku guoko-inĩ gwaku kwa ũrĩo;

The Lord shall keep thee: the Lord is thy shelter upon thy right hand.

6 mũthenya wee ndũngĩringĩka nĩ riũa, kana ũringĩke nĩ mweri ũtukũ.

The sun shall not burn thee by day, neither the moon by night.

7 Jehova nĩarĩkũgitagĩra kuuma ũũru-inĩ wothe: nĩarĩĩmenyagĩrĩra muoyo waku;

May the Lord preserve thee from all evil: the Lord shall keep thy soul.

8 Jehova nĩarĩkũmenyagĩrĩra ũkiumagara na ũgĩcooka, kuuma rĩu nginya tene na tene.

The Lord shall keep thy coming in, and thy going out, from henceforth and even for ever.