Thaburi 114

1 Rĩrĩa Isiraeli moimire bũrũri wa Misiri, nyũmba ya Jakubu ĩkiuma kũrĩ andũ a rũthiomi rũngĩ-rĩ,

When Israel went forth out of Egypt, The house of Jacob from a people of strange language;

2 Juda gwatuĩkire handũ ha Ngai haamũre, na Isiraeli gũgĩtuĩka nĩkuo arĩathanaga.

Judah became his sanctuary, Israel his dominion.

3 Iria rĩonire ũguo rĩkĩũra, naruo Rũũĩ rwa Jorodani rũgĩcooka na thuutha;

The sea saw it, and fled; The Jordan was driven back.

4 Irĩma igĩtũhatũũha ta ndũrũme, natuo tũrĩma tũgĩtũhatũũha ta tũgondu.

The mountains skipped like rams, The little hills like lambs.

5 Kaĩ wonire atĩa, wee iria, nĩguo ũre, nawe Jorodani, tondũ wacookire na thuutha?

What aileth thee, O thou sea, that thou fleest? Thou Jordan, that thou turnest back?

6 Inyuĩ irĩma, muonete kĩ, nĩguo mũtũhatũũhe ta ndũrũme, na inyuĩ tũrĩma, nĩguo mũtũhatũũhe ta tũgondu?

Ye mountains, that ye skip like rams; Ye little hills, like lambs?

7 Wee thĩ, ta kĩinaine ũrĩ mbere ya Mwathani, ũrĩ hau mbere ya Ngai ũcio wa Jakubu,

Tremble, thou earth, at the presence of the Lord, At the presence of the God of Jacob,

8 o we ũcio wagarũrire rwaro rwa ihiga rũgĩtuĩka karia ka maaĩ, narĩo ihiga rĩũmũ rĩgĩtuĩka ithima cia maaĩ.

Who turned the rock into a pool of water, The flint into a fountain of waters.