Ayubu 38
1 Nake Jehova agĩcookeria Ayubu ũhoro arĩ kĩhuhũkanio-inĩ, akĩmwĩra atĩrĩ:
| ויען יהוה את איוב מן הסערה ויאמר׃ |
2 “Nũũ ũyũ ũrekĩra kĩrĩra gĩakwa nduma na ciugo itarĩ na ũmenyo?
| מי זה מחשיך עצה במלין בלי דעת׃ |
3 Wĩhotore ta mũndũ mũrũme; nĩngũkũũria ciũria, nawe ũkĩnjookerie.
| אזר נא כגבר חלציך ואשאלך והודיעני׃ |
4 “Warĩ kũ rĩrĩa ndaakire mũthingi wa thĩ? Njĩĩra akorwo ũrĩ na ũũgĩ wa kũmenya.
| איפה היית ביסדי ארץ הגד אם ידעת בינה׃ |
5 Nũũ wathimire mũigana wayo? Ti-itherũ wee nĩũũĩ! Nũũ watambũrũkirie rũrigi rwa gũthima igũrũ rĩayo?
| מי שם ממדיה כי תדע או מי נטה עליה קו׃ |
6 Mĩthingi yayo yahandirwo igũrũ rĩa kĩĩ, kana nũũ wahaandire ihiga rĩayo rĩa koine,
| על מה אדניה הטבעו או מי ירה אבן פנתה׃ |
7 hĩndĩ ĩrĩa njata cia rũciinĩ ciainire hamwe, na araika othe makĩanĩrĩra nĩ gũkena?
| ברן יחד כוכבי בקר ויריעו כל בני אלהים׃ |
8 “Nũũ wahingĩrĩirie iria na mĩrango rĩrĩa rĩatumũkire kuuma nda,
| ויסך בדלתים ים בגיחו מרחם יצא׃ |
9 rĩrĩa ndatuire matu nguo ciarĩo, na ngĩrĩoha nduma nene ta taama warĩo,
| בשומי ענן לבשו וערפל חתלתו׃ |
10 rĩrĩa ndarĩkĩrĩire mĩhaka, na ngĩrĩhingĩra na mĩrango yarĩo, na ngĩĩkĩra mĩgĩĩko handũ hayo,
| ואשבר עליו חקי ואשים בריח ודלתים׃ |
11 rĩrĩa ndoigire atĩrĩ, ‘Ũkinyage o haha na ndũkanahakĩre; makũmbĩ maku macio metĩĩi-rĩ, hau nĩho marĩĩkinyaga’?
| ואמר עד פה תבוא ולא תסיף ופא ישית בגאון גליך׃ |
12 “Kuuma o kĩambĩrĩria-rĩ, ũrĩ waathana atĩ rũciinĩ rũgĩe ho, kana ũkĩonereria ũtheri wa rũciinĩ harĩa ũkuumĩrĩra,
| המימיך צוית בקר ידעתה שחר מקמו׃ |
13 nĩguo ũhote kũnyiita thĩ na mĩthia yaguo, nao arĩa aaganu maribaribwo moime kuo?
| לאחז בכנפות הארץ וינערו רשעים ממנה׃ |
14 Thĩ ĩhaanaga ta rĩũmba rĩhũrĩtwo mũhũũri; mũonekere wayo ũtariĩ ta mũhianĩre wa nguo.
| תתהפך כחמר חותם ויתיצבו כמו לבוש׃ |
15 Andũ arĩa aaganu nĩmaimagwo ũtheri wao, na guoko kwao kũrĩa kuoetwo na igũrũ gũkoinwo.
| וימנע מרשעים אורם וזרוע רמה תשבר׃ |
16 “Ũrĩ wathiĩ rũgendo nginya kũrĩa iria rĩtherũkagĩra, kana ũgaceera itwe-inĩ cia ndia kũrĩa kũriku mũno?
| הבאת עד נבכי ים ובחקר תהום התהלכת׃ |
17 Ũrĩ wonio ihingo cia gĩkuũ? Ũrĩ wona ihingo cia kĩĩruru gĩa gĩkuũ?
| הנגלו לך שערי מות ושערי צלמות תראה׃ |
18 Ũrĩ wamenya ũnene wa wariĩ wa thĩ? Njĩĩra akorwo nĩũũĩ maũndũ macio mothe.
| התבננת עד רחבי ארץ הגד אם ידעת כלה׃ |
19 “Njĩra ya gũthiĩ kũrĩa ũtheri ũtũũraga nĩĩrĩkũ? Nayo nduma ĩikaraga kũ?
| אי זה הדרך ישכן אור וחשך אי זה מקמו׃ |
20 No ũcitware gwacio? Nĩũũĩ tũcĩra twa gũthiĩ kũrĩa itũũraga?
| כי תקחנו אל גבולו וכי תבין נתיבות ביתו׃ |
21 Ti-itherũ wee nĩũũĩ, nĩgũkorwo warĩ mũciare! Wee-rĩ, nĩũtũũrĩte mĩaka mĩingĩ!
| ידעת כי אז תולד ומספר ימיך רבים׃ |
22 “Ũrĩ watoonya makũmbĩ kũrĩa tharunji ĩigĩtwo, kana ũkĩona makũmbĩ kũrĩa mbura ya mbembe ĩigĩtwo,
| הבאת אל אצרות שלג ואצרות ברד תראה׃ |
23 o icio njigĩte nĩ ũndũ wa mahinda ma thĩĩna, ngaciiga nĩ ũndũ wa matukũ ma mbaara na ma kũrũa.
| אשר חשכתי לעת צר ליום קרב ומלחמה׃ |
24 Njĩra ya gũthiĩ kũrĩa ũtheri ũgayanagĩrio nĩĩrĩkũ, kana ya gũthiĩ kũrĩa rũhuho rwa irathĩro rũhurunjagĩrwo gũkũ thĩ?
| אי זה הדרך יחלק אור יפץ קדים עלי ארץ׃ |
25 Nũũ wenjagĩra mbura ya kĩboboto mũtaro wa kũgerera, kana agatemera mbura ya marurumĩ njĩra,
| מי פלג לשטף תעלה ודרך לחזיז קלות׃ |
26 nĩguo mbura yure bũrũri ũtatũũraga mũndũ, na yure werũ kũrĩa gũtarĩ mũndũ,
| להמטיר על ארץ לא איש מדבר לא אדם בו׃ |
27 nĩguo ĩhũũnagie kũu gũtiganĩrie gũgakira ihooru, na ĩtũme kũmere nyeki?
| להשביע שאה ומשאה ולהצמיח מצא דשא׃ |
28 Mbura nĩĩrĩ ithe? Nũũ mũciari wa matata ma ime?
| היש למטר אב או מי הוליד אגלי טל׃ |
29 Tharunji yumaga nda ya ũ? Nũũ ũciaraga mbaa ĩrĩa yumaga igũrũ,
| מבטן מי יצא הקרח וכפר שמים מי ילדו׃ |
30 rĩrĩa maaĩ momaga ta ihiga, rĩrĩa maaĩ marĩa marĩ igũrũ wa iria magwatana?
| כאבן מים יתחבאו ופני תהום יתלכדו׃ |
31 “Wee-rĩ, wahota kuohania njata iria thaka cia Kĩrĩmĩra? Wahota kuohora mĩkanda ya njata iria ciĩtagwo Karaũ?
| התקשר מעדנות כימה או משכות כסיל תפתח׃ |
32 Wahota kuumagaragia njata iria ciĩtagwo Mazarothu o mahinda maacio maakinya, kana wahota gũtongoria Nduba na ciana ciayo?
| התציא מזרות בעתו ועיש על בניה תנחם׃ |
33 Nĩũũĩ mawatho ma igũrũ? No ũhote kũhaanda wathani wa Ngai ũrũme gũkũ thĩ?
| הידעת חקות שמים אם תשים משטרו בארץ׃ |
34 “Wahota kwanĩrĩra nginya mũgambo waku ũkinye matu-inĩ nĩguo kuure wĩhumbĩre na kĩguũ kĩa maaĩ?
| התרים לעב קולך ושפעת מים תכסך׃ |
35 Wee nĩwe ũtũmaga heni ithiĩ na njĩra ciacio? Nĩikũrehagĩra ũhoro igakwĩra atĩ, ‘Tũrĩ haha’?
| התשלח ברקים וילכו ויאמרו לך הננו׃ |
36 Nũũ waheire ngoro ũũgĩ, kana akĩhe meciiria ũmenyo?
| מי שת בטחות חכמה או מי נתן לשכוי בינה׃ |
37 Nũũ ũrĩ na ũũgĩ wa gũtara matu? Nũũ ũngĩhota kũinamia ndigithũ cia maaĩ cia igũrũ
| מי יספר שחקים בחכמה ונבלי שמים מי ישכיב׃ |
38 rĩrĩa rũkũngũ rwatondora, nayo ndoro ĩkooma ĩkanyiitana?
| בצקת עפר למוצק ורגבים ידבקו׃ |
39 “Nĩwe ũguĩmagĩra mũrũũthi wa mũgoma wone gĩa kũrĩa, kana nĩwe ũniinagĩra mĩrũũthi ngʼaragu
| התצוד ללביא טרף וחית כפירים תמלא׃ |
40 rĩrĩa ĩkomereire imamo-inĩ ciayo, kana rĩrĩa ĩikaraga yoheirie nyamũ ihinga-inĩ?
| כי ישחו במעונות ישבו בסכה למו ארב׃ |
41 Nũũ ũheaga ihuru irio rĩrĩa tũcui twarĩo tũgũkaĩra Mũrungu tũkĩũrũũraga nĩ kwaga irio?
| מי יכין לערב צידו כי ילדו אל אל ישועו יתעו לבלי אכל׃ |
