Psalmowo 54

1 David ƒe ha na hɛnɔ la. Woadzii ɖe kasaŋku ŋu. David kpa ha sia esi Zifitɔwo yi Saul gbɔ gblɔ nɛ be, “Ɖe David meva ɣla ɖe mía dome oa?” Ɖem, O! Mawu, ɖem kple wò ŋkɔ, tsɔ wò ŋusẽ tso afia nam.

Save me, O God, by thy name, and judge me in thy might.

2 O! Mawu, se nye gbedodoɖa, eye nàƒu to anyi ɖe nye numenyawo ŋu.

Hear my prayer, O God. Give ear to the words of my mouth.

3 Amedzrowo tso ɖe ŋunye, ŋutasẽlawo ti nye agbe yome, ame siwo mebua Mawu ɖe naneke me o. (Sela)

For strangers are risen up against me, and violent men have sought after my soul. They have not set God before them. (Selah)

4 Mawu nye nye xɔnametɔ vavã, Aƒetɔ lae nye ame si lém ɖe asi.

Behold, God is my helper. The Lord is of those who uphold my soul.

5 Vɔ̃ negbugbɔ va ame siwo le ŋunye gblẽm la dzi, tsrɔ̃ wo le wò nuteƒewɔwɔ ta.

He will requite the evil to my enemies. Destroy thou them in thy truth.

6 Masa lɔlɔ̃nuvɔsa na wò, O! Yehowa, makafu wò ŋkɔ, elabena enyo.

With a freewill offering I will sacrifice to thee. I will give thanks to thy name, O Jehovah, for it is good.

7 Eɖem tso nye xaxawo katã me, eye nye ŋkuwo kpɔ ale si woɖu nye futɔwo dzii.

For he has delivered me out of all trouble, and my eye has seen it upon my enemies.