Psalmowo 26

1 David ƒa ha. O! Yehowa, tso afia nam, elabena menɔ agbe si ŋu fɔɖiɖi mele o. Meɖo dzi ɖe Yehowa ŋu, nyemeʋã kpɔ gbeɖe o.

[By David.] Judge me, LORD, for I have walked in my integrity. I have trusted also in LORD without wavering.

2 O! Yehowa, lolom, dom kpɔ; eye nàdzro nye dzi kple tamesusu hã me,

Examine me, LORD, and prove me. Try my heart and my mind.

3 elabena wò lɔlɔ̃ le ŋkunye me ɖaa, eye mezɔna le wò nyateƒe la me ɣe sia ɣi.

For your loving kindness is before my eyes. I have walked in your truth.

4 Nyemanɔ anyi ɖe ameblelawo dome, alo ade ha kple alakpanuwɔlawo o.

I have not sat with deceitful men, neither will I go in with hypocrites.

5 Metsri ame tovowo ƒe habɔbɔ, eye megbe be nyemanɔ ame vɔ̃ɖiwo dome o.

I hate the assembly of evildoers, and will not sit with the wicked.

6 Meklɔ nye asiwo le fɔmaɖimaɖi me, eye meƒo xlã wò vɔsamlekpui, O! Yehowa,

I will wash my hands in innocence, so I will go about your altar, LORD;

7 hele wò kafukafuha dzim kple ɣli le nukudɔ siwo katã nèwɔ la xlẽm fia.

that I may make the voice of thanksgiving to be heard, and tell of all your wondrous works.

8 O! Yehowa, melɔ̃ aƒe si me nèle, afi si wò ŋutikɔkɔe le.

LORD, I love the habitation of your house, the place where your glory dwells.

9 Mègatsɔ nye luʋɔ kpe ɖe nu vɔ̃ wɔlawo ŋuti kple nye agbe kpe ɖe hlɔ̃dolawo ŋuti,

Do not gather my soul with sinners, nor my life with bloodthirsty men;

10 ame siwo ƒe asi me ɖoɖo vɔ̃ɖiwo le, eye woƒe nuɖusime yɔ fũu kple zãnuxɔxɔ o.

in whose hands is wickedness, their right hand is full of bribes.

11 Ke nye la, menɔ agbe si ŋu fɔɖiɖi mele o, eya ta ɖem, eye nàkpɔ nublanui nam.

But as for me, I will walk in my integrity. Redeem me, and be merciful to me.

12 Nye afɔ le sɔsɔeƒe. Makafu Yehowa le takpekpe gã la me.

My foot stands in an even place. In the congregations I will bless the LORD.